ما أعتقد ابدا .. ان حاجه الاخت لأخوها تكمن في المحبه فقط
لان " المحبه ولله الحمد " موجوده في فطره الانسان ومهما قسى الأخ الا يحب اخته
ما أبي احول النقاش لتجربه شخصيه
لكن في البيت الواحد يجون الاخوان مختلفين اشوي
واحد عملي جدا .. وواحد كتوم في مشاعره .. وواحد كل شي في الحياه ممكن يسويلك اياه بمقابل مادي .. آآآه من كم تعطيني عشان اسويلج تحداني الزمن هالولد بيذبحني
بس احبه وايد
ويقول لي رجاءا رجاءا رجاءا لا تعزميني على كوفي شوب ولا سينما ولا سوق
لاني ما احب اطلع مع بنات .. انتوا اتغثوني ابسوالف البيت .. وهواياتكم ابعيده عن هواياتي
:)
علاقه الاخو بإخته علاقه ما يعوضها " الخال .. والعم .. والزوج "
هي علاقه مختلفه تماما .. وأستغرب من الحواجز الكبيره التي تكبر يوم بعد يوم بين الاخوان
لدرجه البعض يقول ودي أقرب خطوه .. بس ما تعودت ..
وودي أعطيها أكثر بس ما اعرف اشلون ابدأ وأنا افهم هالاحساس
صعب تسوي شي عمرك ما سويته
وصعب تقول لها شي عمرها ما اسمعته منك
محتاجه خطوه وحده وبعدها بتنكسر حواجز كثيره
جملك الله برضاه