وين اقدر احصل المحلات الي تسوي الفواتير واللوقو و الشعارات

السلام عليكم ..

انا حاليا افكر ابدا مشروع صغير ..

الحين عندي سؤال وين اقدر احصل المحلات الي تسوي الفواتير واللوقو و الاكياس و الشعارات مالت الملابس

واذا تعرفون حسابات فالانستقرام او مطابع زينة

ويعطيكم الف عافية

عليكم السلام

انا اتعامل مع شركة المجرة .. من شعارات واوراق مروسة وفواتير وشعارات على الملابس
وهذي مكانها سوق الرفاع اللي بشارع الفروسيه مقابل حديقة اسباير،، وانت من دوار المعيذر (قطر للسواقة سابقاً) بإتجاه اشارات المناصير


والاكياس شركة الزيني .. مكانهم القديم شارع ابن محمود

ممكن اسوي التصميم وكلشي والمطبعة اتعامل معاها شخصيا

والاسعار مناسبة وعلى حسب نوعية الورق و الجودة

يعطيكم العافيه

up up

..

أعرف شاب أردني مبدع جداً بالتصاميم والشعارات
والبنرات وأشرف على عدة معارض على مستوى
عالي بقطر وحالياً يشتغل للأفراد أيضاً..

أسعاره ممتازه وسهل جداً بالتعامل ماشاء الله
عليه عادي يجيك مجلسك ويقعد معاك أكثر
من مره ويطبق أفكارك ويبلورها ويعطيك
اقتراحات وإلخ لين توصلون للشي
إللي يرضيك..

الله يشهد إني مالي مصلحه منه وتعاملت
معاه وضبط لي كذا شغله وكنت قبله متعامل
مع مكتبه كبيره جداً على مستوى قطر وتفاجأت
بالفرق الشاسع بين شغله الاحترافي وبين الشغل
المتواضع إللي كنت مسويه عند هالمكتبه بصراحه !

إذا مهتم تواصل معاي ع الخاص وبعطيك رقمه..

..

نصيحة دش هالموقع وشوف شغله واساله كم تكلف
www.nihadnadam.com
شغله فوق الاحترافي

اعرف شخص من السعوديه واسعاره زينه

مشكورين ويعطيكم العافيه
المشكلة ماقدر اطرش رسايل بالخاص لان مشاركاتي اقل من 50

فاللي يعرف مكان زين ياريت يحط الرقم هني

ومشكورين