اتقلب على الجمر وخايف على ديني

السلام عليكم ورحمة الله وبركاته
اخواني الافاضل اتمنى ان تصبروني وتواسوني...وتنصحوني
راح احكي لكم قصتي

قبل سنوات دخلت في تجارة وما صار فيها توفيق وترتبت على ديون كبيرة...ومالي احد يوقف معاي.. انولدت يتيم ولا لي اخوان ...ما كان لي غير الله ووكلت امري له...استمريت سنوات وانا اتوسل لله انه يفرج كربتي ومع ضغوط الحياه وقلة الحيلة بديت اتهاون في عبادتي...لين صرت بدون عباده...صابني الياس والقنوت من رحمة الله واستغفر الله حتى اني شككت بوجود الله...ليش الله ...وليش الله... طبعا قبلها كنت حافظ كثير من القران واقيم الاذان وغيره...كله راح...المهم
وضعي استمر كذا فتره هايم على وجهي ... حتى اني في فترة ضعف وجهل وعلشان اوجد مخرج من ديوني حاولت ابيع كليتي والحمد لله ما توفقت... حاولت اكثر من مره ارجع لربي ما قدرت فترة بسيطه واتدهور مره ثانيه...المهم قبل فتره تقريبا (سنه تقريبا)عاهدت نفسي اني اتوب توبه نصوحه واتقرب لله وبالفعل
جاهدت نفسي جدا اني التزم بتوبتي...طبعا وضعي المادي اسوء من قبل...الناس تطالب بحقوقها وانا اقول اصبروا علي شوي متعلق بامل الله...صاحب الشقة يطالب بالايجار الحين 6 شهور ما دفعت...الفواتير عليها انذارات قطع... ....وغيره...
والله خايف على ديني من نفسي...ما اريد ارجع لضلالي القديم ولا عارف ايش اسوي...ما اريد افقد ثقتي بالله مثل قبل
ملتزم بالصلوات والقيام.. ما بقول 100% ولكن ملتزم
ملتزم بالادعية والاستغفار بالالاف في اليوم...ما اتوقف غير وقت النوم
ومتحري لاوقات الاجابه...والله في كل مناسبه مثلا اخر جمعه الحيت على رب العالمين ان ما تغرب شمس الجمعه الا وفرج عني...بعدها اصاب بالاحباط
تخيلوا كل ما اروح لجهة معينة يقولوا ما نستقبل طلبات حاليا موقفه...


خبروني الله يرحمكم لي مثلي ويش يسوي...وين يودي نفسه