مساكم الله بالخير ..محتاج شركه هدم لبيت قديم بسعر معقول ويفضل يكونون باكستانيين
عرض للطباعة
مساكم الله بالخير ..محتاج شركه هدم لبيت قديم بسعر معقول ويفضل يكونون باكستانيين
ياخوي مافي شي اسمه شركه هدم انت لو بتبني بيت جديد بيكون بالاتفاق بينك وبين المقاول لو تبغي تهدم فقط اطلع علي طريق الصناعيه من جهه السيليه بتحصلهم واقفين بمعداتهم وايددددددددد اتفق مع اي باكستاني واقف يعطيك سعر رخيص ولاتنسي تطلع رخصه هدم من البلديه
هلا اخوي ابراهيم ..القصد ان شركه تتكفل بهدم البيت كامل وترحيل المخلفات للمكان المخصص لها..بروح اشوف واجرب عند السيليه
انا من كم شهر جاني اكثر من عرض كانت اسعارهم غاليه وقت انا الي رحت بنفسي مكانهم واتفقت كان سعر ارخص بكثيرررر والشيل لاتحاتي فيه بعضهم يستفيد منه بالدفان ويشله بدون مايخسرك او باسوء الظروف الي بيهد نفسه وقت تتفق معه هو بيعرض عليك الشيل لاكن لو انت هتهد وتبني هتحتاجه للدفاع مستقبلا غلط انك تخلص منه وقت الردم يغربلونه وياخذون الصالح علي جنب للردم والباقي علي جنب
انا ماقدر افيدك بالسعر لان كان هدم وحفر لبسمنت بعمق ثلاثه متر ونصف مساحه 350 متر
مؤيد لنقطة ابراهيم خلهم يهدمون وينقلون المخلفات والدفان الجيد يغربلونه ويخلونه على جنب .. بس انتبه وقت الهدم مهم يكون كيبل الكهرباء مقطوع من كهرماء ولو ضربوه العمال يورطون المالك أوقات .. خبرك حكومتنا صوب العمال رحيمة .. وشغلك أصلاً مب قانوني لازم رخصة هدم ومقاول مختص يهدم
صارت لنا نفس القصة وانضرب كيبل غريب مار في الأرض رغم تأكد كهرماء وبغوا يدفعونا غرامة كبيرة
رخصه الهدم ًموجوده ..وقطع الكهربا كذلك من كهرماء ..لكن الاسعار متفاوته ..شكلي بهدم وبخلي الهدم على جنب
راجع الخاص طرشت لك رقم شخص متخصص
بالتوفيق
يعطيكم العافيه
اخوي راشد يفضل تشوف مقاول للازالة ووحفر الاساسات مرة واحده
لسببين :
1- توفير في قيمة الحفر لانه مقاول الازالة لازم يشيل القواعد وبياخذ قيمة الحفر وازالة القواعد
2- لو بتخليهم لازم مقاول الحفر يحفر مرة ثانية وبياخذ قيمة ازالة القواعد وإزالة المخلفات
فبتكون تكلفة ... الأفضل الازالة والحفر ورفع المخلفات مرة واحدة
قيمة الازالة تعتمد على عدة عوامل
مساحة البنيان - وهل طابق او طابقين مع بنت هاوس او بيسمنت - موقع العقار - التربة صخرية او رمليه - عمق الحفر
يفضل اوراقك تكون جاهزة وتنسق الخطوات مع بعضها اسهل في التنفيذ واوفر من الناحية المادية
الشي المهم لازم يكون عندك رخصة إزالة بالإضافة الى قطع الكهرباء مشان لاتتعطل