عرض للطباعة
السلام عليكم ورحمه الله وبركاته
ياجماعه الخير انا سويت ملحق في بيت الوالد وركبت ليتات سبوت لايت وديمر للتحكم بالاضاءه بس طلعت لي مشكله في الاماكن الي فيها الديمر الليتات ترمش كل 3 دقايق لاقل من ثانيه وترجع طبيعي
فمادري المشكله كبيره ولا بسيطه
ياليت الخبراء في الكهرب يفيدوني
يمكن مركب ال اي دي على ديمر عادي وما ينفع .. مر على محل يبيع ليتات بس شوف حد فاهم وفهمه المشكلة وخذ عينة معاك خل كهربي يفكها ويفك الديمر .. ولو كهربي فاهم بيحل لك المشكلة .. تقدر تغير الليتات لنوع قابل لتخفيض الاضاءة Dimmalbe وفيه منهم ال اي دي وغيرهم ويمكن ضروري تغير الديمر لنوع مناسب
اخوي معماري قطر الليتات اليد ديمابل الي تقدر تتحكم بمستوى الاضاءه جربت اكثر من نوع اخر شي صفيت على الي انا مركبهم بس مادري هل له خص بقوه الاحمال الكهربائيه يعني المشكله الليتات ترمش اقل من ثانيه وترجع طبيعي
أكيد المشكلة في الديمر شوف واحد متناسب مع كمية واط الليتات كمجموع ولو استمرت المشكلة معناها الخلل في اللمبات حتى لو مكتوب عليهم ديمبل ممكن فيهم خللاقتباس:
المشاركة الأصلية كتبت بواسطة Meshaal7
وعليكم السلام
انا مش خبيرة في هالسوالف ..
لكن يوم بغيت اركب حق بيتي ليتات ال اي دي قالي الكهربائي مايتركب عليهم الديمر ..
الديمر يبي له الليتات العاديه اللي الحين ماعادت موجودة نفس قبل ..
وكنت مركبه وجربت وكذا ليت ينفجر مرة وحدة بدون سبب ..
:
ان شاءالله العضو عزيز يشوف الموضوع هو مهندس كهرباء واكيد بيفيدك ..
اليت الديمر يجي من المصنع مخصص يكون ديمر
انا اتوقع المشكلة من توصيل خط الكهرباء وسماكة السلك ولها حسبة كم سبوت لايت وحجم قوة الايت حتى لو ان ال اي دي مايصلح تشبك كل اليتات في سكت واحد لانه طبيعي راح يرومش اليت
جرب ركب ليت عادي على سويش ديمر يقعد اليت يرومش تقول فلاش لان تيار الكهرباء متذبذب مهب ثابت
كل سويش ديمر له قوى ومعيار كم يستحمل من احمال وحجم وسماكة الاسلاك
ونوع المبة له دور اذا لمبة صينيه ومهب من شركة معروفة راح يشتغل اول الامر فترة وبعد فترة يحتر المحول داخل المبة
كل لمبة ديمر يجي داخلها محول صغير واذا مافي تهوية والسقف حار يخترب المحول الداخلي فيها
هذي لمبة من شركة اورسوم واختبار بسيط والفرق بين المبة اللي تجي صناعة المانية وديمبر وراح تلاحظ فرق في عدسة الضوء والاختلاف اللي مابينها وبين المبة العاديه من نفس الشركة والمحول الداخلي اللي فيها
https://c.top4top.io/p_1576pmw5w3.png
هذا الاختبار البسيط راح تلاحظ المبة العادية ترومش على على سويش ديمر لان تيار الكهرباء متذبذب ومش موافق مع المبة لان مافيها محول يضبط لك قوى التيار الكهربائي
https://l.top4top.io/m_1576jlfjx0.mov
https://a.top4top.io/p_1576tvlc71.png
لاحظ في الصورة اللي تحت فرق العدسة بين المبة العادية والمبة ديمر
https://b.top4top.io/p_15761whu32.png
الحين اختبار المبة ديمر
https://h.top4top.io/p_15761l8im7.png
