السلام عليكم ورحمة الله وبركاته
اخواني وخواتي
في وحدة جايها عرض عمل كمترجمة في قناة الجزيرة وحابة تسال عن طبيعة العمل هناك
اشلون دوامهم؟
رواتبهم اشلون؟
مكاتبهم اشلون وهل هي منفصلة ولا عامة؟
هل في مكاتب خاصة بالنساء؟
ياليت اللي عنده فكرة يفيدنا
عرض للطباعة
السلام عليكم ورحمة الله وبركاته
اخواني وخواتي
في وحدة جايها عرض عمل كمترجمة في قناة الجزيرة وحابة تسال عن طبيعة العمل هناك
اشلون دوامهم؟
رواتبهم اشلون؟
مكاتبهم اشلون وهل هي منفصلة ولا عامة؟
هل في مكاتب خاصة بالنساء؟
ياليت اللي عنده فكرة يفيدنا
طبيعه عملهم
في مناوبات وفيه صباح
وطبعا كمترجمه مناوبات
انا ماشتغل في الجزيرة ولكن اتمنى ذلك لانه طبيعه عملهم تصلح لي .. ولكن الاجانب هناك مايبون قطريين !
موفقه اختي
شكرا اخوي ما قصرت
بالتوفيق ان شاء الله ..
موفقة ان شاء الله
الله يجزاكم خير
الجزيره
بيكون حواليك من كل الاتجاهات ... بحر
والله يعينك اذا قدرتي تقاومين الموج وتكوني شاطرة في السباحه
الشاطر يفهم
اختي اكيد بيكون دوامها شفتات واهي مترجمه فوريه ولا عادي وطبعا بيكون مختلط مب مكان بروحهها
وان شاء الله تستحمل الدوام بعض الناس يقولون القطرين القطرين وانا اقولج قطريين وايد توظفو بس
ماستحملو الدوام والشفتات فلذلك لحد يحكم انه مايبون قطرين
موفقة ان شاء الله
تروح بدون تــردد ..
في ناس بتتمنى " تصب شاي " بالجزيره . .
شي طبيعي العمل جدا متعب ..
لكن الرواتب مجزية جداً
جداً :)
تحياتي وعقبال عنا بعد التخرج ان شا الله
شكرا لكم وجزاكم الله خير
الاخت صرفت النظر
تقول الاخ اللي كلمها يوم سالته عن المكان اذا مختلط او لا قال لها 90% المكان مختلط والسنة الجاية 100% مختلط
والمكان اللي بتنحط فيه بيكون مختلط
وهذي اللي ردها... الاختلاط
لكم جزيل الشكر
اسمك ..عكس كلامك !!اقتباس:
المشاركة الأصلية كتبت بواسطة العقل الحر
وين عقلك الحر وكلامك فيه عنصرية .. شلون يعني الاجانب هناك " ما يبون قطريين " .. تعال شوف مبنى الشؤون المساندة ... أغلبية الموظفين قطريين .. بس المشكلة ان القطريين ما يستحملون دوام الشفتات .. وإلا التوظيف و أولوية التوظيف أكيد للمواطنين ... خلك كفؤ وعندك شهادات وخبرة بمؤسسات cnn ,,, bbc ,,, cnbc
وحياك ..
الاجانب جنبا الى جنب مع القطريين ... هم اللي شغلوو شهروا قناة الجزيرة ... أرجو ان نبتعد عن الألفاظ العنصرية يا .... العقل الحر !
يا أيها الأخ الأجنبي...اقتباس:
المشاركة الأصلية كتبت بواسطة المـهندس
القطريين استحملوا شغل الشفتات في مصانع مسيعيد وفي مصانع راس لفان وفي الشرطة وفي الجيش..... شالي يمنعهم من انهم يستحملون شفتات الجزيرة في المكان المكيف البارد وعلى مكاتبهم عكس الحال في المصانع تحت أشعة الشمس الحارقة أو مثل الحال في الشرطة دوامهم شفتات على الدوارات ومانشوفهم قدموا استقالاتهم !!!!
وموضوع الخبرة في cnn أو bbc ليش ماياخذون الخبرة من قناة الجزيرة (القطرية) ومافيه حد انولد من بطن امه متعلم وكلها كم سنة من العمل في القناة ويصير عنده نفس خبر الأجانب...
وهذي القناة ميزانيتها من المال العام القطري فأهل قطر أولى من الأجانب في التوظيف للي عندهم خبرة ،، وأولى في أخذ الخبرة والتأهيل للي ماعندهم تلك الخبرة....
