السلام عليكم و رحمة الله و بركاته
هل من المعقول ان تبقى رسوم الجامعات هي نفسها رغم انه التعليم هذه الأيام يتم عن بعد؟
الا يجب تخفيف قيمة الأقساط هذه الأيام ولو بالشيء القليل؟
و سلامتكم
السلام عليكم و رحمة الله و بركاته
هل من المعقول ان تبقى رسوم الجامعات هي نفسها رغم انه التعليم هذه الأيام يتم عن بعد؟
الا يجب تخفيف قيمة الأقساط هذه الأيام ولو بالشيء القليل؟
و سلامتكم
,
,
مرحبا
شكرا لك على الموضوع
اعتقد ان رواتب المدرسين والمدرسات اهي نفسها ما وقفت بند الرواتب مستمر كالمعتاد
وايجار المباني وسكن الموظفين العقود مستمره كالمعتاد
والكتب والأدوات تم شرائها مسبقا والمدارس كلها طبعت الكتب ودفعت قيمتها
فالنفقات مستمره على المدارس ما نزلت نفقاتها بتوقف الطلاب
والاختبارات تتم اون لاين ومن المنزل
وراح يصير نجاح ورسوب الكورس مستمر
لم يتم الغاء الدراسه !!
حتى تسترجع الرسوم
يمكن اتفق معاك بنقطه وحده وهو رسوم ( الباصات ) اذا الباصات ما تشيل الطلاب وتوقفت
ممكن يسترجع رسوم المواصلات فقط ( المتبقي منه ) او احتسابها للفصل الدراسي القادم كمقدم
مجرد وجهه نظر والعذر على الاختلاف بوجهات النظر
,
,
ياستو يا خلدون..
دخلت في نقاش مع عيالي يوم انهم انتقدوا
استمرارهم دفع رسوم مدارس عيالهم المدرسية كاملة
رغم ان التعليم عن بعد..
قلت لهم المدرسة مسؤولة عن عقود
ورواتب ومبنى ونظافة وفوقه هي مب جهة خيرية
علشان ما تهتم للارباح..
اذا طالبنا المدارس بتخفيف الرسوم
فانتوا بما انكم تشتغلون عن بعد لازم يقللون رواتبكم
لانكم تشتغلون عن بعد..
فالمدرسين والاداريين في المدارس والجامعات من دكاترة
وموظفين لهم ظروفهم الخاصة اللي ما يصير نتسبب في قطع
رواتبهم وتقليلها لان التعليم صار عن بعد..
وفوق كل هذا يبقى الطالب منتسب للمدرسة او الجامعة هذي
والتعليم المفروض في الاوقات هذي مب خيار ومطلب الزامي من الجامعة.. الامر انفرض على الكل وشي مب بيد الجميع..
تراني مب ضد تقليل الرسوم بشكل عام ..
لكن ما يصير نطالب بتقليلها لان التعليم صار عن بعد..
ونتسبب في تقليل رواتب الموظفين في هالجهات..
بينما ما نرضى رواتبنا يصيدها شي..
اقتباس:
المشاركة الأصلية كتبت بواسطة شموخ دائم
حياك الله يا اخوي شموخ دائم
انا متفق معاك انه كل شي تم دفعه مسبقا خلال عملية الاعداد للسنة القادمة او على الأقل للفصل الأول من السنة القادمة لانه جائحة كورونا كانت مفاجئة و خطر و تهديد لم يتوقعه احد و لم يكن معروف من قبل ....
