عندي بيت شعبي قديم وابي اهدمه وابنيه من جديد فيلا دورين البعض يقولي رمميه وبني فوقه دور ثاني لاكن انا ابي اسكنه وابيه كله جديد من ارضيه الحوش الى اخره من يقولى اسلمه مقاول ولا شركه ماني عارفه بالضبط نوروني الله ينور عليكم دنيا وأخره
عرض للطباعة
عندي بيت شعبي قديم وابي اهدمه وابنيه من جديد فيلا دورين البعض يقولي رمميه وبني فوقه دور ثاني لاكن انا ابي اسكنه وابيه كله جديد من ارضيه الحوش الى اخره من يقولى اسلمه مقاول ولا شركه ماني عارفه بالضبط نوروني الله ينور عليكم دنيا وأخره
لاإاله الا الله 25 يدشون ولا فيكم الي يبرد القلب
اختي اذا عندج مخطط جاهز شوفي لج مقاول يبني لج البيت...وهو يقوم بازالة البيت الشعبي بس اكيد بيدفعج تكلفة الازاله ...ان شاء الله جوابي يساعدج
يعتمد على عمر المبنى للبيت الشعبي لو كان مثلا فوق العشرين سنه الافضل تهدمينه خصوصا انج بتبنين دورين وبتسكنين بالبيت الافضل تهدمينه وبالنسبه للمقاول اختاري مقاول وشركه جيده وسعره معقول ولا تتراخصين السعر وتختارين مقاول وبالاخر تلاقينه خسران ويبهدلج وتمين وراه الا محاكم ووجع راس وبالتوفيق
البنيان الجديد أفضل وأرخص على المدى البعيد إذا البيت متهالك
واذا كان بيت للسكن الشخصي الجديد أفضل وأريح من إضافة الدور الثاني
السؤال صعب
انا اعرف واحد من الشباب دفع 550 الف فى ترميم بيت شعبي بدون ما يبني فوقة دور ثاني
بدل كل شي
كل الحمامات و المطبخ و بني ملحق مع مطبخ خارجي و غرفة خدامة
ركب حمامات جديدة و بيبات جديده و نظام تسخين سنترال و طبعا بدل الابواب و الدرايش
و بدل كهربة البيت الرئيسية و الاسلاك
و الغي البالوعة لان المجاري و صلوها بالبيت
و غير توزيعة المنهولات
و بدل خرانات الماء و شغل البيت كله على مضخات الظغط
و ركب جبسوم بورد للسقف الداخلى و ركب عازل ماء و حرارة للسقف
و بدل كل الارضيات داخل و برع
طبعا التشطيب تقريبا درجه اولا
بس يبقى البيت بيت شعبي فى النهايه بيت شعبي
و مصمم و مبنى على هذا الاساس
واجهتة مشكلة مواقع العمدان الخراسانية و تحكمت فية من حيث مساحة الصالات و المجلس
بس ما شاء الله البيت حلوا لكنه خرب علية التصميم القديم و مواقع العمدان
و العمدان هندسيا ممكن تنلغي بشرط يشيك عليها مهندس اساسات معتمد من الدوله عشان مايطيح البيت بعدين
بس تهده البيت و تبنيه من جديد يمكن احسن
اما موضوع انك تبني فوقة موضوع اخر
ايش تبني فوقة السؤال مسلح و حديد و كيربي و مشي عمرك
مربط الفرس فى النهاية
ايش الهدف النهائي و كم الميزانية
المشروع يحتاج دراسة جدوي لانه مع كل الاسعار و تكلفت الهدم يمكن تبيع البيت اصرف و تشتري ارض و تبني و لا تاخذ واحد جاهز
ro 7
barod
shaks
اشكركم لتجاوبكم وتفاعلكم معي الظاهر اني بسمع كلامكم وبهدم البيت ونعيد بنائه انشالله رغم اننا مكلفين عليه مبلغ وقدره للتجديده بستمرار
sultan qtr انت محق في كلامك يبقىفي النهايه بيت شعبي مهما صلحت فيه ولاكن هل الإزله مكلف يعني صحيح يكلف اكثر من البنيان .
على العموم شاكره لك مروركاقتباس:
المشاركة الأصلية كتبت بواسطة sultanqtr
مرحبا الاخت مرت محمد ..
