عرض للطباعة
السلام عليكم و رحمة الله وبركاته
اخواني اللي سافروا تركيا ..اسمحوا لي على هالأساله ..
1-هل لازم اخذ معاي كاش ولا عادي بالفيزا ؟! واذا لازم كاش بحدود كم ؟للعلم مدة السفره 15يوم
2-اذا اخذ معاي كاش بالدولار او بالليره ؟
3-بالنسبه للتاشيره اخذها بالمطار ( قطريين ) ولا بالسفاره ؟
4-الجوازات هل هو امن تركها في علبة صندوق الامانات بالفندق ؟
وشنو نصايحكم لاشياء ثانيه مريتوا فيها
1-هل لازم اخذ معاي كاش ولا عادي بالفيزا ؟! واذا لازم كاش بحدود كم ؟للعلم مدة السفره 15يوم*
اخذ فلوسك هناك بالبطاقه احسن لك واوفر لك من الصرافه وخذ معاك يورو حق الفيزا فالمطار
2-اذا اخذ معاي كاش بالدولار او بالليره ؟*
اذا بتحتاج الكاش فقط حق المطار والفنادق وخل معاك يورو احسن واحتياط مب حق الصرف عشان ماينصب عليك فالاسعار
3-بالنسبه للتاشيره اخذها بالمطار ( قطريين ) ولا بالسفاره ؟
لاتاخذها بالمطار وان شاء اللله قريب القطري يدخل تركيا بدون فيزا
4-الجوازات هل هو امن تركها في علبة صندوق الامانات بالفندق ؟
اي امن بس خلك معاك رقم السفاره والقنصليه فاسطنبول احتياط فقط
اخذ معك 2000 دولار للضرورة
ولا تستخدمها هناك اسحب ببطاقتك العادية مكاين ال atm تخيرك بين الدولار والليرة واليورو
بالنسبة للتأشيرة تأخذها في مطارهم وانت واقف بـ 30 دولار للشخص الواحد
فادوك الشباب
اتفق مع رحال , الفين دولار او خلها ثلاثه اذا معك عائلة , وادفع للفندق ولاي مكان يقبل البطاقه بالفيزا!
كل التوفيقاقتباس:
المشاركة الأصلية كتبت بواسطة chemist
رديت عليك من خلال الاقتباس
نصيحة خذ معاك كاش شي بسيط بالليرة وفرصه الحين الليرة وايد نازله وادفع كل شي بالفيزا ، وخذ معاك دولارات مبلغ بسيط 1000 دولار تكفي ، كل شي ممكن تدفعه بالفيزا اريح والله واوفر لك بعد .
الفيزا سوها من خلال موقع التاشيرة الالكترونيه ولا تسويها بالسفاره ولا بالمطار توفر وقت وجهد وتريح راسك من طابور المطار ماتاخذ منك خمس دقايق تعبي فيها البيانات وشي بسيط ودقيقه ويطرشون لك التاشيره اطبعها او صورها واحتفظ بها بجوالك ، وخزنه الفندق امان ولله الحمد ، حط جوازاتك وفلوسك وتطمن امينين جدا من هالناحيه
وبالسلامه ان شاء الله