شبك اللابتوب بفتحة Hdmi على التلفزيون من نوع Hdtv

بسم الله الرحمن الرحيم

موضوعنا طلب لايجاد حل وليس شرح طريقة
وان شاء الله نوصل لحل مع بعض

المطلوب طبعا شبك اللابتوب على التلفزيون وبوضوح مايخرش الماية ( وضوح ال HDTV )

تحتوي بعض اللابتوبات الحديثة على فتحة تسمى HDMI
high definition multimedia interface

وهي فتحة Output

وكذلك تحتوي التلفزيونات الحديثة من نوع HDTV على نفس فتحة ال HDMI
ولكنها Input

المطلوب توصيل الOutput من الابتوب الى الInput في التلفزيون
وكل شي نظريا المفروض يكون تمام
لكن للأسف :weeping:

تطلع معاي الصورة في التلفزيون غير كاملة ،،، وغير واضحة للقراءة مثلا

كما ان هناك مشكلة اخرى وهي ان الصوت يطلع من اللابتوب
وانا ابي الصوت يطلع من التلفزيون

الفتحة هذي لمن يعرفها تكفي عن جميع الوصلات القديمة ( الاحمر والاصفر والابيض وتطلع الصورة والصوت مع بعض في وصلة واحد )
لكن ماضبط الوضع معاي



مالدي الآن هو التالي

لابتوب حجم شاشته 14.1
من نوع HP به فتحة HDMI Out

http://www.qatarshares.com.qa/data/1...1560702697.jpg



تلفزيون Samsung حجم 37 بوصة
يحتوي فتحتين HDMI IN

http://www.qatarshares.com.qa/data/1..._302970064.jpg


الوصلة بين ال2

http://www.qatarshares.com.qa/data/1...2145708796.gif


ماقمت به هو التالي

حاولت ابدل حجم الريزليوشن في اللابتوب واستعملت كل الاحجام ومافي فايده ،،
بعض الاحجام جيده وبعضها مش ولا بد
مع العلم اني شفت تلفزيون مشبوك في احد المحلات وكان اصفى من اللابتوب نفسه :rolleyes2:


يالله همتكم معاي :)

مرحبا اخوي poboxing

انا اذكر جربت الحركه وبقولك شلي صار معاي

حاولت اشبك الكمبيوتر على التلفيزيون عن طريق الوصله الي ذكرتها .. ونجحت

بس كانت الصوره كبيره واجد .. ولاهي طالعه كامله

دخلت على اعدادات الشاشه
Display setting

وطبعاً اخترت الشاشه رقم 2 لاني شابك الجهاز بالتلفزيون

وقمت اضبط في الاعدادات .. لحد ماظبطت معاي الصوره

وجرب من اعدادات DPi

وهدا الي كنت محتاجه في ذيك الفتره

اما الصوت ماجربت اني اعدله .. وكلامك سليم بخصوص وصلة hdmi انها ممكن تنقل الصوت والصوره مع بعض غير عن الوصلات السابقه

انا بحاول اجرب في اقرب وقت وبعطيك النتيجه لاني اعتقد ان السالفه اهي اعدادات من الكمبيوتر

شنهو نوع الوندز عندك؟

يعطيك العافية اخوي HADi
طلعت فاهم السالفة ،، كل ما اسال شخص يقولي اشتر وصلة بروجكتر :anger1:

الويندوز عندي فيستا ( سيئ الذكر لابارك الله فيه :anger1: )

قريت في كتالوج التلفزيون يقولون افضل اعداد هو
1360 في 768

طبعا في اللابتوب ماعندي هالرقم

قمت سويته 1024 في 768 وهو اقرب رقم للرقم أعلاه
وظهرت عندي شاشة اللابتوب على الTV
طبعا يمين الشاشة واسفلها مب ظاهر عندي على التلفزيون ( كان الشاشة مقطوعة )
:(
وايضا بدون صوت ،،

قمت خليت الشاشة رقم 2 هي الاساسية ولغيت 1
نفس الشي

خليت ال2 شغالين مع بعض
لاجديد
كبرت وحده وصغرت الثانية ،، سيم سيم
تتغيرالاحجام ،، وبعض الاعدادات افضل من الأخرى


لازلت اجرب خيارات اخرى وان شاء الله نوافيكم بالجديد
وياليت اللي عنده اي مشاركة مايتردد في اضافتها :)

يرحمك الله

تصدق .. شوقتني للفكره يا بوكسي

تخيلت شاشة أسعار الأسهم على شاشة تلفزيون 52 بوصة LCD :omg:

و اليومين هذي التداولات 2 مليار ريال .. يبيله :nice:

متابع .. واذا عرفت شي بالغلط بقولك

يحليلها وصلة الـ s-video ماتقول شي :)

عموما .. مجرد متابع لتجاربكم عشان لما اقرر انتقل للـ HDMI ما اتعب وايد وانا ادور حلول :) :) :)

تحيتي

التلفزيون أخوي بوكسنغ سنة كم شريته؟ يعني أول دفعة من الهاي ديفينشن؟ إذا إي نفس حالتي ماراح ينفع...

اخوي الغالي
يعتمد على حجم كرت الشاشه الي عندك في اللابتوب ..

