ابي مكتب استشاري ممتاز وسريع ....
وشكراااا مقدماااا
ابي مكتب استشاري ممتاز وسريع ....
وشكراااا مقدماااا
السريع بيخلصك بسرعة لو اخترت نموذج معمول قبل ينقله لأرضك ويخلص متطلبات التخطيط وممكن يكون النموذج مدروس ومناسب وزين .. أما لو تبي تعديلات تشوفها بسيطة وهي جذرية وتغير كل المخططات لا بياخذ وقت
انا مثلك والله مع إني لي علاقة بمكتب بس ما ارتحت للمعماري فيه علة بمعنى الكلمة أما باقي التخصصات زينة .. تبي تصميم بيتي حلالك باسهل لك تاخذه من المكتب 5 غرف فوق مختلفة المساحات وبنتهاوس أكيد أفضل تغيره حسب الشروط التخطيطية الجديدة وهذا فيه تعديل .. غرفتين تحت وكل الغرف ماستر تعتبر بحمام وملابس .. ينفع لأرض 30 في 30 أقل شيء 30 في 35 مناسب 30 في 40 بيكون مشابه لتصميم أرضي
غير عندك موضوع مراجعة المخططات شوف اللي يعجبك ولو تحتاج تعديل عليه انا موجود
ربي يسلمك ودوم سباق ....اقتباس:
المشاركة الأصلية كتبت بواسطة معماري قطري
المشكله في البلديات وقراراتهم ...
https://youtu.be/zT8KT7zWg3c
وربي يسلمك
أكيد يا اخوي التخطيط له قوانين مختلفة وبعض الدول فيها تسهيلات واستغلال أفضل للأرض .. حتى عندنا إعتمدوا المناطق وتقسيمها والمفروض يكونون أكثر وضوح في كل منطقة وقوانينها .. قالوا بيسوون ممشى جدام أرض بيتي المستقبلي واستانست توقعت بيسوون القطعة كاملة .. طلعوا مسوين ممر ضيق حول مترين قرب الشارع ومخلين ارض فاضية بين الممشى ( المفترض ) لين شارع ضيق داخلي وبعدين بيوتنا الأرض فاضية وطويلة وما اشك بيسوون فيها مجمع مقابل بيوتنا مجمع تجاري وهالشيء مكرهني في البنيان هناك
المشكلة الممر هذا فيه انارة وبلطوه يبين لي زين بس ضيق وقريب من الشارع سيارات ودخان وغبار والناس يمشون جدام البيوت على الشارع الداخلي كثير التعرج والهبوطات وبدون حتى انارة
مثل هذا التصميم اللي في الفيديو العادة يسوونه مطورين مثل بروة وغيرهم بس في بعض الدول المطورين خاصين أقرب للبندري عندنا والمتحدة مثلاً .. أكيد مناطقهم شاسعة ويطورونها بقوانين تخطيط تختلف غير عن المناطق السكنية العادية حتى مناطق الإجارة غير والمطور يتحمل تكاليف البنية التحتية والشوارع ولازم يستغل الارض غير .. مساحات صغيرة واستغلال جيد وسعر بيع يعطيه مردود وكذلك سعر خدمات وقوانين بيع كلها في صالحه حتى يضمن استفادته
بعدين يسوون نموذج للعرض مؤثث أفضل أثاث وممكن يؤثثون الباقي نفس الشيء بس كل شيء بثمنه .. هذا النموذج المؤثث يدخل في ترتيبه تصميم جمالي وعملي وحتى اقتصادي حتى يجذب المشتري أو المؤجر لو الغرض منه الايجار .. وكثير مطورين يخسرون ويتورطون مثل مدينة الوعب اللي بقت خرسانات واقفة عمر طويل
البنيان الشخصي والتصميم الشخصي يختلف أكيد وفيه سعة في الأرض في الغالب واللي ما عنده سعة تصميمه معروف نموذج معين موجود عند كل الاستشاريين
اقتباس:
المشاركة الأصلية كتبت بواسطة معماري قطري
مشروع الوعب يابوعبدالله واقف على حسب وضعية كاس العالم لو تشوف مخازنهم كلها اغراض المشروع من بلاط وادوات صحية وغير باقي المشروع بس بطيئين في تنفيذه
صاحب المشروع كان مخطط ان يسويها مدينه متكاملة من اسواق تجارية وفنادق وشقق سكنيه وكان مخطط في السابق ان سوق الغنم وسوق الخضرة يستوي مشروع تجاري اقتصادي عمارات وفنادق وحدائق بس تكلنس المشروع من المحتمل تنفيذه الحين بعد ازالة السوق اشوفهم شغالين بنيه تحتيه بس شنو بيصير مكان السوق حاليا مادري
ازالة السوق كان مخطط له من سنة 2000 والغريب ان مخطط لنقل السوق الغنم بعد محطه الاقمار الصناعية لاكن تم نقله للوكره
حاليا اشوف مشروع الوعب شغالين فيه يطقطقون على خفيف فيه
واحد مهندس يقول ان المشروع جاهز للتنفيذ بسرعة لان الاساسات جاهزه واماكن المصاعد جاهزه كل ماعليهم صف طابوق ويجهز المشروع هو مشروع الوسيل واللؤلؤة اثر عليه شوي
الهدف من المشروع الربح مستحيل انك بتشتري شقه في منطقة الوعب نفس سعر على سبيل المثال شقة في اللؤلؤة او الوسيل وحتى التاجير بتاجر شقة بسعر اللؤلؤة في الوعب مستحيل حتى لو توفر خدمات في المشروع مايجي بمستوى اللؤلؤة والوسيل
حتى ميترو مافيه طريق سلوى مستغرب ان شارع مثل طريق سلوى مافيه تخطيط لمشروع الميترو
لو تطلع من محطة مشيرب سيده على طريق سلوى سهل لهم يعتبر الخط الوحيد المستقيم لمشروع الميترو
التركيز يا اخوي على الملاعب لو على طريق سلوى ملعب سووا ابو الميترو ويمكن يسوون خط مستقبلي بعدين يطلع فوق الارض فيما بعد
أما سالفة المهندس اللي يقول الاساسات جاهزة والباقي سهل صدقني الباقي هو الصعب واللي يطول سنة 2020 خلاص تلفظ أنفاسها الأخيرة 2021 قريبة وبعدها خلاص بنكون دخلنا في فترة حرجة .. ممكن يخلصون وممكن لا والتجار ذيلا يعرفون شلون ياخذون فلوسهم مقدم من الحكومة وما يبنون الا ضامنين عقد تأجير وإحتمال دفعات مقدمة وتسهيلات للبناء
اقتباس:
المشاركة الأصلية كتبت بواسطة معماري قطري
خلاص راحت على nbk