عرض للطباعة
السلام عليكم ورحمه الله وبركاته
صباح الورد على جميع اعضاء المنتدى وقراءه والقائمين عليه
اسال هذي الايام عن المدارس الخاصه حتى اتمكن من تسجيل ابني في افضل مدرسه في قطر تأسس ولدي التأسيس الصحيح في تعليمه
ولكني تفاجئت عن بعض المدارس لا ينصحوني بها يقولون انها فيها (تنصير)ليس بمنهج خاص عن التنصير ولكن ممارسات وبعض الدروس .
انصدمت بس احاول اتاكد من هذي المعلومه
سوال احد يقد يفدني بهذي المعلومه ؟وافضل مدرسه تنصحوني فيها ؟
ولكم كل الشكر والتقدير
الله يجزيه خير اللي بيرد اختي تدور وان شاء الله تستفيد من هالموضوع
ان شاء الله حد يفيدك ويفيدنياقتباس:
المشاركة الأصلية كتبت بواسطة القهيدان
سبحان الله .. انا اليوم مفرغة نفسي حق هل الموضوع ابي اماكن اسجل فيها بنتي
عموما
اي مدرسة بتسجل فيها حاول انها تكون قريبة من بيتك
بعدين انا سمعت هل الشي واعتقد ان المدرسة هي الشويفات بس صراحة من تجربة ناس اعرفهم محد ذكر لي هل الشي ..
عموما المفروض قبل لا تسجله في اي مدرسة تشوفها وتشوف منهجها ونظامها و تستخير وتتوكل على الله
ما هي المدارس المقصودة؟اقتباس:
المشاركة الأصلية كتبت بواسطة القهيدان
مدرسه قطر انترناشونال وايد زينه
ومدرسه قطر اكاديمي
المدارس الاسلاميه الانجليزيه القويه اثنان لااااااااااا ثالث لهما المها والارقم
جاني مسج من مدرسة اسمها الحكمة الدولية اكيد وصلك شوف اتصل فيهم وشوف مناهجهم
ورقمهم 4935522
5200656
وبالتوفيق
السلام عليكم
الصراحه مااقدر افيدكم في هالموضوع ولكن عيال اخوي كلهم في المها ومناهج لحد ما حلووه ومفيده ماعندي خلفيه كبيره عن المدارس ولكن بحطلكم موقع يوفر لك كل المدارس الخاصه والاجنبيه الى بقطر بأرقامهم ومناطقهم,, تقدرون تتصلون:telephone: وتستفسرون عن المناهج
هذا الموقع يفتحلك الخيارات بالتفكير والبحث عن المناهج المناسبه لأبناءكم ,, اهم شي الاستفسار عن المناهج قبل لادخلون عيالكم المدارس
هذي معلومات المدارس (الرابط)
وهذي تصنيف المناهج فيها (الرابط)
اتمنى انها تفيدكم :)
السلام عليكم
طبعا احسن مدرس الشويفات
لكن انا ماقدرت اسجل ولدي لانة ماعندهم مكان
بس الحين هو من سنتين في مدرسة اكادمية الدوحة
والصراحة استفاد وايد من اللغة
وبعد يدرسونهم شريعة ويحفظونه القران
بس عندهم اللغة العربية اضعيفة شوي
وسلامتك
قطري كشخه يرحم والديك شهالموقع الحتر؟؟؟؟؟كل معلوماته بتاعت ستين سنه ورا...ما ينلامون يوم الغوهم
شوف يقولك اسأل مجرب ولا تسأل طبيب
انا الله يسلمك كنت طالب في اغلب المدارس الخاصه 14 سنه وعندي ربع واجد كانو فمدارس خاصه
انا بعد لك المدارس ورايي فيها بحكم التجربه
اكادمية الدوحه(المعموره) ( مدرسه "مش حالك"، ما انصحك فيها، قعدة فيها اسبوع بس يوم كان عمري 16، لعب استهزاء مصخره، مافي تحكم عالطلاب)*
اكادمية الجزيره (ابوهامور)( زينه للبنات لانها مفصوله من الصف الاول عدادي، التأسيس ممتاز لغه انجليزيه، تدريس الشريعه، والعربي ، مدرسه محافضه)
اكاديمية قطر (المدينه التعليميه)( مدرسه تعليم على مستوى عالي يحببون الطالب في الدراسه، يستخدمون افضل المناهج العالميه + الشريعه، مختلط)
مدرسة الشويفات ( الدفنه)( بصراحه شغل وكرف وحك، بصراحه انا طيحت من معنوياتي مش لاني ما اقدر عليها بس لانه شغلهم ما يخلص، بس شهادتها ذات مستوى عالي يعني الجامعات تقبلها بسرعه ، لكن عندنا بيضلمون الطالب في المعادله، مختلط)