شنو حجم كرت الشاشه ؟؟؟؟؟؟؟؟؟؟؟؟؟؟

اقتباس:

---

المشاركة الأصلية كتبت بواسطة رايق

يرحمك الله

تصدق .. شوقتني للفكره يا بوكسي

تخيلت شاشة أسعار الأسهم على شاشة تلفزيون 52 بوصة LCD :omg:

و اليومين هذي التداولات 2 مليار ريال .. يبيله :nice:

متابع .. واذا عرفت شي بالغلط بقولك

---

:eek5::eek5:
التداول على شاشة 52 بوصة حلو لو السوق حلو
لو السوق احمر راح يخليلك الغرفة حمرة :secret:
ويعكنن اليوم كله ( تخيل يوم ال700 نقطة على هالشاشة ) :eek5:
ان لقيت شي لاتتردد اسدحه هنا دغري البيت بيتك حتى لو كان طرف حل ممكن نحاول نمسك الخيط ، :rolleyes2:

اقتباس:

---

المشاركة الأصلية كتبت بواسطة Muslim Investor

يحليلها وصلة الـ s-video ماتقول شي :)

عموما .. مجرد متابع لتجاربكم عشان لما اقرر انتقل للـ HDMI ما اتعب وايد وانا ادور حلول :) :) :)

تحيتي

---

ممكن استعمال وصلة الs-video لكن دام الاحسن موجود لازم نشوفله صرفه
اما انا أو هو :telephone:
وتشرفنا متابعتك اخوي مسلم انفستور :nice:

اقتباس:

---

المشاركة الأصلية كتبت بواسطة بولينجر

التلفزيون أخوي بوكسنغ سنة كم شريته؟ يعني أول دفعة من الهاي ديفينشن؟ إذا إي نفس حالتي ماراح ينفع...

---

لا مب اول دفعة اخوي بولينجر في اكثر من جيل سبق هالتلفزيون
نوع اللي عندي Samsung S81
في اكثر من دفعة قبله ومتاكد ان ممكن تشغيل هالميزة عليه ، ( وهي تشتغل )
بس المشكلة في محاذاة الشاشة بالطريقة الصحيحة فقط
اما على التشغيل فشاشة اللابتوب ظاهره عندي على التلفزيون
ان شاء الله بصور لكم صورة اليوم ان حصلت فرصة من التلفزيون عشان توضح الصورة

اقتباس:

---

المشاركة الأصلية كتبت بواسطة جاسم البدر

اخوي الغالي
يعتمد على حجم كرت الشاشه الي عندك في اللابتوب ..

شنو حجم كرت الشاشه ؟؟؟؟؟؟؟؟؟؟؟؟؟؟

---

هلا بالفغنسي :nice:
كرت الشاشة عندي nVidia بسعة 256 ميجا ( أو 512 )
واللابتوب سنترينو 2.4 ميجا هيرتز
والرام 2 قيقا
والهاردسك 250 قيقا
اعتقد مافيش احسن من كده الا شوي :shy:
المفروض يسمع الكلام ويطيع :court:

يورييييييييييييييييكاااااااااااااااااااااااااااااا اا


بعد التخبص والتعبص
طلعت بالتالي

هذي الصورة الأولى
والاعدادات اللي رسيت عليها

http://www.qatarshares.com.qa/data/1..._552326940.jpg




اول ماادخلت الوصلة في اللابتوب جاتني شاشة
تطلب الاختيار اما بين شاشة وحده Mirror تبث على الTV
او اطفاء شاشة اللابتوب او او او ا
المهم مالكم بالطويلة:rolleyes2:

اخترت الخيار الأول Mirror
معناها ابي نفس صورة اللابتوب على الTV

حلو ؟؟
حلو

طلعت نفس المشكلة القديمة
قمت وغيرت الريزليوشن مرة أخرى

وسحبته شوي
بقدرة قادر
فجاة استوضحت الصورة زي العسل
وطلعت القياسات تمام :ok:

وهي صورة الريزليوشن المتوافقة مع جهازي أعلاه
1280 في 768


وهذي صورة من اللابتوب وهو محاذي التلفزيون


http://www.qatarshares.com.qa/data/1...1613799413.jpg


وهذي لك ياراعي ال52 بوصه - لايفوتك شي رهيب الصراحة
كنك في البورصة والخط واااااااااضح :nice:



http://www.qatarshares.com.qa/data/1...1684519191.jpg




أما الصوت كنت راح اطلب البطل اللي يطلع الحل
بس قبل لاارسل الموضوع لقيت الحل صدفة :victory:

حل بسيط

في الفيستا ندخل control Panel
عقب
Sound

ونختار SDPIF interface
,نضغط على Set Default
مثل الصورة التالية

http://www.qatarshares.com.qa/data/1...2051137059.jpg





وبكذا انتهت المشكلة
صوت وصورة مايخروش الماية ( الصورة اوضح من اللابتوب والصوت كذلك )
:victory:






-------

http://www.qatarshares.com.qa/data/1...1684519191.jpg

:fight::fight::fight:

ياخي انت :wizard:


تم حفظ الموضوع للرجوع اليه مستقبلا