السلام عليكم
الله يعطيكم العافية .. خبراء سويسرا
مسافر شهر 12 بااذن الله وابي اهم
المناطق اللي ممكن نزورها
وشكرا جزيلا لكم
عرض للطباعة
السلام عليكم
الله يعطيكم العافية .. خبراء سويسرا
مسافر شهر 12 بااذن الله وابي اهم
المناطق اللي ممكن نزورها
وشكرا جزيلا لكم
وعليكم السلام.
اشلون مخطط رحلتك من وين بتبدي ووين تنتهي. اي مطار بتنزل جنيف ولا زيورخ. اهم المدن اذا بتنزل جنيف عندك مونتريه لازم تروحها وعندك شامونية بفرنسا فيها اعلى قمة جبال الالب مون بلان. وعندك مدينة أنسي تبعد أربعين كيلو عن جنيف لازم تزورها حلوووه كثير. وبعدها ممكن تنتقل الى انترلاكن بوسط سويسرا فيها قرية جرايندالوالد والبحيرات منها ثون وغيرها. وعندك لوزيرن بقراها وبعدها ممكن تزور هايدي لاند على طريقك لزيورخ وترجع من زيورخ. طبعا انا تكلمت بشكل عام حاليا بس انت حدد مخطط الرحلة
والله يالغالي انا مب خبير لهناك
بس يبيلك سياره وجنيف احسن من زيورخ لا أطول في زيورخ
والأفضل تسكن في انترلاكن وتروح للمناطق الي حولها وتجرب الاكتفتي الي عندهم
ولازم تحجز لك على Jungfraujoch Top of Europe
اذا ناوي تزور الارياف
اعمل حساب تساقط للثلوج واغلاقات لبعض الشوارع بما ان السفره شهر 12
اقتباس:
المشاركة الأصلية كتبت بواسطة ذكي جدااا
هذا الصح.اقتباس:
المشاركة الأصلية كتبت بواسطة CH Engineer
اخوي او اختي كلاس قطر
المدة اشكثر و كم شخص و اللي تحبونه شنو بالظبط؟؟؟
بنائا عليه ممكن يفيدنك الاخوان و الخوات.
عن نفسي انزل فزيورخ و اخذ سيارة من نوماند كار كل سياراتهم مرسيدس عندهم حتى الفان V class
https://nomadcar.com/en/ الحلو الي فيهم تأمين شامل + تأمينهم مو وايد و ايجارهم رخيص و سياراتهم نظيفه و قوية و مع انترنت ببلاش 247 "فالأصل هي وصله مخشوشه فالسيارة لما تحصلونها تحطونها فمخباكم و سويرا اتكون النت ببلاش تحللون السناب و الانستا و غيره"
اخذ السيارة و اروح مطعم هندي معروف ناسي اسمه بس يكفي بقوقل و بدورلكم اياه, اروح اتغدى فيه و اخذ الباقي تيك اوواي و اكمل دربي لين انترلاكن, انترلاكن على حسب الجو اخذ ثلاث ليالي عالأقل, مدينة فيها العرب و السعودين بالذات كله توهم متزوجين و شهر عسل, و عوائل و حليوة المدينة صغيرة اول ما توصلون شيك ان فالفندق و اشرطو عليهم مراوح اذا ما عندهم مكيف الأغلب هناك بدون مكيف بس شهر ديسمبر مو مهم الدفاية اهم, بعدها تشاية على الشارع الرئيسي اللي فيه المطاعم و الفنادق و تشوفون الأسعار للجيت بوت اللي فالبحيرة و الباراجلايدينج و السكايدايف من الهلكوبتر "انا اتكلم عن نفسي اذا بروحي او معاي شخص واحد اكثر ما قد جربت". و تريحون اذا متمللين تاخذون السيارة و اتكملون الطريق بعكس الشارع اللي جيتو منه يعني باتجاه الغرب و تركبون لين اخر شي السيارة توصل له و ينقطع الشارع يفظل قبل مغيب الشمس تمشايه و هايك و في شلالات غير المنظر اصلن في قمة الرووووووعه لون النهر تركوازي و صفاوة الماي.
