اشتريت ذهب اليوم السبت 12 مايو من الخليج للصرافة
السلام عليكم
انا قرأت شوي في هذا المنتدي عن التجارة في الذهب او بمعني اخر شراء الذهب بسعر منخفض و بيعه فيما بعد عندما يرتفع السعر و قررت اجرب.
رحت على الفردان للصرافة امس الجمعة على اساس اشتري بس رافضين يبيعون يمكن لان السعر منخفض و يقولون بعد خمس ايام على الاقل ، طلعت على الخليج للصرافة حصلت عندهم و اشتريت منهم اليوم لان امس كان ما عندهم.
اشتريت 10 تولة ذهب سويسري عيار 24 بسعر 21700 للقطعة
هي عبارة عن سبيكة صغيرة بس ثقيلة
التولة 11.7 جرام يعني ال 10 تولة تسوى بالضبط 117 جرام
يعني وقف عليا سعر الجرام 185.47 وهو سعر معقول الصراحة في الوقت الحالي حيث انه كان فوق ال 194 الاسبوعين الماضيين
انا قررت اجرب كمبتدىء و شوي شوي نشوف شو راح يصير ، وعلى كلام الاخوان في الجروب يقولون راح يرتفع اكثر
انا قررت انشر تجربتي المتواضعة لعموم الفائدة ولله يوفق الجميع ، والي عنده خبرة في هذا الصدد يفيدنا و جزاكم الله كل خير
