احسن مكان لصبغ وتصليح السيارات وسعره ممتاز

السلام عليكم ورحمة الله وبركاته

اخواني جميع الأعضاء المحترمين،،
اطلب منكم كراج لصبغ السيارات عندي سيارة كورولا موديل ٢٠٠٩ حق الدريول ابي اصبغها على لونها وهو اللون الأبيض ابي يكون كراج صبغ جيد ورخيص وكذلك ابي كراج يجيك على السيارة من الصدام الى الصدام علمأ باني فحصتها وطلع فيها شغلات استهلاكية تبي تبديلَ.
ارجو منكم اخواني النصيحة بالكراج الجيد واللي عنده معلومة او خبر عن كراج جيد شغله نظيف فارجو ذكر اسم الكراج لتصليح والصبغ مع ذكر رقم الشارع بالصناعية او غير الصناعية.

ولكم مني أفضل التحايا والاحترام

روح كراج سمرلاند (( المنطقه الصناعيه )) والمدير العام اسمه الاخ سرمد
شغلهم نظيف من واقع تجربتي معاهم بصبغ سيارتي نوع اوريون ورخيص ودقيقين حيل بالصبغ وراح تدعي لي ويشهد الله ماهي دعايه او مستفيد شي لكن حبيت اساعدك جوال 55852874

بالنسبه لرقم الشارع نسيته والله لكن اتصل فيه وأساله عن العنوان

جزاك الله كل خير وبارك الله فيك وفي امثالك

ويجزاك بمثله

اخواني الأعضاء اليوم ارسلت الدريول حق كراج دكا
وتم تشيك السيارة وطلعت فيها اشياء استهلاكية المهم سألهم الدريول عن تكلفة تصليح السيارة قالو له ٧٠٠٠ ريال قالهم هل قطع الغيار أصلية قالو نعم أصلية قالهم ماعندي مشكلة بس ابي فواتير القطع من الوكالة قالو له لا بنصلح السيارة بدون نعطيك فواتير الحمد لله طلع الدريول ذيب قالهم مشكورين ودفع ١٠٠ ريال عن تشيك السيارة.
حبيت انبهكم من التلاعب اللي تصير حق السيارات التأكد من أخذ الفواتير والتأكد من القطع الأصلية.
انا اقول وين وزارة التجارة عن هذا التلاعب والمصداقية.. لايوجد من يراقب بعض أصحاب الكراجات. اول تجربة لي مع هذا الكراج كم من صاحب سيارةترك سيارته لتصليح ولم يتأكد من أن القطع الغيار أصلية او تجارية.
انا احذر الجميع بعدم الاتفاق مع أي كراج بعد متأكد الفواتير القطع الغيار أصلية.

الافضل كجودة مع السعر هو كراج الدايهاتسو (من تجربه اكثر من مره سويت سيارات عندهم ...... الافضل في قطر وشغل احترافي)

كراج الزعامة من واقع تجربة ممتاز وديت لة الموتر وسوى صيانة كاملة لة وصبغ لي الصدام والباب لان كان فيهم خدوش.. وواحد من الربع بعد صبغ موترة كامل وسوى صيانة لة ... وجيب قطع الغيار بنفسك افضل وبتوفيق ان شاء الله