بهالطريقة اتكونون عرفتو انترلاكن الصغيرة و تبتدون الأكتفتيز اللي حجزتوهم سوائا قفز مظلي من هلكوبتر فوق الثلج و الجبال او باص يمر عليكم الفندق يوديكم فوق و من طرق الجبال تنزلون ببراشوت و بعدها بعد نفس الباص بدال ما يرجعكم الفندق يوصلكم على الجت بوت بعد وايد حلو فالبحيرة العودة مالتهم...<< اعذروني فالأسامي متعود على الشكل و اللي اتذكره بالوصف بس الأسامي سيئة عندي.
ثالث/اخر يوم نصيحتي ما عليكم من الشركات السياحة تاخذون ريوقكم من الفندق بارسيل او بوكس سائا لنش او بريكفاست, عن نفسي اتريق و اصور لأنها وداعية و اخذ لنش بوكس بس مو دايما و اركب السيارة لين المحطة الوسطية للقطارات "اعلى محطة قطارات مريتو عليها اول او ثاني يوم لما انتهى الشارع و صار على ريلكم" تصف السيارة اليوم كامل ما يتعدى عشرة يورو فالمواقف. تروح الأستقبال لو سمحت ابي تذاكر حق Top of Euroup بيقولك كم شخص و اسئله كل اللي بخاطرك و توكل على الله اركب القطار و بيوديكم للنهاية و هاي ارفع قطار فالعالم يوصل لهالأرتفاع نصيحة ود معاك باور بانك علشان تشحن جوالك اذا ما عندك كيمرة. لما توصل هناك في لفتين المختصرةو اللي مع العاب خارجية فالسعر نفس الشي ما تفرق من تنزل من القطار امش على الأسهم ولا تكلم ادحد ولا تربط نفسك بأحد الحق الناس و افتح كل البيبان اللي بخاطرك و الخريطة و الممشى واصح جدا برع في العاب عالثلج كبار و صغار يلعبونها و في التعلق بالحبل و ينزلك لين الألعاب فالثلج اذا ما تبي تمشي و لما تطيب خاطرك ساعه و نص هناك عالأقل من الوناسة ترجع تدخل و تمر على متحف الثلج او معرض فيه اشياء و مجسمات وايد بالثلج, نصيحه لما تمر صوب السوفينير لا تشتري وايد شوليت و الخ الخ لأنها غالية نار بس الجاكيتات انصحك فيهم لأنهم مميزين و كوالتي حتى لو غالي, الساعات ما كانت من اهتماماتي بس عندهم بالهبل و السكاكين اذا انك محم للسكين السويسري الصغير.
لما تخلص كلللللللل اللي بخاطرك و شبعت اتجه للقطار ينزلك و نركب سيارتك و تحط إلى لوزيرن, لوزيرن انصحك بفندق بالاس نفس الشيراتون عندنا قديم و تاريخه مميز و حلو جدا و معاملاتهم فوق الراقية تصف عند الباب و السيارة دايما عند الباب اي وقت تطلع تلقاها نادي يتأخرون عليك طبعا احتمال كبير تصيدك زحمة خانقة على مدخل لوزيرن "يعني اذا بتوصل عقب الـــ6 حدك ماك اللي عند محطة القطار.
المهم توصل تطلب من الفندق اكل او تروح ماك او اي مطعم فاتح "اذا لقيت" و تتمشى على البحيرة او تنام اللي يريحك و يفظل تحوس فالمدينة بالسيارة و تستكشف لانه مافي زحمة فالليل و الكل راقد.
ثاني يوم صباحا التمشاية على رجلك او بالسيارة على القرية القديمة و الأسواق لين تخلص و تمر عقبها على متحف المواصلات على نفس الشارع اللي فيه الفندق و للعشا انصحك بمطعم Old Swiss House روعة و مميز و اكل تقليدي و الستيك ينشوي على حصاه حارة جدامك بس انتبه انه بالللللحجز, لا قدر الله لا قدر الله صار شي و راح عنك الموعد فالفنقد بالاس نفسه مطعم سيفوق معروف جدا جدا و من احسن مطاعم السيفوق الراقية في لوزيرن للأمانه غالي جدا جدا بس انا اعامله معاملة المعصرة و ألذ باستا فحياتي كلها كليتها عندك عندهم شيف لا صار ولا استوى تناديه و اتقوله كلشي تحلم فيه من مكونات و طريقه طبخ و الخ الخ الخ الللي عندهم فالمطبخ بيسويلك اياه, لا تنسى بعد بيقولونلك انه المطعم محجوز بالكامل قولهم انها اخر ليله لك و انها عادات و تقاليد انك تتعشى عندهم و علطول عقبها بربع ساعه بيقولونلك في طاولة بما انك ساكن فالفندق و دايما تجي كل مرة اسويها و تظبط.
