المشاركة الأصلية كتبت بواسطة قلب شاعر
السؤال المهم ...؟؟؟ ليش تاخذ السياره الكشخه والصاخبه الصارخه الملفته؟؟ هذا سؤال جوابه موجود عند كل شاب !!! انا متأكد وهو متأكد ليش الشاب في بدايه حياته يركب سياره اضعاف اضعاف راتبه لعشريين سنه جدام ... مش بس الزبوه مثل مانقول ... لكن في راسه ان السياره هاذي راح تجلب له متعه شخصيه من نواحي كثيره والدليل ... ماتلاقي شاب عنده هاذي السياره حق الدوام وبس بل تلاقيه عند المجمعات والأسواق وأماكن التجمعات العامه الراقيه .. ليظهر كشخته وأغراض اخرى في باله يتمنى ان تتحقق وحسباله ان التحقيق والوصول لها بهذه الطريقه ..
لو كان هدف الشباب ان السياره اللي اركبها وسيله لا غايه ...يعني وسيله تنقل وفقط ..اكيد ماراح تفرق معاه نوع السياره دامها فيها كل المقومات اللي يحتاجها كوسيله تنقل ... واللي عنده خير ما علينا خلاف فيه يركب ان شاء الله طياره ... دام ان دخله الشهري بالملايين ...الله يزيده من نعيمه
لكن العادي الموظف اللي ياخذ سياره اغلى من قيمته النقديه او ديته لو توفى بعد عمر طويل ... شي يحز في النفس ... ويمكن هاذا الشي اللي خلا حكومتنا الرشيده أن تعيد النظر في الديه المتوفي 120 الف ل 200 الف ... ل تقليل الأستهتار بأرواح الناس وبعد ان تحس ان السياره اللي راكبها مش اغلى منك في سعرها اذا كانت سياره معقوله وتؤدي الغرض ....
احنا دايما نقول اللي مايتعلم من الناس يتعلم من احساب جيبه وهذا الثاني مكلف ومرهق وياكثر اللي في السجون عشان يتعلمون على احسابهم ...الله يطلعهم ويفك ازمتهم ويكونوا تعلموا صح ..
أخر قاعده احب اقولها لربعنا الشباب واللي انا منهم وشي تعلمته وحاب اقوله وحطه في بالك ... من خبرتي
اللي تجيبه سيارتك ....ترى تاخذه سياره غيرك ....
ولكم ارق تحياتي وتقديري