من اجمل قصائد خالد الفيصل --وغناء محمد عبده (( لا خاب ظنك في الرفيق الموالي ....
السلا عليكم
قصيده اعجبتني
للشاعر المبدع الفارس الامير خالد الفيصل (( دايم السيف ))
خصوصا ًوان معناها كبير وفيها دلالات جمالية وحكم كثيرة مختصره في ابيات ...
.......................
يقول: من عدّا على راس عالــــي
.......... رجمٍ طويل يدهله كل قرنــــاس
في راس مرجومٍ عسير المنالـــي
........ تلعبْ به الأرياح مع كل نسْنــاس
في مهمهٍ قفرٍ من النّاس خالــــي
........يشْتاق له من حس بالقلب هوجـاس
قعدت في راسه وحيدٍ لحـالــــي
..........براس الطويل ملابقه تقل حــراس
متذكرٍ في مرقبي وش غدالــــي
...........وصفّقْت بالكفين ياسٍ على يــاس
أخذت أعدّ أيامها والليالـــــــي
............دنيا تقلّب ماعرفنـا لها قيــــاس
كم فرّقت مابين غالي وغالـــــي
..........لو شفت منها ربح ترجع للافــلاس
يقطعك دنيا ماله أول وتالــــــي
.........لوأضحكت! للغبن تقرع بالأجــراس
المستريح اللي من العقل خالــــي
.........ماهو بلجات الهواجيس غطّـــاس
ماهو بمثلي مشكلاته جـــلا لــي
......... أزريت أسجّلهن بحبرٍ وقرطـــاس
حملي ثقيل وشايله باحتمـالــــي
...........واصبرعلى مر الليالي والأتعــاس
وارسي كما ترسي رواسي الجبالــي
............ ولايشتكي ضلعٍ عليه القــدم داس
يابجاد شب النّار وادن الدلالــــي
............ واحمس لنا يابجاد مايقعد الــراس
ودقّه بنجرٍ ياظريف العيالــــــي
............. يجذب لنا ربعٍ على أكوار جــلاس
وزلّه إلى منّه رقد كل سالـــــي
.............. وخلّه يفوح وقنّن الهيل بقيـــاس
وصبّه ومدّه ياكريم السبالـــــي
............. يبعد همومي يوم اشمّـه بالانفـاس
فنجال يغدي ماتصور ببالــــــي
............ وروابع تضرب بها أخْماس وأسداس
لاخاب ظني بالرفيق الموالـــــي
............ مالي مشاريهٍ على نـايد النــــــــاس
لعل قصرٍ مايجيله ظـلالــــــي
.............. ينهد من عالي مبانيه للســــاس
لاصار ماهو مدهلٍ للرجالــــــي
............... وملجا لمن هو يشكي الضيم والياس
بحسناك يامنشي حقوق الخيـالــي
............... ياخالق أجناس ويامفني أجنـــاس
تجعل مقره دارس العهد بــالـــي
................صحْصاح دوٍ دارسٍ مابه اونــاس
البوم في تالي هدامه يلالــــــي
................ جزاك ياقصر الخنا وكر الأدنــاس
متى تربّع دارنا والمفالـــــــي
...............وتخضرّ فياضٍ عقب ماهيب يبّـاس
نشوف فيها الدّيدَحان متـوالــــي
............... مثل الرعاف بخصر مدقوق الألعـاس
ونمشي على البيدا سوات الزوالــي
................ يشرق حماره شرقة الصبغ بالكـاس
وتكبر دفوف معبّسـات الشمالـــي
...............ويبني عليهن الشحم مثل الأطعـاس