اتمنى اني اقدر افيدك في ها الموضوع ،، انا انصح اذا كان البيت الحالي عباره عن بيت شعبي تجاوز ال20 سنه لا تسوين له صيانه ولا اتعبين نفسك ،، جربنا الصيانه في بيت شعبي وندمنا ،، التكلفه للصيانه كانت قريبه جدا من تكلفة الهدم واعادة البناء ،، وعلى فكره البناء الحالي ممتاز واحسن من البناء القديم ، الحين الحديد ابوكسي مغلف ( اخضر ) وعمره اضعاف الحديد القديم ،، الرمل الموجود الان رمل مغسول مب نفس القديم كله ملح ،، الريدي ميكس نوع ممتاز ،، وكذلك الدفان الحالي بودره افضل من الدفان القديم ،، وتسليك الكهرباء والبايب فيتر كل ها الاشياء افضل من السابق ،،، وفي النهايه بيت جديد ...
اختي مرت محمد انا مستغرب من كلامك اللي تقولينه وهو ان تكلفة الهدم غاليه ؟؟؟ على فكره اذا نويتي انك تهدمين وتبنين بيت جديد اغلب المقاولين مستعدين يهدمون لك البيت على حسابهم بس في حال انك بتوقعين عقد مقاولة البناء مع شركتهم ... على فكره انا هدمت بيت شعبي في مدينة خليفه الجنوبيه من سنه ونص ، بدون ما ابنيها كلفني 7000 ريال بس ،،، وعلى فكره الموضوع بسيط ( اللي هو البناء ) لا تسمعين كلام الناس انه هم وعوار راس وقلب ؟؟؟ اخذي الموضوع استكشاف وتعلم شي جديد ،،
1- تتوجهين لبلدية المنطقة اللي تابع لها المنزل وتطلعين رخصة هدم واعادة بناء
2- تختاري مكتب استشارات هندسية تتوجهين له لعمل خرائط لبيت حسب ماترغبين وحسب
اللوائح الصادرة من مجمع رخص المباني ، وعلى فكره خليك حريصه في الخرائط اذا
سويتي خريطه فيها كميات كونكريت ( صبيات ) وديكور من الصبيات ،، هذا بيستهلك كميات
حديد واسمنت واشياء كثيره بتكون ضمن التكاليف الزياده اللي بيحسبها المقاول عليك ،،
انا عن نفسي احب التصميم الاستاندر اللي يجي نفس الصندوق ،،غير مكلف واحلى شي
اني العب في الديكور من داخل بشكل كبير وبدون ما يكلفني في البناء ولا في التشطيب
كذلك ..
3- بعد ذلك يتم ارسال ملف الخرائط كاملا الى مجمع رخص المباني لأخذ الموافقات النهائية
من التخطيط العمراني وكذلك من كيوتل والكهرباء والماء والصرف الصحي وبعد ذلك
يرجع الملف الى مكتب الاستشارات الهندسية وتذهبي له ويسلمك الملف وتبدأي بالبحث
عن مقاول ،، طبعا مكتب الاستشاري بيرشح لك كذا مقاول بس ما عليك منه ،، اغلبهم
حركات نصب كله على شان الاكراميات من المقاول ،، انا انصح بالمقاولين الافغان ،،
والله عن تجربه شخصيه قمة الكفاءة في العمل ومتعاونين جدا مع الملاك في حال اي تعديل
او تغيير يطرأ ..
4- بعد ان تختاري مقاول تذهبي لاي مكتب استشاري حابه انه يكون المشرف والمراقب على
بناء المقاول اللي اتفقتي وياه ( طبعا مب شرط نفس الاستشاري اللي سويتي الخرائط عنده)
ويسوي العقد وتعهد المقاول وتعهد الاستشاري وياخذه للبلديه التابع لها الارض ويستخرج
رخصة بناء ، وبعدها يبتدي المقاول يبني حسب العقد المبرم بينكم وحسب الخرائط المعطاه
له وبإشراف الاستشاري المعين من قبل المالك ..
انا انصح انك تبنين عظم + بلاستر احسن من بناء كامل مشطب مع المقاول ، على شان
انتي اتشطبين براحتك ، وعلى فكره بتوفرين مبلغ محترم ..
اتمنى اني افدتك في هذا الموضوع ،، واذا بغيتي اي استفسارات اخرى انا حاضر .