اتمنى ردي مايزعل حد خصوصاً البشوات الأجانب ومايقولون عني عنصري :)
الله يوفقها وجزاها الله خيراقتباس:
المشاركة الأصلية كتبت بواسطة روعة الجوري
وربي يعوضها بوظيفة احسن منها
اقتباس:
المشاركة الأصلية كتبت بواسطة إينشتاين
بيض الله وجهك ......
قلت اللي نتمنى نقوله .....
عطوا القطري الفرصة وشوفوا النتايج !!
اقتباس:
المشاركة الأصلية كتبت بواسطة المـهندس
ماشاءالله عليك ... مشارك ومتعب نفسك ( ثاني مشاركة )
علشان تكتب انت عكس اسمك !
ياباش مهندس .. انت محتشر علشان ايش بضبط
لا يكون انت وطختك معذبين ال cnn .. والمدير السابق انت واحنا ماندري
اولا احترم نفسك وعارض المداخله مب تدخل في الشخصنه
تصدق علشان تسير مدير في الجزيرة مثل المدير العام الحالي .. لازم تكون مهندس كهربائي .. تعرف شلون تصلح ليتات واتفك كيابل .. علشان تطلع في الشاشة .. وتشتغل في الجزيرة !!
واذا يبون بعد موظفين اكثر خبرة ... عندي ابوعلاء جارنا احسن بنتشرجي في الدوحة
ملاحظة : احترم الناس لكي تحترم .. ولا تنزل مقدارهم لاينزلون مقدارك
اقتباس:
المشاركة الأصلية كتبت بواسطة إينشتاين
لي عودة .. لشرح وافي
اقتباس:
المشاركة الأصلية كتبت بواسطة المـهندس
الله يخلي هالبلاد اللي محد بناها الا هل قطر
،، وجاينا اليوم انت اتقولنا بي بي سي وسي ان ان ،، يابوشهادات
الله منعم علينا ولا لنا حاجة نروح نشتغل سنة او سنتين عشان شهادة الخبرة ،، وانتقل من مكان لين مكان مثلك
وفي الاخير تعض اليد اللي تنمد لك ،، تخليهم وتشوف لك مكان ثاني
ولا عرفنا العنصرية الا منك ومن اشكالك ،، لانا مانشيل في قلوبنا عليكم ، لكن قلوبكم اطفحت بالحقد علينا .
اقتباس:
المشاركة الأصلية كتبت بواسطة المـهندس
الاخ من اي دوله شقيقه :)
اقتباس:
المشاركة الأصلية كتبت بواسطة إينشتاين
اخوي اينشتاين
العمل في قناة الجزيرة يتكون من عده اقسام وعده اعمال .. منها شؤون الموظفين والعلاقات العامه والعلاقات الدولية والتسويق والمبيعات والتحليل والاخراج والتقديم والتصوير ويوجد الكثير الكثير
مب شرط مذيع وكيمره وخلاص اطلع في الشاشة او خلف الكيمرة .. خلاص انت خبير
ومب شرط لازم تشتغل في قناة ال cnn علشان تشتغل في الجزيرة .. يوجد عده مجالات وخبرات مثل التسويق والعلاقات العامه والموارد البشرية وتقدر تكتسب خبرات في هذي المجالات في اي مكان واي عمل .. ولا شرايك ياباش مهندس ال cnn
قدمت في الجزيرة كذا مره وبتحديد مرتين ..
واعرف واحد يشتغل في الجزيرة .. قلت له يراجع تقديم الطلب في المره الاولى .. علشان هو يعرف واحد في التوظيف او شؤون الموظفين بس معرفه سطحيه ..
لانه مافي امل يردون عليك !
تعرف ويش الرد ؟
جميع طلبات التقديم في الفترة من شهر كذا الى شهر كذا .. وان كنت مقدم في هذي الفترة
السيرة الذاتية وطلب التوظيف الى سله المهملات !! :omg:
وقال له خله يقدم مره ثانيه .. تم تقديم الطلب مره اخرى ...
وانتظرت لمد شهرين ... وراح يستفسر
تعرف ويش رد عليه ؟
عنده خبرات في مجال عمله .. واحنا مانبي حد عنده خبره .. لانه يبي منصب بعد فترة قصيرة .. بالحرف الواحد
نبي خرجين ثانوية حديثين التخريج ... بالعربي خشامى
ياترى ويش السبب بطلبهم خريجين ثانوية حديثين بتحديد .. اصلا مايبيلها تفكير .. نبي نحفر لهم ونحرقهم تقارير في ظهورهم .. ونشتغل لهم خبث .. ونطفشهم .. لين يفنشون .. وبعدها ايقولك شغلنا قطرين وطلعوا مايستحملون الشغل ومب كفو !
