عرض للطباعة
السلام عليكم ..
بعد يومين مسافر جوله اوروبيه ..
وعندي بعض الاستفسارات ؟؟
الافضل السكن ف رست او بادن بادن .. ( للعلم مخصص لها يومين )
وهل فيه سياحه غير الغابات و يوروبا بارك .. (معي طفله 4 سنوات )
.
.
انترلاكن والسكن فيها 4 ايام ..
مالسياحه فيها للطفله .. غير القوارب والحدائق والقمه الثلجيه ..
آرائكم يا خُبراء
عليكم السلام و رحمة الله و بركاته
أخوي انا مب خبير
بس اذا تقصد اليومين اللي تبيهم في رست أو بادن بادن عشان اليوروبا بارك، فانصحك تسكن في فرايبورغ الالمانية افضل. حوالي 35 دقيقة لين اليوروبا بارك. رست مافيها حياة وبادن بادن حلوة بس أبعد اليوروبا بارك من فرايبورغ.
يعني برأيي لو ملزم يا رست أو بادن بادن، أفضل بادن بادن، لو عادي تغير فرايبورغ أفضل ونقطة انطلاق ممتازة لأغلب فعاليات ومزارات الغابات السوداء.
سؤالك عن السياحة في الغابات السوداء:
يوروبا بارك 35 دقيقة من فرايبورغ
زحليقات صيفية توندناو+ العاب حديقة ستيين+ بحيرة تيتسي أو بحيرة أخرى (كلهم مشوار ساعة من فرايبورغ )
شلالات الراين + مدينة العاب كوني لاند في سويسرا (ساعة ونص إلى ساعتين من فرايبورغ )
بحيرة كونستانس + اكوريوم كونستانس+ جزيرة زهور كونستانس( ساعة ونص أو أكثر من فرايبورغ )
وتقدر تنزل سويسرا أكثر لزيورخ أو لوسيرن بس ما فيهم فعاليات كثيرة .
انترلاكن أعتقد نفس ما قلت. بس عموما بتحصل في كل حديقة غالبا تحصل مكان لألعاب الأطفال بالسن.
والخبراء يفيدونك أكثر أن شاء الله
ياهلا ومرحبا اخوي كايد الوكره
ماشاء الله اخوي الدحيل ماقصر مبدع
اخوي بخصوص السكن في رست في ناس يفضلونها لانه بنفس مكان اوروبا بارك
ونفس ماقال لك الدحيل ان فرايبورغ تقريبا ربع ساعه لين الملاهي
ومدينه فيها حياه ومطاعم واماكن حلوه وفنادق احلى من رست
اي اخوي هالمنطقه فيها سياحه
وان شاء الله راح انزل لك الاماكن السياحيه
مستأجر سياره عشان اشوف لك الاحداثيات !!
بالنسبه لأنتر لاكن
حجزت فندق ام لا اذا ماحجزت عطني تاريخ رحلتكم الى انتر لاكن
انتر لاكن الاماكن كثيره ماتكفيك 4 ايام من حلاوتها
وان شاء الله راح انزل لك جدول يومي با الاماكن القريبه من بعض
لاتحاتي ان شاء الله
بس رد علي بسرعه عشان انزله لك
غير البشر و الدحيل
الله يبيض وجهيكم ..
بإذن الله راح اسكن ف فرايبورغ .. الى الآن ماحجزت فنادق*
معاي سياره يالغالي
وجهك ابيض. وما قصر غير البشر. لو بغيت مساعدة انا حاضر