رح علم اللي نسى ان دنياه دواره
لايجرح جروح ماهو يعرف دواها
قلوب بعض العرب لو دونها ستاره
دورات الايام تفضحها وتبلاها
يعني المواقف قدر والخلق بحاره
والنفس مركب وموج الهم يقفاها
والوقت مثل البحر والرزق سناره
ومال المخاليق الا م الله اعطاها
ينحب خشم الشدايد لانها تاره
مشخال يحفظ عرب ويطيح ارداها
ماكل غلطان نقبل منه اعذاره
بعض الغلط يهدم الخوه ومبناها
واللي على وجه ناصينه دفن ناره
لايشرع الباب للناس وحكاياها
نفوسنا مسيره ماهي بمختاره
وفعايل الطيبين بطيب مجناها
من يوم ربي خلقنا ناخذ الشاره
(مانحقر الناس لاجتنا وجيناها)
عيب على اللي يمد الطيب بيساره
من لايمد بيمينه ماخذيناها
ماكل حر يعزه ماكر احراره
كم من صوايد ويامقرب معشاها
عن كل درب عليه النفس اماره
تردنا شيمة الشيبان ولحاها
لاتنبش الجرح خل الجرح واسراره
حتى جروح الردى ياما سترناها
لو كل وجه نجي له حسب مقداره
يامكثر وجيه ناس ما حشمناها
https://www.youtube.com/watch?v=wlWNPerlaQc
