مطلوب حد يعرف الدكتور اللي في شركة جنرال ( عبدالحميد عمادي )
السلام عليكم
صار لي سبوعين الله وكيلكم في الحر ، خرب المكيف جنرال دكت سبلت في البيت
وكل يوم اتصل فيهم عشان يمروني يشوفون وش المشكلة
والربع خبر خير مكبرين الدماغ
طبعا حاولت امسك الخيط الاولي ووصلت لواحد مصري هناك رئيس قسم وقالي موضوعك عند مديرنا ووصلت لمديرهم وقال موضوعك عند ( الدكتور ) من الدكتور لحد يسألني بس باين عليه مسوي عليهم جو وفارض سيطرته بشكل كبير والكل يخاف منه
المهم حاولت أوصل للدكتور هذا ماعرفت شلون أوصل له
وكل ما اتصل فيهم يقولون انشالله نكلم الدكتور
بالله عليكم عاد هذي حاله
طبعا اللي يقرا يقول اني مب صاحي ، بس والله صج هذا اللي صاير بالضبط وربي يشهد
شركة عبدالحميد عبدالرحيم واسد عمادي التجارية
عندهم مدير ( دكتور كبير ) هو الظاهر اللي يسوي العمليات الجراحية لاي مكيف يخرب في قطر واعتقد عنده زحمه
طيب ياخي طالما انكم مش قد التوكيلات ليش تاخذونها
عموما الحين أتكلم جد اذا حد يعرف رقم تلفون صاحب الشركة او الدكتور هذا اللي محد يبي يعطيني رقمه ياليت تطرشونه لي خاص عشان اكلمهم
ولحد يجي يقول لي روح حماية المستهلك لاني اتصلت فيهم قبل اكتب هالمقال ، يقولون لي روح جيب لنا اسم الشارع اللي هم فيه شنو
شدراني ، اللي اعرفه هم في ام غويلينه وبس
الله المستعان بس
المهم انتظر رقم الدكتور الكبير العبقري عشان اقردنه يمكن يحن علينا من الحر !