https://i.top4top.io/m_15766utra8.mov
لو تلاحظ في الصورة اللي تحت لمبة الديمر داخلها محول صغير هذا المحول اذا حتر وسقف الغرفة حاره بين الجبس والسقف تقعد المبة ترومش لان تيار الكهرباء اللي داخلها متذبذب
https://d.top4top.io/p_15763wher4.png
https://f.top4top.io/p_1576yadou5.png
وعندك في هالصورة اختلاف عدسة المبة بين العادية والمبة ديمر
https://g.top4top.io/p_1576b02lg6.png
وهذي المبة عادية بس الون اصفر نفس لمبة الديمبر وراح تلاحظ اختلاف في نصاع وقوة انعكاس العدسة
https://d.top4top.io/p_15760uhc50.png
https://e.top4top.io/p_1576grqs81.png
لاحظ فرق العدسة تحت
https://f.top4top.io/p_15761t52h2.png
في نوع لمبات سبوت تجي تصنيعها غير المبة تجي بزعانف تبريد من الخلف كانها رديتيتر
طبعا جودتها افضل وسعرها اغلى بواجد من لمبة الاسبوت العادية
في لمبات بتروح سعرها بين 300 دولار من شركة ايركو الى 100 دولار من شركات اخرى بس يقولون ضمان انها تشتغل بين 5 سنوات بدون مشاكل
انا شفت لمبات صناعة يصنية درجة اولى سعرها تقريبا 150 للمبة في محل بطريق سلوى جنب الشعلة وبضاعته ممتازة وحلوه
وأن شاءالله احد الأعضاء يعطينا ويفيدنا اكثر
ما قصرت يا بو سعود
اوسرام الصناعة الألمانية من وين احصلها؟
اقتباس:
المشاركة الأصلية كتبت بواسطة معماري قطري
محل الشمائل في قريه بروة
اقتباس:
المشاركة الأصلية كتبت بواسطة معماري قطري
الله يسلمك وكيل الاوسرام هو الجيدة وله موزعين من ضمنهم محل الشمائل مثل ماذكرت اختنا سارة ومحل تورست جنب الشعلة في قرية بروة هذول اقوى موزعين حق الاوسرام وفي كذا محل بس اذا محتاج كميات تحصلهم عند الشمائل او تورست
وتقدر تاخذ من الوكيل دايركت الجيدة طلع وكيل كذا ماركة بس حاسب من الموظفين اللي هناك في الوكاله تحصله مايبي يبيعك بيقول لك روح للموزعين يحاول يلف ويدور مثل ماسوى معاي يوم رحت لهم حسيت ان يبيني اروح حق محل تورست واتصل عليه وقال لي روح له بيسنعك احنا مب متوفر حاليا
بعدين اخذت جميع احتياجاتي من الشمائل
محلات العامر اللي بطريق سلوى عنده سبوتات ليتات حلوه وسعرها مناسب مقارنه مع الاوروبي ايركو
اوسرام او فيليبس تقدر تطلب طلبيه لمبة عدد ساعات اطول عمر وزاية اكبر توصل لين زاوية 60 درجة
لان اللي في السوق كله زاوية 36 درجة ودرجة الون 2700 كلفين
حتى قوة الشمعة تقدر تطلبها اقوى
اوسرام ماعنده الا درجتين من الالوان 2700 الاصفر مايل للبرتقالي شوي و 6500 الاف الابيض الناصع
اما شركة فيليبس متوفر عندهم كذا درجة من اصغر درجة الى اقوى درجة بالطلب
وكيل فيليبس تكنوكيو وعندهم مكتب فوق تدخل لهم عن طريق الباب الخلفي
عندك بعد ماركة سيلفينيا موجودة عند دوحة الانوار جنب التيسير بطريق سلوى او محلهم اللي في قرية بروة
مشكورين ما قصرتوا اخوي عبدالعزيز واختي سارة
ركبت بانلات 60 في 60 للمطبخ ولدورة المياه الرئيسية .. الواحد ب 80 بس وايد قوية انارتهم ولو احترقوا تبدلهم بالكامل .. صناعة صينية تحت التجربة نشوف شلون يكونون