https://i.ibb.co/kHWnRSc/domain-1dcfadbd0d.jpg
السلام عليكم.. اسعد الله أوقاتكم.
تخيلوا هذه الصورة من كتاب للصف الثالث الابتدائي في الثمانينيات.
الكلمات معربة بالشكل (ضمة فتحة كسرة)، والفكرة في الدرس موجودة.. واكثر ما يشد الانتباه الرسومات لان الرسام يرسم بطريقة بدائية ويمكن ملاحظ شكل الصيصان اللي حاول يرسمهم وهم منطلقين :)
عاد اتذكر كتابي كان فيه رسومات مقطوع رقبتها بخط ابيض لانها رسومات ذوات أرواح. مدري من وين طلعت فكرة رقبة مقصوصة بخط ابيض.
عموماََ المناهج في الماضي كان يكمل نقصها (ان وجد) صرامة النظام وتخصص المعلم.
لان المعلم ممكن يكمل السنة ما شال معه دفتر للفصل.. يشرح من رأسه واذكر شلون كان يتحرك المعلم و شلون يشيل حصته من الالف للياء.. والطلاب صنم محد يلتفت.. مش مثل اليوم صارت المدرسة ملاهي تحت شعار العصرنة والتقدم.
وفي النهاية يطلع الراقد مهندس.. يا بشمهندس انت كاتب المواصفات مالت الشغلة الفلانية فيها غلط نبيك تعدله.. يقول لي المهندس (احذفها كلها).. لانه ناقل من المواقع الالكترونية بدون فهم ولانه مهندس متخرج بدون جدارة والا فيه الممتازين لكنهم قلة؟
ولان الموضوع في الاستراحة عسى تتقبلون تشتت الفكرة لاني بديت من المناهج وانتهيت عند المهندسين كمثال فقط يدلك على ان الثمرة تدل على جودة الزراعة والبذرة.. الله يعين اولياء الامور على صناعة عيالهم من الالف للياء.. لان المدرسة والمعلمين اليوم قسمين (اداريين وقياديين مجاملين للقرارات ويضغطون على المعلمين) و (معلمين شبه يائسين من كثر الحمل التربوي والتعليمي والطلبات اللي تطلب منهم من تقارير وامور مالها علاقة بعمل المعلم أساساََ).
والله المستعان
