تكفوووووون طالبكم لاتردوني

السلام عليكم ورحمة الله وبركاته

اخوكم ناوي يكمل باذن الله الماستر في احد التخصصات القانونية

وطبعا بعد جهد جهيد اطلعت لي الموافقه المبدئية بس من ضمن شروطها اجادة اللغة الانجليزية

وبعد تعصر هني وهناك قدرت احصل على بعثه من الدوام مدة 6 شهور في بريطانيا

وباذن الله باروح في نص شهر واحد ...

والمطلوب منكم يا اهل النخوه مساعدتي في اختيار افضل المدن للدراسة مع المعاهد الزينة واللي مايكون هدفها تجاري مثل ماسمعت

وبصراحة تعبت وانا ادور والف واحد يشور علي مكان بس لحد الحين ما حصلت الانسان المجرب ومابقى شي على السفرة فشوروا علي وين اروح

ابي مدينة مافيها عرب وايد يعني النسب بسيطة وبنفس الوقت ماتكون ميته .. :omen2:

تكفوووون ساعدوني لاني ماصدقت تطلع لي هالبعثه ومابي اروح وارجع ولا تغير عندي شي

ملاحظه : ترى انا مب سيء في اللغه بالعكس بس ماعندي لغة دراسية بحته

ويعطيكم الف عافية .. :victory:

بالتوفيق وانشالله الاخوان يساعدونك

وياك ان شاءالله وماقصرت يالغالي

بالتوفيق وخليك عالي الهمه وباذن الله تحقق ما تصبو اليه

الله يوفقك في تحقيق هدفك.

اقتباس:

---

المشاركة الأصلية كتبت بواسطة ذيب البورصة

السلام عليكم ورحمة الله وبركاته

اخوكم ناوي يكمل باذن الله الماستر في احد التخصصات القانونية

وطبعا بعد جهد جهيد اطلعت لي الموافقه المبدئية بس من ضمن شروطها اجادة اللغة الانجليزية

وبعد تعصر هني وهناك قدرت احصل على بعثه من الدوام مدة 6 شهور في بريطانيا

وباذن الله باروح في نص شهر واحد ...

والمطلوب منكم يا اهل النخوه مساعدتي في اختيار افضل المدن للدراسة مع المعاهد الزينة واللي مايكون هدفها تجاري مثل ماسمعت

وبصراحة تعبت وانا ادور والف واحد يشور علي مكان بس لحد الحين ما حصلت الانسان المجرب ومابقى شي على السفرة فشوروا علي وين اروح

ابي مدينة مافيها عرب وايد يعني النسب بسيطة وبنفس الوقت ماتكون ميته .. :omen2:

تكفوووون ساعدوني لاني ماصدقت تطلع لي هالبعثه ومابي اروح وارجع ولا تغير عندي شي

ملاحظه : ترى انا مب سيء في اللغه بالعكس بس ماعندي لغة دراسية بحته

ويعطيكم الف عافية .. :victory:

---

مافهمت الموافقة المبدئية من الدوام ولا من البعثات ؟؟ هل انت حصلت على قبول من جامعه مثلا ؟؟

في جامعة في مدينة هال قوية جدا جدا مستواها a*



ومدينة هال هاديه ووحلووه مافيها عرب وايد

اذا تبي اسم الجامعه بقولك

الله يوفقك

الله يوفقك ان شاء الله والفال لي يارب

السلام عليكم
اخوي انا درست فبريطانيا
رحت كارديف وهالمنطقه مانصحك تروحلها لان كل سعووديين وخليجيين يعني ماتنفعك
ودرست فتوربي هاي اوكي بس مادري اذا في جامعات لاني درست يوم كنت صغير وفمدرسه
بس ع العموم لو رحت امريكا احسن بوايد
وبالتوفيق ان شاء الله

انــا انصحك وعن تجربه في مدينة باث حلوة واهم شيء انها هاديه و 80% من سكانها شياب

ومعهدهم ووايد قوي في university of bath , والمدينه قريبه من لندن تقريبآآ ساعـه وربع بالقطار

والمعهد مافيه عرب وايد

انت تبي تدرس في احد تخصصات القانون !
ولا رايح تدرس لغة .!
اذا كنت تبي تدرس قانون ..
انصحك تروح دولة قريبة احسن من التغرب ..
اعرف وايد ناس رآحوآ مصر ..
وكملوا هنآك الماجستير والدكتوراه ..

الله يساااعدك

اسمحولي ع التاخير في الرد

مشكورين لكل اللي ردوا علي

اخوي الاطلس

انا قصدي بالموافقة المبدئية من الدوام اني اروح على حسابهم اكمل الماستر
يعني جاني كتاب بالموافقة بس اشرطوا علي اني انهي اللغة الانجليزية في البداية وبعدين اقدم على الماستر فقدرت اطلع عن طريق الدوام دورة 6 شهور لغة وابي استفيد منها على شان اقدر اكمل يعني الخطوة الاولى اللغة بعدين الماستر ..:victory:

اختي تفوق الوصف

تسلمين وما قصرتي وان شالله بقرا عن هالمدينه ..:nice:

اخوي الجوكر

حاولت اني اروح امريكا لكن الموافقة جاتني على بريطانيا والله يعين وتسلم اخوي ع النصيحة ..:nice:


اخوي Mr.1
ماقصرت اخوي وانا سمعت عن هالمدينة وان شاالله في البال .. :nice:

اختي law girl

انا بكمل دراسة الماستر في القانون بس اشرطوا علي اللغة فانا رايح لغة اول شي وبعدها ماستر , شاسوي هاي كان شرط الدوام وبخصوص الدراسة في الدول العربية مابي اروح هناك مع احترامي للدول العربية لان طموحي اجنبي :D

والله يعطيكم الف عافية على تفاعلكم .. :)