لانى الذي اشتغل من قبل وعنده خبرة .. اكيد تعلم هذي الامور وانطعن وانلدغ مره او مرتين وعرف هذي الامور
هذي الذي يطعمه ابائنا وعرق اجدادنا .. يعض يد ابناءنا
ملاحظه : جميع القطريين المعارضين لطرح المداخله .. الكلام مب موجه لكم .. هذي قصه كل مواطن مسكين يتفنش ولا توظف بسهوله .. مب الوظيفه في الجيب والامر يجي من فوق علشان يتوظف بسهوله .. ويشوف الامر سهل ويقول ليش القطريين يشتكون .
انا أحمل المسؤولية كاملة للي قاعد يصير على رئيس مجلس الإدارة (القطري) والمدراء (القطريين) وخصوصاً مدير الموارد البشرية والتوظيف.اقتباس:
المشاركة الأصلية كتبت بواسطة العقل الحر
وإذا كان هؤلاء مغلوب على امرهم فانا احمل المسؤولية على مجلس الوزراء الي مايبذل أي مجهود في تمكين ابناء البلد من إدارة وتسيير مؤسساتهم الوطنية (الحساسة) والتخلص من الذين ولائهم للدولار ومستعدين للمغادرة عند أقرب عرض مغري من جهة منافسة ولا بأس ببيع اسرار هذه المؤسسات للزبون ال يدفع......
بجد موضوع يرفع الضغط :(
وانت ما شا الله عليك اللي محترم الآخرين يعني ؟!!!اقتباس:
المشاركة الأصلية كتبت بواسطة العقل الحر
ردودك من أولها لآخرها تدل على شي واحد بس .... انك قدمت على وظيفة بالقناة وما وافقوا عليك أو ما ردوا عليك ... بكل بساطة زعلان وكأن الأرزاق بيد مدير التوظيف " الأجنبي " أو القطري !!! مو بيد رب العالمين
انت اللي داخل عرض بالعالم واستهزاء بالمدراء بالقناة وشهاداتهم ... انا و " طختي " يا سيدي الفاضل ياللي تطالبني باحترام نفسي ... ما رح ننتظرك تجيب أبو علاء البنشرجي داخل قناة أقل ما بقال عنها انها عالمية و دخلت كل بيت عربي ... انا ما رح أدافع عن الجزيرة هي تدافع عن نفسها بنفسها ... أنا و " طختي " يا سيدي الفاضل عذبنا الـ " cnn " بشغلنا اليومي وتغطيتنا اليومية لكل حدث في كل شبر بالعالم ...ما عذبناها بشهاداتنا !!!
يمكن لو كنت معنا ... كنت أضفت قفزة كبيرة للشبكة باعتبارك أحد الخبرات الكامنة واللي تنتظر الاطلاق ... لكن طبيعة الانسان ان يغار من شيء لا يستطيع الحصول عليه ...او لا يستطيع مجاراته ... معذور يا ... العقل الحر ... معذور
نقطة نهاية السطر ...
اقتباس:
المشاركة الأصلية كتبت بواسطة المـهندس
الجواب بسيط جدا
لا انت ولا غيرك من العاملين كفو يجاري اي قناة عالمية او محلية بدون الدولار ( الريال ) القطري
الذي يضخ يوميا بدون توقف على اسوار الشبكة من المال العام
ويدك حصون القنوات الاخرى التي يمتلكها رجال لهم حدود في الانفاق .. ولا يستطيعوا ان يجاروا التيار المتدفق
والعاملين الان نشكر لهم جهودهم ولكن لا بيدهم الحل والفك والربط .. وبالاموال نستطيع جلب غيرهم ومثل كفاءتهم وافضل واوسع خبرة منهم .. مب مهندسين كهرباء ومدنيين ويعملون في قناة !
انا اعرف مستوى كل المهندسين الاجانب في معظم القنوات التلفزيونيه عندنا في قطر..اقتباس:
المشاركة الأصلية كتبت بواسطة المـهندس
واقدر اكد لك ان معظم المهندسين "الاجانب" وبالذات العرب جايين من تلفزيونات "متخلفه هندسيا" مثل التلفزيون المصري والاردني والعراقي والسوري والتونسي والمغربي..
