اصلا حتى لو استلمت الفاتوره قبل الدفع اشلون باقعد اشيك على راحتي ووراي عالم؟ خصوصا اذا ماخذه اغراض وايد.. صعبه
الله المستعان ..
عرض للطباعة
اصلا حتى لو استلمت الفاتوره قبل الدفع اشلون باقعد اشيك على راحتي ووراي عالم؟ خصوصا اذا ماخذه اغراض وايد.. صعبه
الله المستعان ..
أنا شريت مرة 3 ريموتات للسيلفي من سفاري وكان بالبروشور معروض بسعر وبالفاتورة بسعر ثاني ..شريت ثلاثة لقيتهم مزودين مبلغ 3 ريال بالريموت يعني اجمالي 9 ريال ، المبلغ جداً تافه بس ليش ينضحك عليّ ؟؟
رحت للكاشير وهذا يحولني على هذا وآخر شي تعال بالشفت المسائي عشان المدير ..لحد ما ردحت لهم قدام الناس كلهم ، قلت له طلع 9 ريال من جيبك وهانها انا غير مسؤول عن غلطاتكم .. عطاني نظرة احتقار ودفعهم من جيبه .
وأنا طالع قلت له : الحين دروك إنت تحاسب مسئولك وتسترد اللي دفعته من جيبك .
المسألة مسألة مبدأ وهالنوعية ما ينفع معهم غير هالأسلوب.
الحذر مطلوب منهم
هذا اسميه تحايل واستغفال فحق المستهلك سعر السلعه مثلا ب40 وفالسستيم 45 اذا تبي تاخذ حقك ابدا بعاهم بالطيب مانفع عطم الخطه ب زاعج وصارخ قدام الناس وافضحهم راح يردون حقك وفوقها مشتريات مجانا
والله مستغرب من حماية المستهلك ..
تغيير للحقيقة وتلاعب في التقارير لصالح من .. !!!!
تم إغلاق شكواي لعدم صحة كلامي !!!!
رغم وجود الفاتورة وصورة السلعة في العرض
حسبي الله ونعم الوكيل في كل من يضيع حقوق الناس
ويساعد على انتشار الفساد
يارجال حماية المستهلك مقدم عندهم شكوى شهر ثمانيه رادين علي شهر 12 يقولون نسكر الشكوى وله لا هههههههههه يعني مادري شتفرغ اذا خلوها او سكروها
اخوي اتصل في حماية المستهلك وتوصل مع المسؤول يغير لك الموظف اللي تتواصل معه لان بعض الموظفين فيهم اهمال واستهتار او قدم شكوى عليه
لا حول ولا قوة الا بالله
انا صارلي موضوع مشابه واشتكيت على شركة كبيره
سلعة قيمتها 24 ريال
دفعوني 40 ريال
بس موضوعي احسن من موضوعك جاني الكاشير شاطب عالسعر القديم بيده وكاتب 40 هههه
قلت له ليش؟ قال غيرنا السعر
المشكله الأسعار ماتغيرت لا بالبوستر الي ورآه ولا بالسستمً
قلت له اطبعلي فاتوره جديده طبعلي
اشتكيت بحماية المستهلك والمصيبه يقولون ان هذا منتج جديد ومغلطين الموظفين و للحين ما نزلناه بالسستم!!
وكان تجربه نشوف يمشي او لا، ، نزلوه 5 دقايق جربوه علي وشالووه ههههههههههه
وعرضوا علي يرجعون فلوسي كامله سحبت عليهم وماخذتها و اخر شي قالي موظف حماية المستهلك بعطيهم إنذار وتعهد
الموظف محترم وقلت له الي تشوفه بس الحين بعد هالموضوع ابي اشيك عليهم إنذار او لا،،، شلون؟