الليلة الثانية او الثالثة من نفس طريق المتحف تكملون سواقه نص ساعه تقريبا تركبون اي تلفريك يجي فقاطركم و اسئلو عن اخر واحد اللي حزو الغروب و يوديكم فووووووق عصير قهوة اللي اهو من منظار خيالية سبحان الله نفس الجنة و في سبا ايضا فوق فالجبال بحاول اطلعه و بحطه فرد ثاني ممكن تقضون فيه يوم كامل ريلاكس و برجه و فوقكم الناس على طيارات مظلات طايرين و اصوات اجراس البقر و انتو بكرمه و الريح و الهدوووووووء جو استمتاع و البرجة عندهم نفس الجاكوزي الماي دافي و فيه املاح.
خلصتو عندكم حرية الإنتقال لمدينة اخرى بس انا هاي نظامي فسويسرا فالعادة.
اثناء وجودكم في انترلاكن قريبة منكم جنيف و بيرن و الغابات اللي فالجبال ففرنسا تنفع حق يوم كامل فالبراري على قولتهم و الريف فبيرن من احسن ما يكون و جنيف اتشوف المعالم السياحية.
هالجداول كلها و في منتديات المسافري العرب و غيره بدون ما تذكر الاشخاص و المناسبة و المدة محد بيقدر يساعدك اللي يمشي معاي قد يكون كئيب على غيري و الخ.
الجدول هاي جدول ريلاكس بعيد عن المدن و عن الشوبينج و الإزعاج و فيه صرف :tomato:
السلام عليكم
الله يجزاكم خير جميعا
الوصول راح يكون لزيورخ وبعدها الذهاب الي لوزيرن
خمسين كيلو بالسيارة والسكن في فندق غراند
على البحيرة
ما جربتها شهر 12 بس اتوقع كيئبة لكن من أفضل الدول كمصيف .. حبيت جنيف وحبيت زيورخ وانترلاكن شيء خيالي
تبي نصيحتي سفرة شتوية لتفوت ميلان بتكون أدفى بكثير وتقدر تروحها بالقطار .. ميلان الحلو فيها أسواقها والفندق اللي سكناه كان قمة في الرقي تابع لكتارا اسمه لآكجري اكسيلسور - غاليا وقريب من المحطة تنزل من القطار وتروح الفندق مشي بحدود 100 الى 200 متر والفندق عندهم خدمات توصيل مجانية للدومو
لوزيرن حلوة احنا مريناها نص يوم .. بس بالسيارة مغامرة بتكون لو ثلج والسواقة في الثلج صعبة صعبة جداً وخطرةاقتباس:
المشاركة الأصلية كتبت بواسطة Class - Qtr
كم يوم ؟؟؟اقتباس:
المشاركة الأصلية كتبت بواسطة Class - Qtr
لوزرين اريدي ذكرتها بتفاصيلها فردي السابق فوق المدينة القديمة و متحف المواصلات مع جولة الشوكليت روعه و بعدها اليوم الثاني التلفريك و المنتجع.
و المطاعم اللي لازم تجربونها OLD Swiss house و البحري اللي ففندق بالاس
كل الفنادق اللي عالبحيرة حلوة اهم شي الإطلالة + بلكونه او الجامة تتبطل بالكامل
https://instagram.com/buergenstockre...=1h43xn5goqs8x
هذا رابط منتجع و الثاني بحاول اطلعه
يعقوب سردك للموضوع طوووووووووويل وحلو وعجيب وقصة الف ليلية وليلة،جزاك الله خير ماقصرت ويعطيك العافية
ماخليت شي الا قلته،بس يبي له واحد يحطها نقاط عشان مايضيع اثناء القراءة.
