المشاركة الأصلية كتبت بواسطة ALJokar
مرحبا اخوي اسمحلي الله يسلمك انا مع ضد فكرة مع احترامي لتعليقك هذا وبعطيك وجهة نظري
بخصوص النقطة الاخيرة برنامج احتراز اولا البرنامج وضع لحمايتك ولحماية المجتمع الي انت فيه تماما مثل ماطبق في بلدن كثيرة.
ثانيا الدولة حطت قانون وتكلمت مايطلع الواحد الا لحاجة قصوى لشراء الملتزمات الاساسية او غيرة
اما بعض الناس يجي وهو والعائلة الكريمة يبي يدخل الميرة هو الجيش الي معاه وحطت قانون ثاني للي ما التزموا ممنوع دخول الاطفال وبعدها الحد من الركاب في نفس السيارة بعدد معين وبعدها برنامج احتراز.
شفت هالاشياء المتتالية صدقني صارت مشاكل فيها من الناس مايسمعون الكلام لين ماوصلو لهذي النقطة
الاخيرة.
انا لو عندي عيال صغار او كبار في السن من بداية الكارونا بدون ما الدولة تصرح بمنع طلوعهم خوف عليهم ولا لهم لزمة ابدا الي يبونه بوفرة لهم.
حتى الناس الي معاهم امراض مزمنة ما اخليهم يطلعون والافضل والصحيح ان واحد من افراد العائلة يكون سليم ويجيب المطلبات فقط.
انا بدخل الجمعيات ومتاكد ان مافيه احد دخل المكان هذا مصاب وبكون متطمن ليش لان الكل ان شاء الله سليم بناء ع برنامج احتراز عشان كذا انا مع قرار هذا ومافيه احد ماعنده حاليا سمارت فون.
بخصوص تقليص من الموظفين 20% انت كيف تتعايش مع الي حولك لو فرضيا ان الكل يداوم وتشوف ان الاموار تتدهور في الموظفين من العدوى كل يوم والثاني واحد غايب عندك في الادارة بسبب الكارونا
شنو راح يصير فيك او الشخص الي ما انصاب صدقني بتهوجس وبتفكر وبياكلك الوسواس لو بس صدعت قلت بس انا فيني كارونا.
الافضل ان الشغل شوي يتعطل لو بعد حين ولا املى المستشفيات واسرتهم بناس اصحاء مرضان وناس بالاساس مرضان وصابهم المرض هذا وشغلت كافة الاطباء والمستشفيات مليتهم بناس مرضان.
واستمارة سيارتك وجوازك بجيك لا هو شي اساسي وضروري الواحد ياخدها في وقتها ولا راح تسافر فيها.