تفصيل مغاسل للحمامات غير الرخام

السلام عليكم ورحمة الله وبركاته
اخواني انا توهقت لقيت عرض في نابيينا طقم كامل للحمام ب2000 ريال
وجان اشيله كله
ويوم ركبت المغسله حسيتها موب حلوه يبي لها شي كبت او اي شي يغطيها
مافي تفصيل وللعلم المغسله مركبه ابي احد تحتها كبت

عليكم السلام ورحمة الله وبركاته

كان حطيت صورة حتى نعرف الحلول شلون ممكن تكون

المغسلة سهلة بس خياراتها أوقات غالية مثل المراية خذت وحدة من فالوري اند بوخ من العمودي ب 4000 بس وايد حلوة ومعاها كهربة من داخل وانارة وفيها تخزين وراها

خذ المعلقة بتحصل أسعارهم معقولة وتكملها بالاكسسوارات حولها أما اللي بكبت في الغالب تحصلهم جاهزين وبعد غاليين

الله يجزاك الخير اخوي الفزعه معماري..
ماعرف للاسف انزل صور..
المغسله جايه معلقه بروحها لاصقه ف الطوفه احسها موب حلوه..

انا مغاسل في بيتي شكثر معلقة وبدون شيء تحت وحلوة .. بالعكس تحت زحمة وكبتات تسبب ضيق خصوصاً لو مب مصممة صح أو معمولة من الأساس مع المغسلة

ايه والله خلاص بعط لي ع الجنب كبت طولي من ايكيا وخلاص تسلم يالغالي معماري

اقتباس:

---

المشاركة الأصلية كتبت بواسطة صاحي ضميره

ايه والله خلاص بعط لي ع الجنب كبت طولي من ايكيا وخلاص تسلم يالغالي معماري

---

حطيت واحد طولي زجاج وعجبتني الفكرة جبت أكبر بعرض 2 متر تقريباً وارتفاع 90 وكله أدراج وصار زين للفوط ولكل عدة التنظيف والصابون

فعلا هذا اللي بسويه والله يجزاك الخير يالغالي

اقتباس:

---

المشاركة الأصلية كتبت بواسطة صاحي ضميره

فعلا هذا اللي بسويه والله يجزاك الخير يالغالي

---

شوف التصاميم اللي في موضوع مراجعة التصاميم كلها بسيطة بس تأسس لها من البداية