عرض للطباعة
السلام عليكم ورحمه الله وبركاته
الاهل الله يحفظهم ناوين يسافرون النمسا (زيلامسي) وايطاليا
عندي استفسار بخصوص السكن والمواصلات
احنا كلنا 9 اشخاص وبغينا شقه 4 بغرف ولا شقتين جنب بعض دورت ولا لقيت الي عنده خلفيه عن شقق حق 4 ايام اتمنى الرد
وبخصوص الموصلات من المطار لين زيلامسي شلون بغينا سياره اذا حد عنده رقم سواق لايبخل علينا جزاه الله خير وكم ياخذ ؟
السفر من زيلامسي لين ايطاليا بطياره او سياره ؟
متى السفر ...اقتباس:
المشاركة الأصلية كتبت بواسطة storm..
هاذي شقق في زلامسي مطله على البحيره Appartements am Stadtpark Zell am See
وطريقة التنقل من المطار عندك القطار لمدة تقريبا 5 ساعات او بالسياره ..اتوقع تأجر سياره افضل من انك تاخذ سواق يوصلك بياخذ عليك وايد وانتو ماشاءالله 9 اشخاص يعني تحتاجون سيارتين كبار
بخصوص السفر لين ايطاليا .. ميلان .. راح تاخذ معاك 5 ساعات ونص بالسياره
اما بالطياره من سالزبورغ لين ميلان تاخذ معاك 4 ساعات وشوي لانه توقف في دوسلدورف
انا اشوف تنزلون في ميونخ وتروحن منها لزلامسي اقرب تقريباساعة ونص لان من
فيينا إلى زلامسي تاخذ تقريبا 4 إلى 5 ساعات
وافضل فندق هو غراند المطل على البحيرة وفيه نظام الشقق إلى هو غرفين وصله
وفيه فندق جميل ايضا في الكابرون تبعد 10 دقايق من زيلامسي لكن يوجد بها منتجع جميل جداً 5 نجوم
وافضل طريقة للتنقل هو استأجار سيارة مرسيدس ل9 اشخاص
انا خذيتها تقريبا 11 يوم تقريبا ب 8 الالاف ريال موديل 2012 فيانو
وشكرا إي استفسار حاضرين
ميونخ اقرب حق زيلامسي ،، فيه قطار مع تبديل مره او دايركت بالسياره
وايطاليا بعيده والتنقل بالسياره بس ،،
وانصحك بالسكن في كابرون اذا لقيت حجز ،، المنطقه احلى من زلامسي نفسها ودامكم بتأجرون سياره فتبعد زلامسي عن كابرون 10 دقايق
ونوعيه الفنادق في كابرون تنفع لعددكم ال 9 ،، تلاقي شقه 3 غرف نوم او اكثر مطله على الجبل او تقدرون تاخذون شاليه خاص فيكم بروحكم
اخوي ما انصح بالسكن بزيلامسي أبدا للاسف الناس تمشي علا كلام الانترنت وبس زيلامسي جميلة بس هي عبارة عن بحيرة فقط محيطه فيها الجبال يعني حق يوم واحد فقط او يومين. انا دائماً لما انزل النمسا اقعد بفينا وسالزبورج فقط. لماذا سالزبورج لان سالزبورج مدينة كبيره من زيلامسي بينما زيلامسي عباره عن قريه. الشي الثاني اذا قعدت بسالزبورج النشاطات اللي نسويها اكثر يعني. اولا بتخلي يوم حق سالزبورج اتمشا فيه اليوم الثاني تروح منطقة البحيرات وهي منطقه اجمل من زيلامسي تزور بحيرة القمر وبحيرة فوشل وكذا بحيرة. اليوم الثالث تروح زيلامسي تخيل فقط ظ¨ظ¥ كيلو من سالزبورج الي زيلامسي بالسياره نطلعها الساعه ثمان توصل تسع تتمشون علا البحيره وتتغدون وترجعون. عرفت ليش سالزبورج اهم بالنسبة لي على عكس لو قعدت بزيلامسي ما عندك شي غير البحيره وبتحس بملل وبالاخير تظطر تنزل سالزبورج. بالنسبة للسياره ممكن تستاجر سياره بسواق ب ظ¤ظ*ظ* يورو من الصبح للعصر علي حسب في الأغلى بعد أيضاً من سالزبورج تقدرون تزورون منجم الملح ومنتجع هتلر بالبافاريا بس اتوقع مسكر بهالوقت بسبب ذوبان الثلوج بيفتح بالصيف. من فيينا لسالزبورج بالقطار ثلاث ساعات وبالتوفيق
من سالزبورج الي زيلامسي هناك طريقين طريق مختصر خمسة وثمانيين كيلو تدخلون المانيا وتطلعون منها وهذا الطريق اللي أفضله اجمل المناظر الطبيعيه وخاصة انكم تتمشون بأقليم البافاريا. الخط الثاني وهو الهاي وي تقريبا مية وثلاثين كيلو بس خط سريع مافيه مناظر علي عكس الطريق الاول اللي تمشون فيه بين الغابات والجبال وبالتوفيق