عرض للطباعة
السلام عليكم
الاخوه والاخوات
نريد اجراء صيانه شاملة للمنزل تشمل اجراء تعديلات مثل توسعة للمطبخ واعمال بلاط وبورسلين للغرف وتجديد للحمامات
واود الاستفادة من خبرتكم في هذا المجال بالاستعانة بالشخص او الشركة المناسبة من حيث الامانة والثقة وسرعة انجاز العمل بالسعر المناسب
ياريت تفيدوني وجزاكم الله الف خير
حاولوا تتفقون مع مقاول ويحدد الأعمال المطلوبة استشاري في عقد واضح وترتيب تفاصيل التركيب والمواد مثل ما تبغون أفضل .. مع تحديد الفترة الزمنية أو تركها يحددها المقاول ويلتزم بها .. نفس الشيء للدفعات لو تركت حسب مراحل إنجاز كنسب يحددها المقاول تكون عنده أريحية وعندكم علم شبتسوون وشبيكون عليكم دفعه
فرضاً بند إزالة الأرضيات القديمة هل بتحاولون تستفيدون من جزء منها وممكن تنظيفها وترتيبها والهالك يبعد للنفايات الحكومية
في الصيانة العظمى مثل هذي أو إعادة التشطيب أُمور كثيرة تخفي على المقاول ويسعرها غالي لكن لو تم توضيح كل شيء من قبل الاستشاري بفحوصات وصور ومخططات توضيحية الشغل يكون سهل وكذلك التسعير يكون سهل .. العملية ممكن تاخذ وقت وممكن تشوفون عرض أسعار من خمس مقاولين وتختارون أنسبهم لكم
إذا فرضاً أرضية البيت دفان والبلاط شعبي وبعض الأماكن تحتاج تدعيم وتربة إضافية ودك والبلاط صعب الاستفادة منه تكسير وابعاد وضعه يكون غير .. إذا الأرضيات خرسانة وبورسلان ملصوق بلاصق سهل إزالته وحتى اعادة تركيبه وما نحتاج نعدل الأرضية ولا نضيف تربة ولا ندك .. إذا ضروري نزيل النعلات ونغيرها ضروري نشيل براويز الأبواب ووالأبواب كذلك ونحميها ونخزنها في مكان قريب .. شغلات بنيان بسيط وتوسعة هذي يدخل فيها انشاء وكهرباء وممكن مياه وصرف صحي وتحتاج تصميم
أما تجيبون شخص شخص وتنسقون الشغلة يتستوي مرهقة والعملية بتطول والتكلفة بتكون مب محددة غير عن شخص يخرب شغل شخص
كذلك نصيحة للي بيرمم يشوف الصورة شاملة وشيقدر يسوي من تكسير واضافات تغير البيت بشكل مريح وجيد له .. زرت بيت مرمم حديثاً مغير الأرضيات وفاتح مساحات كثيرة ومسوي برواز جبس يعزل مدخل الدرج حق فوق .. صورت شوي وما حطيت الصور مع إني استئذنت أحطها وسمح لي صاحب البيت .. ما شاء الله التغيير نقدر نقول 100% إيجابي .. السيراميك اللي ماخذه يقول نوع بورسلان اسباني ونوع صيني والنوعين متقاربين وبتشكيلة رخامية لكن الصيني وهو بنص السعر يبين أبيض أكثر ووايد طالع أحلى بعد التركيب حتى لدرجة إني ظنيت الصيني رخام وذاك بورسلان .. نفس الشيء دخلت مجلس وافكر في الأرضية قال لي راعي المجلس هذا بورسلان صيني رخيص لكن تركيبه كان زين واستغربت قلت توني افكر اقول هالرخام ذيه أكيد كلفك وايد
شيء أخير لو قدرنا نعزل المنطقة اللي بيشتغلون فيها ووضحنا لهم وين دخولهم وخروجهم ممكن نكون عايشين حياتنا العادية في البيت ونتابع التنفيذ .. بعضهم يسوي صيانة حمام وتكسير وشغل قوي ويخلي نقطة المرور من خلال غرفة وصالة ودرج البيت وبعضهم يحل المشكلة بتكسير جزء من الدريشة وتوسعتها والدخول والخروج عن طريق سقالات من برا ويفتك
وعليكم السلام اختي ..
اذا تبديل الارضيات فالموضوع سهل ..
وايد عمال فرديين يسون لج بشكل مرتب ..
اما اذا توسعه للمطبخ فـ لازم ترجعين للخرايط افضل ..
مايصير تهدين او تكسرين اي جدار بشكل عشوائي لان بعضها تكون فيها جسور البناء نفسها ..
او خطوط الكهرباء او الماي ..
:
الله يوفقج
معماري قطر وسارة كل الشكر على التوضيح