من خبرتكم
اي افضل نوع رخام ارضيات للصالات العماني او الاسباني
عرض للطباعة
من خبرتكم
اي افضل نوع رخام ارضيات للصالات العماني او الاسباني
العماني قوي
الاسباني اجمل
لو يرجع الزمن ماركب رخام نهائي في البيتاقتباس:
المشاركة الأصلية كتبت بواسطة سعود.
ايش الاسباب ؟اقتباس:
المشاركة الأصلية كتبت بواسطة سعود.
لان البورسلان اخف وزن ولمعته اقوى ولا يحتاج عنايه دوريه له
( جلي وتلميع ) وله انواع تشبه الرخام تجي بعروق
وارخص ايضا .
,
,
مرحبا
اذا انت من عشاق الرخام وفيك شده على صيانته كل 5 سنوات
جلي وتلميع وتنظيف
توكل على الله
اذا ما تبي عوار راس روح للبورسلان
يعتمد عليك انت شنو تحب
انا من عشاق الرخام مع مافيه من سلبيات الا اني من عشاق فخامه الرخام
مافي لوبي فندق الا وارضيته من الرخام ما بيطلع فخم بالبورسلان في فرق ( فخامه )
انا دخلت في كل مشاكل الرخام قبل التركيب وبعد التركيب وياما شلينا رخام وحطينا رخام قبل نسكن لي قصص معاه
لكن العشق مشكله
:)
ولي تجارب لا تعد ولا تحصى مع أنواع الرخام كنت اسوي تجارب بنفسي عليه
اجيب قطع رخام متنوع واحط عليه بيبسي وعصير واترك القطع هذي كم يوم في الظل وفي الشمس
واخلي العامل يحفر القطع بدريل اشوف منو قاسي اكثر ومن قوته اقل
( الفرق )
كبير جدا بين الرخام ( العربي ) العماني السعودي الإيراني الباكستاني
فيه قساوه لكن مو مثل قساوي الجبال الاوربيه يفرق
هناك فرق كبير بالحجر نفسه
لكن العيوب ( عجيبه ) تطلع بعد التركيب
التشرب نفسه اذا ما تم غسل البقعه بسرعه بالماي
ركبت العماني وركبت الباكستاني وركبت السعودي من 10 سنوات حتى المصري جربته
وركبت التركي بكل انواعه الغالي والرخيص
عيوبهم بعد التركيب ( يتغير لونه ) ويتحفر وما يستحمل التنظيف تطلع بقع فيه
( بعض الأنواع ) منه يكون زين بالصدفه تلاقيه 90% منه في عيوب 10% بضاعه زينه ونادره للأسف
ومغطين العيوب الي فيه ( بمعجون من نفس اللون ) بعد التركيب تطيح عباره عن حفر وعن ( كراكات ) يخفونها بالمعجوب البيج نفس درجه الرخام
البضاعه تكون رديئه للأسف ومحشوره داخل الصناديق صعب تكتشفها الا وقت التركيب وبعد الشراء
الرخام الإيطالي
الرخام الاسباني
للامانه فيه عيوب يتحفر حفر بسيطه ويطلع شوي كراكات ببعض القطع حتى أكون منصف
ولكن اقل بكثير من العمانيو العربي والإيراني فرق شاسع
الإيطالي والاسباني اجمل واقل عيوب
ولكن سعره اغلا أيضا
اذا اشتريته من مكان ( معروف ) ويكون اسباني او إيطالي وما يكون تركي ( ويغشون الناس فيه على أساس انه اسباني
اجمل بكثير والميزه المهمه بعد التركيب عيوبهم اقل والجمال واللمعه افضل بكثير
اخذ النوع ( الدرجه الأولى )
افضل طريقه تروح ( مصنع ) جاما بالصناعيه
والله مو دعايه لهم ولكن ( خلاصه الموضوع ) عندهم افضل
وما اظلم محل الرخام الذهبي ولكن
جاما دخل الكمبيوتر والقطع بالليزر والمعدات عندهم متطوره جدا
واسرع واكثر دقه واكثر لمعان
وتودي معاك واحد فاهم بالرخام ( يختار السلابات الكبيره ) تكون قدام عينك من ناحيه تشابه العرق الي ماشي فيهم وتشابه اللون
تعطيهم مقاس ( الصاله ) او المجلس والكمبيوتر بيقطعها حسب المساحه بطريقه فنانه
بتلاقي العروق تكمل بعض من قطعه الى قطعه وبتلاقي تشابه اللون
وما بيكون هناك ( هدر ) في التقطيع
بيحطون ارقام على كل قطعه
12
34
56
بالطريقه هذي تجاور القطع جنب بعض وكانها رخامه وحده بالصاله
ضروري يكون تحت قطع الرخام ( شبك ) لاصق في الرخام يحميها من الرطوبه ومن الكسر
يحطونها لك بصناديق عليها ارقام
وتنفرز بالمشروع عندك
ما بتلاقي مشاكل اذا مشيت على هذا الطريقه الصحيحه لاختيار وتركيب الرخام
لا تروح للمحلات الصغيره بيعطيك كل صندوق فيه اختلاف باللون والشكل والعروق
تكون بضاعه مخلوطه مال قبل سنه الزايد انحط مع مال هذي السنه ويطلع مكس مو حلو يفقد الرخام جماله
,
,
صباح الخير
الي بيسوي قصر يركبه لكن فيلا بكم مليون ما انصح
انا بسويه للمغاسل و ارضيتها و الحوائط بس اما الصاله بورسلان مثل ما قلتوا. نفس الرخام بالشكل و العروق
الرخام الزين بدايته 600 تقريبا للمتر و يوصل 1500 و اكثر طبعا لانواع سمعت عنها
شفت بالذهبي و اشكالهم و الوانهم
الا المتر بكذا
التركيب اغلى من تركيب البرسلان
زين حطينا مئه الف للرخام و التركيب مادري كم طلع
تعال جلي و تنظيف ولازم كل كم سنه
ما تقدر تمسحه بالماي و الديتول. بس فوطه رطبه
اي سائل ينكت بالغلط اركض نظفه بسرعه. شاي فيمتو عصير حتى معجون العاب اليهال و السلايم ممكن يأثر فيه. غير لو ياهل شخبط بقلم عليه تصير مرات
صرفت نظر عن الرخام بعد ما سألت كذا شخص ذكروا سلبياته و بعضهم حطه برع بمدخل باب الصاله تحفر و دخل الغبار بمساماته
ما عندك يهال او خدم ما يفهمون كيف ينظفون او يراعونه عندك قصر فخم تبي تكملها برخام. حطه
غير هذا. خلك على البورسلان بشكل الرخام و بلمعه افضل
انا فلتي كلها حجر و نظام صالات مفتوح و و بثلاث ابواب مدخل للفيلا احدهم باب كبير سلايد يطل على مسبح خلفي. يعني الرخام افضل شي اكمل به الفيلا. و تراجعت عنه بعد ما عرفت السلبيات اضافه الى الاسعار الي احسها مبالغ فيها
ما تعرف اذا الغالي صج افضل و يوصلونك لين 1500 للمتر عشان تقول هذا الافضل و الحين طالعين بنوع ناسي اسمه. فوق الالفين هذا اغلى من كريم مارفل
ولا تدخل البيت بالنعل الله يعزكم يمكن فيها تراب او شي بقعد اراعي الرخام اكثر من عيالي :)