عرض للطباعة
السلام عليكم ورحمة الله وبركاتــه
ولا عليكم امر بغيت معلومات عن السياحه في بلجيكا في بروكسل وخارجها
ووين في امكاان طبيعية حلوه تستاهل الواحد يزورها
بحثت وايد بالنت المعلومات كلش قليله :( فاللي زارها ممكن يفيدني
واللي عنده رقم سايق اميـن وثقه يرسله لي ع الخاص
وشكراً :nice:
انا اللي اعرفه ان عندهم كافي على كيف كيفج:nice:
متخصصين في هالسوالف
باقي المعلومات الشباب ماراح يقصرون معاج
بالسلامة
رحت لبروكسل كذا مره ليوم واحد بنظري ما اشوفها تستاهل الواحد يرتب لها جدول حدها يومين وايد شعبية والمكان مادري شلون مافي فخامة صراحه الي عجبني بس ساحة الجراند بالاس فيها وايد محلات كافي والوافل يستحق التجربة هناك سوقهم مب ذاك الزود الي فيه الماركات وعندج قرية اوروبا المصغرة وفي متاحف وبعد برج الكور مالهم من الخارج شكلة حلو بس من الداخل ولاشيء عجبني
ياهلا ومرحبا اختي غموض
الحمدلله على السلامه :victory:
ارقام سواقين للأمانه انا اذا سافرت ماتعامل مع سواقين
بلجيكا حلوه لكن ماتنفع لها ايام كثيره
يعني بروكسل فقط المنطقه الي جنب ساحه الغراند
والمنطقه الى جنب مجمع ستي 2 حلوه
ومنطقه المجمسم الاموتيوم وجنبه حديقه اوروبا المصغره
وعندج بروج بالشمال تقريبا ساعه بعد حلوه للزياره كم يوم وهي تقريبا نصف اجواء فينيسيا وعندهم السنتر حلو ومصانع الشكولاته
وعندي المدينه الاقتصاديه انتويرب او مدينه الالماس وهي شرق بجليكا
تقريبا من بروكسل ساعه الاربع وحتى لو تروحين لها من بروج ساعه الاربع
وقريبه من الحدود الهولنديه
اما اذا بغيتي الطبيعه والخضره كلها بالجنوب صوب اقليم واولوان ومدينه اوبين القريبه من الحدود الالمانيه
اذا عزمتي ان شاء الله بعطيج الفنادق والاماكن بالتفصيل
اخت غموض سافرت لبروكسل قبل ثمان سنوات عن طريق تركيا-اسطمنبول سكنت في فندق كروان بلازا في منطقة روجر ميزت هذا الفندق انه قريب من الشوارع التجاريه ومطل على حديقة جميله.. استئجرت سيارة ولفيت مدينة بروكسل كلها تقريبا والحقيقه ماشفت شي يميزها عن باقي مدن اوروبا.. وربما هي الاقل جممالا من بين مدن اوروبا الغربيه.. لذلك السياحة فيها قليلة جدا.