المشاركة الأصلية كتبت بواسطة khaldoon
اخوي العزيز كان لازم تطلب منهم ورقة التصليح و السرفيس على 40000 و على اي ادخال للوكالة علشان يكون عندك اثبات بنوع الخدمة و التصليحات اللي سويتها عندهم خاصة لو رجعت نفس الاعطال بعد التصليح مباشرة
انا وديت سيارتي من يومين على ac delco و هي وكالة تابعة لوكالة الجيدة يعني لما اسوي سيرفيس عندهم يظهر اني مسويها على الكمبيوترات عند وكالة الجيدة و احافظ على ضمان الوكالة بهذه الطريقه و الفرق انهم سعرهم اقل من الجيدة في السيرفيس و انك تودي السيارة في اي وقت و يستلمونها مب مثل وكالة الجيدة اللي توديها بموعد مسبق
هم يسوون سيرفيس ارخص بس لو في شي خراب و على الضمان فتصليحه بالوكالة مب عندهم
يوم جيت استلم السيارة طلبت ورقة التصليح و السيرفيس قالي مب مشكله كله يظهر على الكمبيوتر عندنا في كل الفروع ما تخاف و ما في شي يضيع ....رغم اني اعرف انه كلامه صحيح عن تجربة دائما و محفوظ قلت له اخوي الكمبيوترات هذه لكم انتم ما علي منها و لا تحفظ لي حقي و مب ماخذها معاي البيت...انا ابي ورقة لي ...سواء سجلتها بالكمبيوتر و الا ما سجلتها و اعطاني ورقة
قلت له اختم على الدفتر انك سويت سيرفيس راح وقع و قالي الختم خربان و قعد يوريني انه خربان قلت له مب شغلي مب طالع الا لما تختم و هالقصص العجيبة هذه ما علي منها و فعلا ختملي و ظهر فعلا الختم اسم الوكالة ظاهر على الدفتر اني سويت سيرفيس 70000
يعني كل هالافلام الهندية ما اخليها تمشي قدر ما استطيع معاهم علشان ما اندم بعدين
الطيبة هاليومين ما تنفع
من كم سنة رحت قلت للموظف اللي يستلم السيارات بالوكالة و يتابع سيارتك و يرجع يسلمك اياها كم يكلفني تركيب سينسر خلفي قالي انا ركبت من يومين لواحد سينسر خلفي و امامي و تليفزيون على المخدات الامامية بقيمة 900 ريال اجرة يد بس غير القطع فانت طلبك هذا ما يوصل عليك 500 ريال لو حبيت لاجرة اليد بس....جاء مديره اللبناني و اسمه كريسول و قاله روح انت انا بكمل مع الزبون فقالي خلني اسألك عن الاسعار و برجعلك و دخل شوي الورشة و رجع و قالي بكلفك القطع للسينسر الخلفي بحدود 2600 ريال و تركيبه بحدود 2300 ريال يعني والله اذكر الارقام وصلت 5000 ريال قلت له الموظف هذا قالي اجرة التركيب بحدود 500 ريال و انت تقول فوق 2000 ريال اشلون؟!!....قالي هو ما يعرف شي مع انه يعرف و يستلم السيارة و تتفق معاه على الاسعار قبل التصليح و يرجع يسلمك اياها بنفسه لانه ملفها معاه ...سكتت لانه مديره وما في داعي للنقاش مع واحد كذاب لاني اصلا هونت و عرفت انه فيلم منه
قام كريسول هذا قالي اسمع احنا عنا غاليين وايد لو حبيت بعطيك تليفون واحد تسويها عنده بره الوكالة بس اشتري القطع من عندنا و يشتغل هو على طريق سلوى و اعطاني وقتها اسمه و تليفونه و قالي سويها عنده ارخص و بحافظلك بهالطريقة على الضمان !!!
يعني الاخ يسمسر لحسابه و هو مدير الورشه بالصناعية و يقولك بحافظلك على الضمان عيني عينك و هالشي مب منطقي و لا يجوز ايش رأيك؟؟؟!!!!!!