تحياتي لك
:oops::happy: لو شخص يستفيد هاي اهم شي, انا رحت ما لي بأي شي قوقل و سويت رحلة العمر على قولتهم و صرت اعيدها من وقت لوقت و اغير على حسب المزاج.اقتباس:
المشاركة الأصلية كتبت بواسطة البحار
هالأيام الواحد اذا عنده نت مو متقطع لو ينقط بأي مكان بيحصل كلشي يبيه عن طريق قوقل
ط§ظ„ط³ظ„ط§ظ… ط¹ظ„ظٹظƒظ…اقتباس:
المشاركة الأصلية كتبت بواسطة ظ…ط¹ظ…ط§ط±ظٹ ظ‚ط·ط±ظٹ
ط§ط®ظˆظٹ ظ…ط¹ظ…ط§ط±ظٹ ظ‚ط·ط±ظٹ ط±ط*طھ ظ…ظٹظ„ط§ظ† ظٹظˆظ… ظˆط±ط¬ط¹طھ ظ…طھط¹ط©
ط¨طµط±ط§ط*ط© ظˆظپظٹ ط*ظٹط§طھظٹ ظ…ط§ط´ظپطھ ط³ظˆظ‚ ظ…ط«ظ„ظ‡ط§ ط§ط*ط³ظ† ظ…ظ†
ط¨ط§ط±ظٹط³ ظˆظ„ظ†ط¯ظ† ط¨ط§ظ„ظ‚ط·ط§ط± ظ…ظ† ظ…ط¯ظٹظ†طھظٹ ظ„ظˆط²ظٹط±ظ† ط§ظ„ظٹ ظ…ظٹظ„ط§ظ†
ظ£ ط³ط§ط¹ط§طھ ظˆظ…ظٹظ„ط§ظ† طھط³طھط§ظ‡ظ„ ظ£ ط§ظٹط§ظ…
السلام عليكماقتباس:
المشاركة الأصلية كتبت بواسطة معماري قطري
سويسرا مافيها ثلج الا في قمم الجبال بس المناطق
درجة الحرارة ٨ درجات ومطر
السلام عليكم
شكرا لك اخوي يعقوب وباقي الاخوان اللي شاركو
رحلتي كانت الوصول الي مطار زيورخ وبعدها تاجير
سيارة والذهاب الي لوزيرن ظ¥ظ* كيلو وبعدها زرنا المدن
انترلاكن وجنيف وجبل تتلس في مدينة مااذكرها وزرت
ميلان ورجعت في نفس اليوم والحمد الله توفقت في
رحلتي اللي مخطط لها من قبل شهر تقريبا
اللي اعرفه ان في الشتا وايد اماكن تتسكر من شهر اكتوبر، والسواقة اتوقع مب سهلة في الطرق الثلجية، شرايكم؟
عادي اكشن اكثر اذا ما عندك يهالاقتباس:
المشاركة الأصلية كتبت بواسطة Qtr37
و الأمور طيبه كأنك تسوق فالمطر اهم شي تاجر سيارة دفع رباعي و ما تسرع فوق الحد نفس الناس و السيارات الجديدة تسويلك كلشي غير انه الشوارع دايما مرتبه ما تتغطى بالثلج وايد نفس بعض الفيديوهات بسبب الحركة المرورية و اذا زاد يرشون ملح.
الأمور طيبه اخوي
ومنكم نستفيد
حد عنده فكرة عن افضل الشقق الفندقية في سويسرا لعدد خمس اشخاص؟ في جنيف او المناطق اللي حولها.
عليكم السلام ورحمة الله وبركاتهاقتباس:
المشاركة الأصلية كتبت بواسطة Class - Qtr
مشكور على المعلومة الطيبة هالسنة رحنا ميلان الحرارة 0 كانت ومدن سويسرا قريب ال 10 إنقهرت ولندن وباريس فوق العشرة
استفدت من تعليقات الاخوه وانا مالي دخل :happy::ok::ok::ok::app: ماقصرتوا