و لكن اصبح الان هذا الموضوع من الدروس المستفادة للجميع و لازم نعرف كيف نتعامل معاه و اكيد نمط الحياة بيتغير تماما بعد كورونا و بالتالي أشياء كثيرة لازم تتغير مع تكاليفها سواء بالزيادة او النقصان
الحين مثل ما تعرف انه طالب الجامعة او المدرسة يستفيد من خلال دفع الرسوم الجامعية او المدرسية من الخدمات و التسهيلات المتوفره في الجامعة او المدرسة ....مثلا في الجامعه و على سبيل المثال لا الحصر اعتقد في صالات رياضيه و جيم و مسبح و مكتبه و أماكن للدراسة الهادئة و أيضا الساحات المفتوحه و قد لا تتوفر في البيوت الضيقه عند السواد الأعظم من الناس و بما انه الان الطالب محروم من الاستفادة من هذه الخدمات فولي الامر يدفع رسوم مقابل خدمات لا يمكن الحصول عليها
مما لاشك فيه انه رسوم الجامعات و المدارس لابد ان تقل مع الزمن في ظل ظروف التعليم عن بعد لأننا لن نحتاج الى مباني الجامعة لو استمر الحال هكذا و المدرسين يعطون الدروس من بيوتهم بالبيجامات هههههههه
يعني لن نحتاج لمباني جديدة و هذا فيه تخفيف أعباء على الجامعة و المدرسة و سيوفرون مصاريف كثيره و بالتالي من غير المعقول ان لا يخففون على الطلاب
دائما كنت أقول لابد من تقديم breakdown يشرح و يفسر تكاليف الرسوم علشان نشوف انها منطقيه ام لا تماما مثل لما تبي تدفع فاتورة المطعم من حقك انك تعرف التفاصيل..... طالما ما في تفاصيل فالامور ضبابية و تضيع الحقوق ...... طول عمرنا بنسافر و لا عمرنا عرفنا تفاصيل التذكره و سبب رسومها و السبب انه هالشي يحكمه عوامل كثيره جدا لا داعي لشرحها هنا كلنا نعرفها و بالمقابل تجد بعض شركات الطيران تقرر شكل الوجبة و حجمها و بعضهم اكتفى بسندويش و مشي حالك مع انه الوجبة من ضمن سعر التذكره و لكن بسبب عدم معرفتنا بالتفاصيل فالامور مميعه و الطاسة ضايعه
انا طرحت الموضوع لانني احضر دورات تعليمية كثيرة جدا في الهندسة و الإدارة و العقود و التكاليف و البرامج الزمنيه.....الخ من فترة لا بأس بها و كلها عن طريق النت و الرسوم اما مجانية او لا تذكر ..... دورات بأسعار 150-200 دولار اشتري الكثير منها على سعر 10 دولار و مدة بعضها 30-40 ساعة و الشهادات معتمدة و تستطيع تقديمها للامتحان...... بينما لو اردت ان تشترك بالكورسات بدون نت فنفس الدورة للي دفعت ثمنها عشرة دولار او ببلاش و معتمدة راح تدفع ثمنها الف دولار بسبب المركز و القاعة و البوفيه ..... الخ و مع ذلك الدورة من النت مسجلة و الفيديوهات معاك و تستطبع الرجوع لها مدى الحياة بعكس الدورة في المراكز لن تسمع او تفهم كل شيء ولا يوجد تكرار!!!
أيضا المدرسين الخصوصين بعد جائحة كورونا صاروا يعطوا دروس خصوصية عن طريق النت بدون عمل خصم للطلاب مع انه برنامج zoom ببلاش لأول 40-45 دقيقة .....
تخيل سعر الدرس لساعه واحدة 250 ريال لطالب الثانويه العامة على النت و سعر 30-40 ساعة لدورة هندسية او إدارية هو 10 دولار او ببلاش؟؟!!!...... هل يعقل هذا؟
اقتباس:
المشاركة الأصلية كتبت بواسطة يمامـة
يا ستو يمامة يحضرني المثل اللي يقول انه اللي بياكل العصي (الضرب) مب مثل اللي بيعدها و لهالسبب كان في نقاش مع عيالج الله يحفظهم لج
ما اريكم الا ما أرى و هو انه الرسوم المدرسية و الجامعية راح تنزل راح تنزل على المدى البعيد ان شاء الله و هذا قولا واحدا
ليست الفكرة اني اريد تخفيض رواتب المدرسين لا قدر الله و لكن انا أتكلم عن تكاليف التعليم الاعتيادي ككل في ظل وجود كورونا و استمرارية التعليم عن بعد و هذه من احد إيجابيات هذا الوباء.... لان التعليم للغالبية العظمى من البشر هو اننا نفكر بالاستثمار في أولادنا بدلا من وضع الفلوس في أمور أخرى و هذا شيء عظيم لا خلاف عليه و لكن على المستوى الفردي الاستثمار غالبا غير مجدي بمعنى الغالبية وضعوا أموالا طائلة و بالاخير بعد التخرج لم يجدوا عملا او احتاجوا لسنوات طوال جدا جدا ليعيدوا رأس المال او تكلفة التعليم و ربما لم يعيدوها ابدا لان الشغل يتطلب خبره و الناس ما عندها خبره و تبي خبره و أصحاب العمل مب فاضيين لهم و بس يشغلونهم يمنون عليهم بأي فتات..... انا مثلا بعد دراسة الهندسة لخمس سنوات خارج قطر بديت الشغل بألفين ريال و علمت براتبي بعد شهرين من الشغل لان المدير شافني بشتغل اكثر من ثمان ساعات قرر يعطيني الفين ريال و بالحقيقه هو كان مخطط يعطيني الف و خمسمائه فقط و لهالسبب لم يذكر الراتب بداية و هو صديق لوالدي رحمة الله عليه..... الرحمة على والدي و ليس على صاحب العمل المفتري عليه من الله ما يستحق !!!
