شركة مقاولات

مساكم الله بالخير ..
اخواني انا بصدد بناء بيتي وحبيت نصايحكم في طريقه اختيار المقاول وترشيحاتكم لشركات مقاولات تبني بذمة وجوده ..ويفضل من الجنسيات الاسيويه ..

عقدك واشرافك هو اللي يلزمهم ما فيه مقاول يبني بذمة .. الكل يدور ربحه

مقاولين الذمة هذيلا على أيام كان الرجال يخطط الأرض بعصا وهم ينفذون ألحين تدخل مواصفات وتفاصيل شغل وشروط دفعات ودفعة صيانة إن وجدت واشترطتها .. شوف موضوع العقود المثبت هنا فيه شرح وافي

اختيارك للمقاول اللي سمعته الطيبه سابقته سوا اسيوي او عربي ..
انا بنيت بيتي عند عربي[ عظم بلاستر ] والحمدلله مافيه مشاكل تذكر وبعدها اثنين من اخواني بنا لهم تشطيب وصار لنا تقريبا 6 سنوات
وانصحك فيه ..

أي مقاول تبي تتفق معاه على البناء روح شوف شغله الحالي و ليس المنتهي .... المنتهي بيكون جميل و خالص ميك اب و مخفي كل المصايب اللي بداخله

اي استشارة في الاشراف انا حاضر