المشاركة الأصلية كتبت بواسطة شموخ دائم
,
,
مرحبا
اخوي الكريم
المطور الرئيسي في لوسيل هو ( الديار ) عندهم مشاريع كثيره
تقدر تتعامل معاهم مباشره
المصاريف الشهريه ( للخدمات ) متقاربه في اكثر المطورين
وعندك سعر التكييف الشهري
وكهرباء وماء
داماك لا تقرب عليها هذي الأيام
عندك شركه الاصمخ مطور ممتاز وله مشاريع هناك
عندك شركه ( بروبتيز ) ممتازين انصح فيهم
عندك شركه الفايز عنده كم مشروع في لوسيل
مشروع الركيات
مشروع الياسمين
اسعارهم ممتازه في المشروعين
وعندك مشاريع الي على البحر مباشره وهذي أسعارها ( مليون ريال ) زياده على منطقه الياسمين
في منطقه الياسمين في ( شارع تجاري ) اذا قدرت تأخذ
شقه فوق المحلات مباشره بيكون ممتاز جدا كل المحلات تحتك
تتاجر بسهوله معاك لحسن موقعها
وعندك ( مول ) في الركيات جنبه بنايه فيها شقق ممتازه يخدمها المول ملاصقه فيه مباشره
لا تشتري في عماره ما تحتها خدمات او وسط مباني ومالها ( اطلاله ) نهائيا
ولا يغريك مصطلح ( جنب ملعب كاس العالم ) هذا ما يفيدك في شي
ولا له أي ميزه بالعكس مافيه غير ازعاج الملعب وزحمه السيارت وصوت الهرنات وقت الفوز
:)
المميزات المهمه
# اطلاله بحريه مباشره ( اذا عندك الإمكانيات )
# اطلاله على حديقه كبيره
# تحتك محلات شارع تجاري
# مول تجاري ملاصق
# محطه ترام قريبه جدا المبنى
# باركنج خاص
# نادي ترفيهي
# مسبح
ان شاء الله يفيدونك أيضا باقي الردود
,
,