و طبعا لكل قاعدة شواذ.... و لكن الشواذ اقل من السواد الأعظم من الناس
طبعا كلامي هذا لا ينطبق على من يدرس على حساب الدولة و البعثات ..... الخ
طبعا من يكمل تعليمه العالي و يصير دكتور و بروفيسور راح تنهال عليه العروض و تأليف الكتب و الابحاث و المحاضرات و الدعوات و العضويات الشرفيه و غير الشرفية و براءات الاختراع و هنا يكون التعليم مجدي جدا و منتهى الاستثمار
نمط الحياة راح يتغير و بالتالي في وظائف ممكن ان تندثر او تتأثر إيجابا او سلبا لاني قولت اكثر من مرة ان هذا الخطر و أي خطر له تأثير إيجابي و تأثير سلبي و الشاطر هو من يتحين الفرص و رب ضارة نافعة
المدرسين راح يتجهوا لتسجيل المحاضرات و الدورات و بيعها على منصات التعليم الالكترونيه ....يعني راح يدخلوا فلوس ان شاء الله من غير جهد او تعب لاحقا.... أولها بيتعبون و بعدين بيرتاحون و يا ريت لو اني مدرس خصوصي او اقدر ادرس شي والله احسن من الهندسة هالايام
أيضا ليس الجميع يشتغل عن بعد و معرض لتخفيض الراتب...... انا اعمل عشر ساعات باليوم بالموقع و قررت الشركة تخفيض رواتبنا 25% و لكن لحسن الحظ ان هذا القرار الغي لاحقا و لله الحمد و المنة
لاحقا ستجد وزارة التعليم انه لا حاجة لكثير من المباني و المختبرات ..... و بالتالي ستقل التكاليف عليها و أيضا ستخفف من التزاماتها و اعبائها الماليه و بالتالي لابد ان تقل الرسوم سواء في الجامعات او المدارس ......
السياحة انضربت الان.... المسابح و النوادي و المطاعم و الكافيهات و الفنادق و صالات الجيم و الخياطين و مراكز المساج و البدي كير و المنكير و الحلاقين و صالونات التجميل و المسارح و كل المرافق اللي فيها ازدحام و تلامس مباشر بين البشر .... مين المجنون اللي بيقدر يسبح هالايام في مسبح عام مختلط مع باقي البشر
أصحاب محلات بيع الملابس و غرف القياس في ظل جائحة كورونا كيف حالهم هالايام
صاحب موقع امازون هو الأكثر و الاوفر حظا هالايام و ثروته يقال انها صارت 144 مليار و في ازدياد بسبب الكورونا
بمجرد ما يكبر الأبناء يبغي للواحد سيارة عشان يروح الجامعة و مصارف ودورات والجامعة نفسها كل يوم ترفع للوزارة طلبات تحديث معامل وقاعات و بنية شبكات اتصال وتوسعات و...
تعال نروح ننظر للخريج الناجح متى يرد لأهله ولوطنه كل هذي الأمور؟ اقصد يردها في صورة انتاجية وخدمة؟
وين الخلل؟
اظن اكبر انجاز سووه الاهل والدولة هو السمعة.. اننا سوينا فلان مهندس او اكاديمي وفي النهاية بتبقى البلاد شغالة ومعتمدة على الاستقدام.
صباحك نور وخير ياستووو..
في شي ودي اوضحه ياستوو ..
الاستثمار في الابناء مب مثل الاستثمار في العقارات
والسيارات والاسهم و العمر ( كزواج شاب من وحدة كبيرة في
العمر بهدف انتظار اجلها علشان يورثها.. وتمشي سنين عمره
ويكبر وهي تخرف وتنسدح على فراشها ٤٠ سنة ولا تموت
وما يستفيد منها الا عقب كل هالسنين)..
الاستثمار في الانسان او الابناء ما يكون وراه كسب مادي
فاليوم انت لما تصرف كل هالمصاريف على عيالك مب
علشان تستفيد ماديا منهم.. ولا هم يستفيدون ماديا
اذا تخرجوا..