ومستحيل اي قناه عالميه مثل ال "سي ان ان" او "البي بي سي" او "سكاي" تقبل تعيين اي واحد منهم بوظيفة مهندس!!!! لان بكل بساطه شروط وامتحان القبول في هالقنوات صعبه..
والله العظيم ان في مهندس"اجنبي" في احدى قنوات الجزيره مايعرف حتى اساسيات الهندسه التلفزيونيه(Broadcast engineering)!!!
الوظايف الفنيه ماتحتاج اكثر من الثانويه ولكن الاهم من الشهاده هو التدريب وشويت انجليزي!!
من مده انا اتقدمت للمسئولين باقتراح لتدريب وتأهيل الفنيين القطريين للعمل في القنوات التلفزيونيه في البلد وبدون مقابل ولكن للاسف ماجاني الرد !!
تالي عمرنا ,, نصب شاي ؟؟؟؟؟؟اقتباس:
في ناس بتتمنى " تصب شاي " بالجزيره . .
للاسف ماتمنيت هالشي مع ان ان لي الحق اكثر من غيري بهالقناة الكبيرة..باي وظيفة غير اني اصير صبابة شاي!!
بس شتقولين صرنا اغراب بديرتنا
السلام عليكم
اول شي انا عربي اشتغل بالجزيرة
ثاني شي ردا على سؤال صاحب الموضوع طبيعة شغل المترجم الفوري مرتبطة بنشرات الاخبار واكيد كل اغلب النشرات بيكون فيها مقابلات مع ضيوف لا يتحدثون العربية والشغل هو شفتات غير مستقرة، ساعات يتصلون بالمترجم يجي من بيته في حالة هناك تغطية لحدث معين او خطاب مهم لرئيس اجنبي.
لكن عموما ساعات العمل ثابتة والمكان مختلط وفيه قدر كبير من الخصوصية والاحترام.
وطبعا فيه اماكن استراحة منفصلة.
الرواتب تحددها الادارة حسب الخبرة والشهادات.
واحب اختم مداخلتي بالرد على الكلام من الاخوة الاعزاء، الجزيرة هي مؤسسة اعلامية كبيرة ونجاحها جاء من الحرية اللي مقدمها أمير البلاد ومن جهود العاملين فيها من قطريين واجانب. انا اشتغل بالنشرات الاخبارية والاغلبية قطريين ومتعاونين مع الجميع وهذه روح الجزيرة.
واشوف ان كل رؤساء الاقسام يوظفون اهل البلد في كل التخصصات مع التدريب وكل شي، لكن هناك نقطة، طبيعة الدوام وطبيعة العمل على الهواء فيها ضغط لا يعلمه الا اللي مجربه، ضغط يخليك مجبور تركز ١٠٠٪ حتى الملايين اللي يشاهدوا الجزيرة ما يلاحظوا اي خلل في جزء من الثانية.
اتمنى ردي يفيد صاحب الموضوع وتعليقي يكون توضيح بسيط للكلام اللي ما كان له داعي.*
انا قطري وخريج اعلام وتقريبا الى مجموعتنا الى تخرجت فوق 35 واحد كلهم قدموو على الجزيره
ماخذو الا 3 بعد طلعت روح والثلاثه كلهم له صله قويه بل اقارب من الدرجه الاولي في مجلس اداره القناه . .
والله ياجماعه التوظيف هناك صعب على القطري صعب صعب . . .
يبون من اصل شامي وجواز كندي ولا امريكي او استرالي ...
من الاخير . . .
اي انا اعلام بعد.. متدربة بمركز الجزيرة سالت واحد من الموظفين: قلت له شلون ابي اشتغل عندكم قال اذا عندج ظهر بتشتغلين.. واذا لا انسي.. وهالموظف مب قطري..ضحكت بشوية حزن..على اللي اسمعه !!اقتباس:
انا قطري وخريج اعلام وتقريبا الى مجموعتنا الى تخرجت فوق 35 واحد كلهم قدموو على الجزيره
ماخذو الا 3 بعد طلعت روح والثلاثه كلهم له صله قويه بل اقارب من الدرجه الاولي في مجلس اداره القناه . .
والله ياجماعه التوظيف هناك صعب على القطري صعب صعب . . .
يبون من اصل شامي وجواز كندي ولا امريكي او استرالي ...
من الاخير . . .
السلام عليكم
زرت مرة الجزيرة والشغل مع المجموعة ومكاتب مفتوحه على بعض وفيه مكاتب صغيرة منفرده لكن الحين الجزيرة فيها الوثائقية والرياضية والانجلزية .
والانسان المحترم يجبر الناس على احترام وين ما كان باخلاق واداب.