نقاش استثماري لشركات البورصة بعد النتائج النصفية
السلام عليكم ورحمة الله وبركاته
وكل عام والجميع بخير وصبحكم الله بالخير
أبدأ بنتائج البنوك والمؤسسات المالية وكلها تقريباً أعلنت ما عدا قطر وعمان ودلالة .. دلالة متوقع لها قفزة في الارباح وقطر وعمان متوقع لها خسائر والله أعلم أو نزول ربح
هذا جدول الإعلانات
https://i.imgur.com/i4VVNph.png
ملاحظ إن مجمل النزول حول 8% وأتوقع دلالة تعدله
أعلى شركة نازل ربحها البنك الأهلي والأول مسجل تقليص للخسائر وشكله مستقبله يبشر بالخير بإذن الله مضاربياً واستثمارياً .. قد يحقق ربح قابل للتوزيع آخر السنة والله أعلم وصححوني إن كنت مخطيء .. الرغبة في تجميعه واضحة وشكله رايح لأرقام أعلى
المؤسسات الإسلامية بفضل الله خضراء ما عدا الأول .. مقارنة بسيطة قطر وعمان ارخصها بسعر 0.838 تليها الإجارة بسعر 0.906 والإجارة ارتفعت لل 93 درهم وفوقها بشوي في تداول الاربعاء الماضي وحسب الجدول هذا
https://i.imgur.com/I3qE2UV.png
مسجل سعر الإجارة 0.91 وهو قريب وربحية السهم 0.05 وهذا الرقم الصحيح حسب اعلانهم 0.013 ريال قطري .. نجي للنقطة المهمة اللي هي نسبة ربحية السهم لسعره 0.013 ÷ 0.91 = 1.4286% نسبة كثير اقل عن الجدول والمفروض المستثمر يحسبها صح .. لو الربح متواصل وبيتواصل في الربع الثالث والرابع على أقل تقدير ضعف المحسوب بيكون حول 2.84% بعد متواضع
ما ادري شلون حسبتهم في الجدول الثاني اللي فيه نسبة ربح السهم أو ريع السهم لسعره .. عندي مثلاٌ بنك الدوحة ريع السهم 0.16 ÷ 2.37 = 6.75% هذا لو تم توزيع هذا الريع بدون الالتفات لباقي ارباح الربع الثالث والربع الرابع .. الريان مثلاٌ ربحية سهمه 0.144 ÷ 3.938 = 3.657%
اللي يصير المستثمر لازم يحسب ربحية السهم على سعره الحالي ويشوف كم تطلع نسبته لو تم توزيع هذا الربح اللي وصلنا له في نص السنة كله ومع البنوك هذا يصير وأوقات يكون التوزيع أكثر .. شفنا مثلاً الريان العام موزع 22.5 درهم وبنك الدوحة موزع 0 وممكن الريان يجيبها في الربع الثالث بسهولة وسياسة الريان في التوزيع كل سنة يزيد شوي يعني متوقع وممكن يوزع 25 درهم هذي السنة وتطلع نسبة توزيعه لسعره 6.348% وما اتخيل بنك الدوحة يوزع فوق ال 15 درهم آخر السنة وعارف إنه ربوي وليست دعوة لشراء ذيه ولا ذاك إنما مقارنة
نشوف استثمارياً الريان أنسب من البقية ولي عودة لبقية البنوك بإذن الله