وايد ناس عيالهم كبروا وخلصوا الجامعات بمعدلات مقبولة
او بشوتة نجاح ورواتبهم نفس رواتب عيالك اللي انت
كنت تستثمر فيهم بسخااااء..
بغض النظر عن تكاليف التعليم الباهضة اللي ما تتوافق
مع المخرجات... وهذي مشكلة عالمية ما ادري شنهي اسبابها..
الا ان الاستثمار في الانسان او الابناء الهدف منه
خلق انسان متعلم فاهم يحلل ويبحث عن حلول للمشاكل
قابل للتطور مخه متنور .. يقرى ويكتب ويعرف لغات
يتعامل مع وسائل التكنولوجيا باحتراف ..
لما تبني انسان من خلال استثمار مالك ووقتك فيه
لا تنتظر عائد مادي من خلال هالاستثمار.. وان كان هناك
عائد مادي..
اليوم مؤمنة ان اللي استثمر فلوسه ووقته في عياله
غير عن اللي عياله كبروا على البركة..
تلقى فرق في مستوى التعليم والفهم وحل المشاكل
حتى شخصية الانسان اللي هله استثمروا فيه او هو
استثمر وقته وجزء من ماله في نفسه تلقاهم غير
وبنسبة تفوق ٥٠% على أقل تقدير من غيرهم..
هذه نقطة الاستثمار في الابناء
لو عادت فيني الحياة راح ارجع استثمر بشكل اكبر
واكبر واكبر من اللي كنت استثمره فيهم..
وهالشي احاول اوضحه وادفع كل من هم حولي انهم
يتبعونه ..
خلصت في ردي هذا عن الاستثمار..و في رد منفصل حابة
اتناقش معاك في النقاط الثانية..
انتظرني مب مطولة..
اما بخصوص التعليم عن بعد..
ما اعتقد ان العملية بالسهولة هذه..
بحيث ان الفكرة تكون ناجحة وقابلة للتطبيق على الكل..
شخصيا تعاملت مع التعليم عن بعد من يوم كان خوسيه سنة ونص لما كنت اخليه يتعلم الاشكال والالوان عن طريق الكمبيوتر والالعاب..
ويوم صار عمره ٣ سنين.. سجلته في دورات اون لاين بفلوس مثل IXL او بعضها كانت مجانية مثل starfull ..
وعقب لقيناه انخرط في هالنوع من التعليم بحيث انه
صار عنده حب في تركيب الجليبريك والتعامل مع الاي ماك
وفرمته وانزال نسخة ويندوز عليه .. وصارت اجهزة تدخل البيت عندنا
وهو طفل عمره ٩ سنين ما شاء الله .. تعتقد كل هالامور تعلمها من مباني فيها معلمين ومدرسين؟
كل هالامور خذها وتعلمها عن طريق التعليم عن بعد..
واليوم هل تشوفني موافقة انه ياخذ شهادته المدرسية او الجامعية عن بعد؟
اقول لك لا ... ابيه يقوم الصبح من النوم يحرك جسمه
يبدل ملابسه يطلع من البيت يروح مدرسته..
يقابل طلاب ومدرسين .. يختلف مع سين وصاد
ويتعرض لمشاكل .. يختلف معاه مدرس او هو يختلف مع
مدرس او طلاب..
يتعلم اشلون يتعامل مع الاختلاف هذا واشلون يحل الاختلاف
واشلون يظهر شخصيته ويقويها في اطار الاسس اللي تربى عليها..
كل هالامور راح نفقدها مع التعليم عن بعد ..
لان بدل ما نكون نستقبل التقارير او الاتصالات من ادارة
المدارس لعيالنا..
راح نكون احنا المسؤولين في المتابعة والجلوس مع عيالنا
على طول وقت تعلمهم عن بعد..
كأقل تقدير في الاربع سنين الاولى من العملية..
فاللي عنده اكثر من طفل..
اشلون ممكن يتوفق في العملية هذه؟
هذا من جانب ومن جانب ثاني
وخلني اكون صريحة معاك ممكن تكون باب من ابواب الانحراف
واستغلال الاطفال جنسيا..
اليوم لما اسجل ولدي في دورة او اسمح له يشارك في ندوة
الندوة او الدورة بتنتهي .. لكن لما ولدي طول يومه
وتعليمه ولعبه يكون عن طريق الاجهزة ..
تخيل اشقد يبي لك وقت وفراغة علشان اتابعه؟
هذا لو كان واحد .. وما بالك لو كانوا 3 او 4 او 5 ..