مدرسة قطر العالميه ( كيو اي اس) ( مدرسه نظام انجليزي تاسيس قوي في اللغه العربيه والانجليزيه، ماعجبتني لانه في الصفوف المتقدمه تبتدي ظاهره البوي والقير فرند، مختلط)
المدرسه الامريكه (السد)( نصيحه مني لك ابتعد عنها، الطالب راح يتعلم العادات السيئه مش من المدرسين لاكن من الطلبه نفسهم)
المدرسه الانجليزيه الحديثه (مدينة خليفه)( نظام انجليزي، تاسيس قوي فاللغله العربيه والانجليزيه، مفصول فالمرحله الاعداديه فقط)
ولو بغيت نصيحتي بقولك اكادمية قطر
وبصراحه اهم شي تربية الاب لابنه يعني التربيه الصالحه بتظهر ابن صالح حتى لو درس في اخس المدارس
والله يوفقك
اقتباس:
المشاركة الأصلية كتبت بواسطة سمو انسان
الله يجزيك خير
والف الف شكر على ردك
:rolleyes2::rolleyes2::rolleyes2:تبارك الله ما خليت مدرسه ...يا الربع اللي عنده استفسار يرجع لسمو انسان....اقتباس:
المشاركة الأصلية كتبت بواسطة سمو انسان
ماخبر كان عندنا مدارس قبل ستين سنه وله يمكن تقصدين انهم كنسلو المدارس الى موجوده في اللسته احين هذا شي ثاني فأسمحيلي لانه صارلي سنين مو في الديره :nice: ,, عموما مأدري وشو القديم في الموقع ولكن انا حطيت الموقع لانه في ارقام اغلب المدارس الخاصه وهذا يسهل على اولياء الامور الاتصال بتلك المدارس بشكل اسهل واسرع اذا كان عندهم اى استفسار عن المناهج :rolleyes2:اقتباس:
المشاركة الأصلية كتبت بواسطة المبروكه
الشويفات تنصيرية بناتي فيها وكم مرة كلمتهم يحطون صورة دبدوب لعيال الروضة ولما يلونها يطلع دب في بطنه صليب وبالصف الثاني انوواع الاكل من ضمنه لحم الخنزير قصة بالصف الثاني عن الاميرة والامير اللي يقبلها علشان تصحى
لا مجالس اباء
لاحفلات اطفال مرتبه على قولته مشي حالك
رحلاتهم ايام السبت يعني يوم الراحه ومب وايده
المدرسين انجليزيات ولا السنه يدرسونهم ريايل بعد
العربي والشرعيه الله بالخير لايحفظونهم ولا هم يحزنون
الانجليزي مكثف حسبالهم شطارة نص الكلمات ما يعرفونها اليهال
لولا قرب المدرسه من البيت ومافي مدارس عدله بالدفنه جان حطيتهم بمدارس متقدمه واسلاميه اه ه ه بغيتهم بالبيان لكن الواسطه وينها وسمعت ان مستواهم نزل حسبي الله على اللي خلى التعليم بفلوس كل سنه يزيدون علينا وصار العربي والشرعيه مساند للانجليزي
المها والأرقم
المشكلة وين بتصيد لك مكان فيهم
انا صار لي 3 سنوات احاول اصيد مكان في المها للعيال ولا لقيت ولا كرسي
مع ان وايد من عيال اخواني يدرسون فيها
http://www.uaekeys.com/fwasel/www.uaekeys.com25.gif
مافيه غير مدرسة المها الانجليزيه يتبعون منهج اسلامي واهتمامهم بااللغة العربيه لايعلى عليه ومنهجهم بريطاني ومديرهم ماشاء الله عليه متدين باكستاني جنسيه بريطانيه
http://www.uaekeys.com/fwasel/www.uaekeys.com25.gif
:nice::nice::nice::nice::nice:اقتباس:
المشاركة الأصلية كتبت بواسطة sulai6i
المها واكاديمية الجزيره نفس الاداره والمنهج كلهم تابع للسيد غانم ال سعداقتباس:
المشاركة الأصلية كتبت بواسطة فزعـــــ قطر ـــــة
ثالثهم مدرسه اقرأ واحسنهم بعداقتباس:
المشاركة الأصلية كتبت بواسطة المبروكه
[COLOR="Cyan"]الى الاخ او الاخت التي تسأل عن المدرسة التي فيها تنصير هي مدرسة الشويفات.[/COLOR]