مرحبا يالربع ابغي اعرف ايش الفرق بين الجسور المخفية ( البيم ) في اسقف البيوت والظاهرة
وايش الاحسن
عرض للطباعة
مرحبا يالربع ابغي اعرف ايش الفرق بين الجسور المخفية ( البيم ) في اسقف البيوت والظاهرة
وايش الاحسن
إخوي الفرق إن المخفية ما تكون نازلة وتبين، تكون يعني داخل صبية السقف اللي ممكن بعد تكون هوردي .. يعني فيه طابوق بينهم أضلاع أو ناس يسمونها أعصاب واللي هي عبارة عن خرسانة مدعمة بالحديد، والثانية اللي ظاهرة وتبين للعين، وأحياناً تكون عائق لدكتات التكييف ويكون منظرها مب حلو ... لكن فيه نوع بعد من الأبيام يسمونه العوارض المقلوبة أو إنفرتد بيمز وهذي تكون محنية لفوق، وممكن تستخدم النوعيتين مع بعض إذا عندك حايط فوق تسوي انفرتد بيم وإذا الحايط بس تحت تسوي عاديه على تحت فيكون الحايط في كلا الحالتين متصل مع البيم أو العارضة، وعندنا مبالغات كبيرة في التصميم الإنشائي ووالله شفت بيوت تنبني في فلوريدا قريبه من نظامنا وبدون ولا عمود وأساس صبية وحده وخفيفة وعليها يتركب الطابوق ويكملون بس الخرسانة تجي بين الأول والأرضي سقف الأرضي يعني بعدين السقف الأخير يكون خشب وقرميد وسقف مايل حلو ويدوم عمر وبأقل تكلفة.
معليش كعادتي نسيت أضيف إنك إذا مب مركب تكييف يحتاج دكتات وبتحط جبس بتخفي عيوب السقف سو الأبيام عادية وحتى لا تحط بلاستر ولا تصبغ السقف ما دام بيغطيه الجبس، حتى البلاستر ما اشوف له داعي يعني بيكون مخفي بالجبس والجبس مب مختفي فجأة.
السلام عليكم مشكور اخوي عالرد وماقصرت انا ان شاء الله راح اركب مكيفات دكتات يعني احسن لي اسوي البييمات مخفية وبعدين ابغي اعرف هل البيم المخفي مكلف وبعد ابغي اعرف شنو احسن شركة حق الدكتات
اقتباس:
المشاركة الأصلية كتبت بواسطة بوحمد2003
شوف خذها قاعدة دايماً ... مصممين السترآكجر عندنا يبالغون وايد ووايد تقدر تقول عنهم يعتمدون طريقة وحده، لكن لو بغيت تسوي ديزاين انشائي محترم ويوفر لك ويكون قوي كفاية بانصحك بمكتبين عارفهم ومجربهم، ولا بعد مهندسين حتى، وعشان ما تصير الأُمور دعائية وانا ضد هالشيء بس نشر معلومات للمساعدة باعطيك أسماء المهندسين وأرقامهم على الخاص، مع عدم إغفال إن المكاتب الهندسية ما شاء الله في تطور وتكاثر والمهندسين كذلك، يعني ممكن حتى غيرهم يسوون تصميم عملي وإقتصادي لك.
يعني بعبارة ثانية فيه مكاتب مثلاً تسوي لك أبيام ساقطه متر وعشرين سنتيمتر تحت الأرضية ويحتدون يرفعون لك الدور وايد وتحصل نص الإرتفاع مشغول بالبيم وجزء بسيط بالدكت والباقي جبس، وتحصل البيت مرتفع من برا ومن داخل غير، والتكلفة انت بتدفعها وفي شيء غير مستخدم وله حلول ثانية، وفيه مكاتب تسوي بيتك غابة أعمدة والاساسات كل أساس يشتكي من الثاني ويصرخ وخروه عني من كثرها وكبرها، وانت بعد بتدفع ثمن مغامراتهم ومبالغاتهم، وصدقني حتى لو بتسوي مظلة للسيارة يسوون لك أساس يشيل بيت وكنها الأرض بتتحرك لتحت ولا مب متحمله الوزن ... انا عني سويت مظلة على البلاط مباشرةً بدون أساسات ببراغي فقط وشزينها واقفه للحين، عرض 10 متر وعمق 6 متر وعلى عمودين في المقدمة وورا مثبته ببراغي بعد على الحائط، وقلت للمقاول انا المسؤول انت سو اللي ابيه وبس، وقبلها بنيت حايط فاصل بإرتفاع 6 متر وعرض 3 متر على أرضية بلاط ومحصور بين حايط البيت الخارجي وزاوية البيت، بس تبي الصراحة خايف شوي مع ان صار له حول 6 شهور مبني.
وتحمل يسوي لك الإستشاري أبيام مخفية ويعوض إرتفاعها بأنه يخلي الارضية نفس الإرتفاع يعني يسوي لك الصبيه كلها بيم، وتطلع الصبية كلها بسمك 50 سم ولا 60 ولا حتى أكثر، ويقول في نفسه بعدين لا ذي ثقيله وايد نحط لها كم عمود وكل عمود يكون راهي عشان يقدر يشيلها، وبعدين يسوي لك أساسات عماره عشان تتحمل الوزن، وبعد إنت اللي بتدفع ... فاختيار استشاري انشائي فاهم هو الأوفر حتى لو كلف كاستشارة.
وأتمنى لك ولي وللجميع كل توفيق من العزيز الحكيم