المنحرفين مب شرط يكونون داخل السجون او المصحات النفسية..
ياما موظفين او مدرسين منحرفين اخلاقيا لكن المباني
اللي هم فيها ضابطتهم وحادة من انحرافهم..
لكن مع توفير طرق للتواصل خارج هالمباني زادت حالات
التحرش بالاطفال وغير الاطفال ..يعني الانثى ما سلمت
ولا الذكر سلم من الانثى..
ومابالك اطفال قد تدفعهن الحاجة الى كلمة حلوة لمسة طيبة او اغراءات مادية الى الانزلاق الى عالم الطرف الثاني المنحرف سواء كان معلم او فنان او مصمم كبير.
اعتقد انك بتتفهم مخاوفي من غير ما تفهمه اني اتهم المدرسين عن بعد او غيرهم بشكل عام..
فياااا ستوو خلدوون المدارس والمباني والمدرسين اللي احنا نستسهل عملهم تراهم يقومون بعمل جباااار وهذه نعمة احنا مب مقدرينها من زود من نشتكي منها..
قبل طالب العلم كان يتمرمط علشان يتعلم..
اليوم طالب العلم عايش بذخ ورفاهية تعليمية..
ومع هذا احنا كأولياء امور ما عرفنا نوجههم التوجيه
الصحيح للاستفادة من هالنعمة..
لا تعتقد اني ضد التعليم عن بعد.
تراني مع التعليم عن بعد واتعامل معاه على الصعيد الشخصي
او عيالي حاليا او احفادي الله يبارك فيهم..
لكن التعليم الاساسي لازم يكون عن قرب سواء التعليم
المدرسي او الجامعي..
في ردي هذا كلامي بيكون بخصوص الرسوم الغالية حولنا سواء تعلم عن قرب او بعد
كلامك صحيح واعتقد لو ركزنا على التعليم عن بعد بشكل خاص وليش رسومه غالية..
اشوف ان السبب
لان الفكرة حديثة عندنا ومافي تنافس يستقطب عملاء
فالموضوع متبنينه ناس يبون يستفيدون من الوضع لو كنت
في مكانهم مب مفوتة الفرصة.. راح اتبع نفس اسلوبهم..
بينما في الدول اللي سبقتنا في هالموضوع
ما تلقى المدرس يروج حق نفسه..
كل مدرس مشترك في موقع يروجون له خدماته
وكل موقع له تصنيف في قوة خدماته..
وكل مدرس له تقييم من الطالب .. والطالب له تقييم..
والمدرس بتقييمه ممكن يكون سعره اقل او اعلى..
والاسعار تبتدي من 10 دولار او 5 باوند للحصة..
ومن معاه يتعاملون؟
تراهم مب كلهم مدرسين على فكرة..
في اللغة الانجليزية على سبيل المثال ممكن تتعلم على
يد واحد لغته الام الانجليزية.. حاز على رضى ادارة الموقع
مع انه مب مدرس ولا تخرج من كلية التربية وتلقاه بياع في بقالة( في الاخير انت فرحان انك تعلمت عن بعد).
مدرس فيزياء محصل خمس نجوم من ستة في تقييمه
تقابله وتقعد معاه يطلع طالب عمره ظ¢ظ¥ سنة ..
وهذا غير الغش والخداع اللي ممكن ينالك من الكثير من المواقع
ومافي جهة ممكن تنصفك معنويا وما بالك ماديا..
وبناء على اللي هذرته فوق
احب اقول لك يا ستوو اني شخصيا تطورت عن بعد
اكتسبت هوايات جديدة عن بعد تعلمت امور كثيرة عن بعد
اغنتني من دفع مبالغ او الخروج من البيت..
واحث على التعليم عن بعد واشجع عليه.. وحاليا خوسيه يماطل
معاي لاني طالبة منه يشترك في ظ£ اشياء
تصميم
برمجة
التسجيل للايلتز ان شاءالله
مع انه ما نفذ ولا شي ووقته كله للسوني
الا اني اتمنى مثل ما يتمنى هو ان ترجع المدارس
فيشوف انها حياة لا تقدر بثمن ..فقد اصحابه
فقد التعايش مع الناس.. فقد الحركة .. حتى اللعب
اللي يلعبه طول هالشهور مع انه لعب الا انه حس بالملل
رغم انه ما زال يلعب كل يوم..
واخيرا
هذه كانت وطهة نظري
يمكن تكون غلط.. بس حاليا مؤمنة فيها..
واعذرني على الهذرة المطولة..