شركة مناقصات

السلام عليكم
يا الربع هل حد منكم جرب شركة مناقصات اللي تصمم وتنفذ لك الفيلا اللي جربها هل ينصح بها

السلام عليكم
ذهب اعطيك خبرتي معهم حيث انني قابلتهم ولكني لم اتعامل معهم
مناقصات تعطيك خرائط لبيتك ببلاش شرط انك تتعامل مع مقاول من عندهم
حيث انها تقوم بعرض خرائط بيتك ع كذا مقاول وتعطيك العروض اللي جاتها وانت تختار المقاول
بتسأل ماذا تستفيد مناقصات؟:stop::stop:
مناقصات بتستفيد وبتاخذ نسبتها من المقاول وطبعا المقاول حط فايدتهم ع ظهرك انت :ok:
الحلو بمناقصات تحميك من جشع بعض المقاولين وتكمل مشروعك بنفس القيمة اللي اتفقت معهم عليها
وافضل شي لك انك تذهب لهم وتاخذ كل علومهم حيث ان يوميا القوانين تختلفescape
واذا انت عصامي وبتوقف ع بنيانك انصحك توفر فلوسك وتشوف لك شركة مقاولات ثقه وسعرها زين ولاتنسى ان تحمي نفسك بالعقود الموثوقه من الحكومة حتى تضمن حقك
وربي يوفقك ويوفقنا لما يحبه ويرضاه سبحانه:yes:

تعاملت مع مناقصات .. اسلوبهم يحمي العميل لكن تصميمهم تعبان و ما عندهم حس فني غير انهم يطلبون نسبة تقدر ب 3% من قيمة المشروع من المقاول اللي ترسي عليه مناقصة بناء البيت و هذا سبب ان بعض المقاولين يبتعدون عنهم بالاضافة إلى اشياء مختلفة خلتي ما اكمل معاهم.

انصحك لو تبي تتعامل معاهم انك تسوي التصميم بره و تعطيهم اياه أو انك تشوف مقاول محترم (و في نسبة جيدة منهم موجودين) مع استشاري جيد و تبني!

شكرا لمن افادني بالرد
لاني اتصلت بهم مره وزعجوني بلاتصالات

عن تجربة
ما منهم فايدة ابدا
التصميم طلع فيه اخطاء ولكن حملوني اياها
وياخذون نسبتهم من المقاول واذا بغيت تكنسل معاهم لازم تدفع نسبة،، فما فيه شي ببلاش

الله يحمينا من جشع اللي مايخاف الله