عرض للطباعة
السلام عليكم ورحمة الله وبركاته
مساكم الله بالخير
هدايا اليوم الوطني اللي يتم توزيعها على طلبة بعض المدارس .. هل تصل كاملة
أم يتم أخذ بعض محتوياتها قبل التوزيع
وما هي الجهات الحكومية أو شبه الحكومية الأخرى اللي توصلها هدايا بهالمناسبة
وعلى أي أساس ؟؟
تساؤلات خطرت في بالي من شي شفناه وعايشناه .. ومن شي سمعناه
,
,
مرحبا
شكرا على الموضوع
احسن هديه شفتها باليوم الوطني هديه ( بنك قطر الوطني ) وهدايا الديوان
بصراحه شي
اما هدايا المدارس الله اعلم فيها ماعندي خبر
لكن الموظف الي بيطمع في هديه اليوم الوطني
هذا عاد ( حرام ينسلم مسئوليه ) وامانه أولادنا
:)
مشكله النفس الضعيفه
,
,
والشكر موصول لك أخي الكريماقتباس:
المشاركة الأصلية كتبت بواسطة شموخ دائم
بالنسبة للمدارس أختي تقول لي كنا نشوفهم ينزلون الهدايا في المدارس والبعض يفتحها ويشيل منها أشياء قبل لا يوزعونها على الطلاب
يعني الأمانة أحياناً لك عليها
استغفر الله حتى الهدايا ما اسلمت!
في جهة معروفة بالبذخ من سنة كانوا حاطين في هدايا الفي اي بي بعض الاشياء من الذهب حق ربعهم
الصنادق يوم جتنا .... حسينا انها ناقصة شي
عقب عرفنا من اللي ورد الهدايا ان كان فيها اشوية منتجات من الذهب
لما تغيب الأمانة يا ديور .. توقعي أي شياقتباس:
المشاركة الأصلية كتبت بواسطة Dior'1
الخبر كله عند الموردين .. هم اللي عارفين المحتويات الأصليةاقتباس:
المشاركة الأصلية كتبت بواسطة بانغ بانغ
وضعاف النفوس ياخذون اللي يعجبهم حق نفوسهم وأهلهم وربعهم
اي والله .اقتباس:
المشاركة الأصلية كتبت بواسطة الحياة الخالدة
مافي الا انقولهم في ذهب وانحط بلاستيك ملون ذهبي .
ناس طماعه
وعليكم السلام ورحمة الله وبركاته،
ما عندي فكرة عن اي سرقات لهدايا اليوم الوطني ان حصلت،
لكن عندي اقتراحين واعتقد انهم بيحدون من السرقات،
اول اقتراح لو ينطبع على ورقة وتلصق على العلبة تفصيل بمحتوياتها مع رسم توضيحي،
مثل كتيب تعليمات اي منتج كهربائي لما يطبعون شكل الجهاز والقطع المرافقة،
يعني طباعة عادية بالابيض والاسود مب مكلفة،
بس الاهم انها تلصق في العلبة بحيث محد يقدر يشيلها،
ومكتوب فيها المحتويات،
والاقتراح الثاني تغليف الهدية كلها بكيس بلاستيك شفاف،
لو يكون مفتوح يبين انه مب جديد وحد ماخذ منه شي،
وبهالطريقتين لو في شي شايلينه ومبيوق بينعرف.
المفروض يكون فيه مراقبه موظفين الوزارة