السلام عليكم
هذا اقتراح الاخ jassim69 و انا اتفق معاه و هو الحل الوحيد لفك ضيق طريق 22 فبراير هو فرض رسوم على طريق 22 فبراير اسوة بدبي لانه الطريق طريق سريع و يستوي بطئ في اوقات الذروة صباحاً و مساءاً و هذا نظام متبع في معظم دول العالم
عرض للطباعة
بس العالم بيروحون من فوق النفق وبيدخلون من قدام وبترجع الزحمه
الحل بإقامة طرق اخرى
او نفس نظام سالك لأكن على طريقين متتاليين
انطر لين يفتحون المجمعات الباقيه اللي في محيط اللاند مارك وشوف شلون هالشارع بيصيده الشلل على اكثر مما هو عليه الحين .
في ناس ما عندها تدفع 00
وزيادة الرواتب في جهات ما خذتها من غير أهل الشؤون 00
بدل ما نخفف على ناس زيدونهم ثقل مادي 00
نبي جسر ثاني بديل 00
جيبلي طريق موازي لي 22 فبراير وبعدها اوعدك ما امر على الشارع
دبي سوت نظام سالك لان كل الناس تمر من شارع الشيخ زايد ويسوا زحمة اما طريق الامارات بيكون فاضي
الحل انه يشيل اليسن من الهنود الي يرفعوا الضغط
باصات عمال فوق 50 باص تلاقيهم يمشون 50 ورا بعض ومسوين زحمه ، شاحنات / دناكر ماي
هذيل يسببون زحمه غير طبيعية
من زين الشارع يسوون عليه رسوم
دوريتين مرور تقبض الخط من التضامن الى جسر الشمال..رايحين جايين ويخالفون اللي يعطلون السير عند المخارج والشاحنات والباصات اللي تمشي 60 والمتهورين.. وبتشوف الشارع من احسن مايكون
والمشروع يدخل ذهب للمرور :)
و أين الطرق البديلة
شارع الشيخ زايد يوجد بديلين له وهما شارع الامارات وشارع العابر ولكن شارع 22 فبراير اذا كان برسوم وحتى لو ضعف التكلفة اللتي ذكرها الاخ الكريم فماهو الطريق البديل واللذي يحتمل هالكم الهائل من السيارات المستخدمة لطريق 22 فبراير.
الحل من وجهة نظر متواضعه هو انشاء طرق بديلة واكثر من واحد وعدم تكديس الوظائف في وسط العاصمة ومنطقة الابراج.