كرة القدم في qf للأطفال، المباريات بكره السبت 12 الظهر!
..
بسم الله الرحمن الرحيم..
الموضوع على عجاله إن في دوري للأطفال من عدة مدارس
لمختلف الأعمار وكانت المباريات تنلعب الساعه 4 العصر
بالفتره السابقه وبداية من بكره بيصير اللعب من
الساعه 12 الظهر لين 1:30 تقريباً بناء على
جدول معد مسبقاً وتوقعاتهم بأن تاريخ
2-11-2019 راح يكون براد وغيوم وإلخ..
إنزين ماضبطت السالفه وراسلوهم الآباء اليوم إن درجة
الحراره عقب صلاة الجمعه كانت بالثلاثينات وبكره
غالباً وحسب الأرصاد بيكون حر ومافي غيوم
وهذا خطر على اليهال وإلخ ولكن وصل الرد
إن اللجنه المنظمه ومقرها الريكرييشن سنتر
في المدينه التعليميه رافضه تغير الموعد !!!!!!
يعني لو حد من مئات الأطفال صاده شي
هل راح تنفعه اللجنه المنظمه حزتها؟!
ولحد الحين مب قادرين نوصل لحد منهم
فمادري هل هذا التوقيت طبيعي ويمكن
آنا مبالغ بردة فعلي شوي ولا شالعلم!
بالتوفيق للجميع
إن شاء الله..
..
