عرض للطباعة
السلام عليكم
يا جماعه حبيت أسأل عن افضل محل من واقع تجاربكم للإضاءه ؟
ليتات داخليه سبوت لايت وليتات كبيره للجيبسن بورد .. وليتات للسقف الخرساني .. وليتات خارجيه حول البيت وعلى السور
يعني ابي ليتااااات البيت كامله من جميع انواعها :nice:
بس اللي ابي اعرفه وين افضل محل .. من ناحية ::
الجوده
الاسعار
التعامل
ويا ليت ما تبخلون علي بنصايحكم وتجاربكم مع الاناره
وتشكرووون على كل حال :nice:
نصيحه ياخووووي روووووح الشاااارقه وجيبهم بربع السعر نفس الي انا سويته 35 الف في الدوووحه و 14500 من الشارقه
وين في الشارقة اخوي ؟؟؟؟اقتباس:
المشاركة الأصلية كتبت بواسطة q6r143
اي والله وين فالشارقه ..؟؟؟
وهل عليها جمارك لما اجيبها والا كيف ؟
واذا فيه هنا فالدوحـه محل كوالتي عالي واسعاره زينه لحد يبخل علينا بدال المشوار
في أنواع مايركبونها الطيارة حاسبو
انا خذت من المشاعل
صراحه التعامل ممتاز والانواع ممتازه
انا خذت كشافات انجليزي للحوش من عنده مع اني كنت ماخذه عشرين حبه من الحساء وللاسف احترق واحد منها واحترق جزء من السور والله لطف...
عنده كل الانواع والكواليتي الزين وموب شرط تاخذ من مكان واحد اللي يعجبك والكواليتي عالي اخذه..
بالتوفيق
صح والله مثل ما قالت الإخت حياة نوع وخذ الشيء الزين.. شوف غرناطة صراحه عندهم محلهم الجديد كم مستوى ولكل مستوى نوع من الإنارة ومعاملتهم زينه .. غيرهم أضواء الصالحية .. والشعلة .. وعندك الدرويش عندهم التوب كواليتي .. وفيه محل ورا محطة بترول التيسير في طريق سلوى أظن قطر للإناره عنده نوعيات وايد وقبل خذت من عنده سبوتات كريستال سوارفسكي إسئلهم عنها لأنهم كانوا يعرضونها في غرفة خاصة .. وعلل ما يعرفون يسوقون .. السبوتات المهم فيها الترانسفورمر والوايرات ومهم صناعة الترانسفورمر والتجهيز الداخلي تكون صناعة أوروبية لتاخذ صيني أو غير .. واللمبة فلبز بس شوف بعد ما تكون صناعة صينية .. انا عندي بعضها عايشة للحين 8 سنين ويومياً تشتغل أقل شيء 12 ساعة .. عند الدرويش ترانسفورمر حق 3 سبوتات ألماني وسعره شوي غالي لكن متطور جداً.
أخوي معماري وين محل الدرويش لو سمحت
الدرويش الله يسلمك بعد إشارات المطار وانت رايح إتجاه الوكره .. تكون يمين وممكن تدخل من أول أو ثاني دخله .. بس تمشي شوي بتشوف لافتتهم على اليمين .. ويبيعون مواد وايد متميزة وكلها جودة.. وسويشات أم كي الإنجليزية متوفره عندهم.اقتباس:
المشاركة الأصلية كتبت بواسطة amoore
اقتباس:
المشاركة الأصلية كتبت بواسطة q6r143
:nice::nice::nice::nice::nice::nice::nice: