عمان الحبيبة و عسلها الجميل و الغالي لدينا

السلام عليكم ورحمة الله





الله يرزق كل صاحب تجارة حلال لايستغل حاجة الناس بالجشع والطمع



لاحضت فالفتره الاخيرة ،، كثره محلات وحسابات بيع العسل


عن التحري والبحث تبين لي ،، ان العسل اللي يباع لدى الشقيقة عمان ب 15-25 ريال عماني هو ما اراه لدينا ب 1200 ريال !!!


نعم 5 اضعاف السعر


والبعض منهم لا لدية محل ولا عامل ولا دفع ايجار ولاهم يحزنون

ربح 500‎%‎ على اي اساس ؟؟

وبعض الاكشاك فالمحلات العسل اردى نوع من 800 الى 3500 !!

وتجار انستقرام العسل بو 250 ريال عندهم ب 1200 ريال !!


هرررمنا


قلنا المحلات قلتواجار غالي !!! بعد انستقرام كم اجاره !! وفواتير كهربته ومايه ؟

كل شي في الانستغرام اغلى (هذي تجربتي) والتوصيل حكاية اخرى

كل واحد عقله بمخه ليش ترمي فلوسك وبعدين حتى اليمني العسل مايسوى متين يبيعه بسبعميه فكل واحد لايقط فلوسه تبي عسل واصلي لما تسافر بلادين العسل هذ لك كميه ويابلاش انا رحت البوسنه عسل طبيعي ميه ميه وقدامي من الخليه طلعه. تتدري بكم الكيلو خمسين ريال قطري اخذت فوق تسعه كيلو وفاحصه ولا نقطه اضافات ولا شي طبيعي بيور ف ياجماعه خلوا العسل عندهم وخلوا فلوسكم. عندكم

هذا اللي بجينا من اكثر العرب نصب سرقة احتيال

هذا الكلام من واقع تجارب مريرة معهم

اقتباس:

---

المشاركة الأصلية كتبت بواسطة مرتبش

كل شي في الانستغرام اغلى (هذي تجربتي) والتوصيل حكاية اخرى

---

على سالفة التوصيل ذكرتني بقصة ما ادري هي صجية ولا مزحة

واحد (في الجارة الكبرى) يقول حطيت اعلانات بيع وجبات شعبية، الوجبة على (50) ريـال، والتوصيل على (30)

اللي يطلب يروح الأخ يشتري من مطبخ شعبي الوجبة على (20) ويشتري حرّارة على (10) وهو بنفسه يوصل الطلب وياخذ فلوس التوصيل crazy

حولت على العسل المغلف والمنتج من دول اوروبية وعسل المنوكا والعسل المغربي والتركي وتحررت من خدعة العسل اليمني لأن غالبيته غش

اقتباس:

---

المشاركة الأصلية كتبت بواسطة بوجبر

هذا اللي بجينا من اكثر العرب نصب سرقة احتيال

هذا الكلام من واقع تجارب مريرة معهم

---

المشكلة بو جبر انتاجه حتى وان كان طبيعي أول شيء يحطون ماي ومحاليل سكرية أو بقايا تمر منتهي .. ويتم انتاجه بطريقة زراعية ويقولون طبيعي وهو طبيعي يطلع من النحل وهم صادقين لكن ما وضحوا التفاصيل .. بعدين عصره بغترة وصخة لها سنين ما انغسلت وتعبئته بطريقة بدائية

1200 خير ان شاء الله حتى العسل المغربي عندنا مايوصل هالسعر