ابي استورد رخام ،جرانيت من تركيا هل هالمشروع منه فايده ولا مع العلم ارخص من الدوحه وعندي واحد في تركيا يجابل هالشي شرايكم
عرض للطباعة
ابي استورد رخام ،جرانيت من تركيا هل هالمشروع منه فايده ولا مع العلم ارخص من الدوحه وعندي واحد في تركيا يجابل هالشي شرايكم
ما أنصحك مب كل الناس تستخدم الرخام التركي .الشركة لازم يكون فيها جميع أنشطة الرخام عشان تكسب من البيع والشراء والقص والتركيب . غير جذي بنخسر . هذا رايي والله أعلم . ولك التوفيق
اشكرك علي النصيحه
استيراد وتوزيع ممكن بس لازم يكون المستورد قطع جيدة ولا فيها شوائب وحفر .. التركيب والتسويق مركب شغلة لكن تسويق للبيع أتوقع بتستفيد والتخزين سهل
لو لك نية بيع وتركيب وصيانة أكيد بتحتاج دراسة والسوق كبير وفيه ناس وايد شغالين زين وبأسعار منافسة .. للتركيب بتحتاج طاقم متمرس ومقر ومخزن وورشة .. ولو يحصل لك ورشة تقص هناك حسب رسم معين تتفق عليه مع العميل وهنا ناس يركبون القطع حسب الرسم والقطع تكون مقصوصة بتصاميم فنية وتداخل ألوان معينة بيكون لك سوق جيد
تقدر تضيف له الحجر وايد مطلوب وتركيا كلها جبال وأكيد فيها حجر زين
,
,
مرحبا
اخوي الكريم
فكره الاستيراد ( اشجعك ) عليها فيها بركه
ولكن
كل يوم تجيني اتصالات من تركيا ومن اسبانيا ومن إيطاليا
( يبون يبيعون )
وما عندهم مشكله ياخذون فلوسهم بعد 90 يوم
بعد بيع البضاعه
لاني احضر معارض ولي تواصل مع هذي المصانع
لان مصانعهم ( متعبيه المخازن ) مافي بيع عندهم والبضاعه زايده
المحلات بشارع سلوى والمصانع المعروفه بقطر
مثل نابينا والرخام الذهبي والوطنيه ...الخ
هذولا عندهم زباينهم وعندهم الشركات الي تشتري منهم
لذلك يستوردون بدون مشاكل
اما الشركات الصغيره او المستورد الجديد هذا يضيع في السالفه
ما انصحك ( نهائيا ) سوق مواد البناء مضروب هاليومين
ومافي مشاريع لا خاص ولا حكومي
والي عنده رخام متورط فيه ومو عارف يصرفه وكل يوم يجونا المكتب يبون يصرفون بضاعتهم ( براس المال )
أنواع واشكال
مصنع الاسمنت رخص السعر عشان يبيع اكثر
محلات السيراميك كل يوم يتصلون
بالفعل السوق ( يعاني )
بالفعل في ازمه بالسوق
نصيحه ادخل بشي مختلف غير البناء
حاول تجيب شي جديد على السوق
شي تتميز فيه غير عن الأمور المعروفه
والخيارات كثيره جدا ومتنوعه
من الاغذيه
الى التكنولجيا والاجهزه
والاختراعات الجديده
جرب تحضر معارض الصين كوانزو
شهر 4 وشهر 10 موعد المعارض
بتلاقي بضايع جديده محد جابها السوق
تتميز فيها
,
,
,
الاغذية
الاغذية
البزنز الوحيد الماشي
الله يوفقك
ليش اخترت رخام
فيه سلع افضل
وأنا أتفق معاه في الرأياقتباس:
المشاركة الأصلية كتبت بواسطة bentelyarnag
شغل الرخام مب سهل اخوي ومثل ما تفضلوا الاخوان مرات ممكن تستورد قطع رخام ويكون ببعض الالواح عيوب وما راح حد يشتريها منك و
خاصة الرخام يحطون القطع جنب بعض علشان ينسقون العروق والدزاين والالوان ... واهم شي بشغل الرخام يكون عندك مصنع أو معمل لقص الرخام وتلميعه عشان تقدر تفصل على طلب الزباين والمقاولين والمنافسة قدام الشركات المعروفة صعبة
والله يوفقك بمشروع أحسن
من أنجح المشاريع
-مشروع كافتيرا او مطعم ( بشرط الالتزام بالجودة من حيث المذاق والشروط الصحية)
- مشروع سوبر ماركت
- مشروع مخبز ( يشمل الخبز بأنواعه والمعجنات) مع توفير سيارات للتوزيع
هناك الكثير من الأفكار
ومن يريد الاستشارة حياه الله على الخاص