عرض للطباعة
مسيكم بالخير انا من فترة شريت بلاط الخزف السعودي من شركه في شارع سلوي الصراحة قارنت بينه وبين الاماراتي في السعر والفرق كان عشرة ريال لكن يوم ركبته طلع تعبان ولايصلح ابدا للاستخدام ومن اول شهر بدا يتكسر اما الاماراتي كنت مركبه من قبل الصراحة ممتاز فلا حد يغتر فية هذة نصيحتي وحبيت انقلها لكم
بما ان الحوش يحتاج كميات كبيرة ومبالغ تصل لخمسين الف واكثر
أي بلاط يعتمد على التركيب والأرضية تحته واللي يعتمد على دفان البودرة مهما يكون بيتكسر وبتصير هبوطات .. وأوقات اللي يركب يجيك فنان وفاهم شيسوي حتى لو الدفان بودرة يخلطها برمل ويسوي طبقة سميكة بلاستر ويمشي الحال لكن هذي مغامرة وقليل تنجح
المفروض تسوي صبية كاملة بسمك 10 سم - 15 سم مع فواصل تمدد وتركب البلاط بمادة مناسبة مثل اللزقة الأمريكية للحوش مناسبة وهي قريبة من الإسمنت بس ضعف السعر
بعد مهم مع البلاط فواصل التمدد لأن في الخارج تأثيرات الحرارة والبرودة كبيرة وحتى في الداخل للمساحات الكبيرة
مثال حي صوب باب فيلاجيو جهة المطاعم قرب برج اسباير مركبين غرانيت بدون فواصل تمدد غالبيته متكسر
شكرا للتنبيه.