سؤال لجميع الأخوان ؟ ماذا تعرفون عن مدرسة الشويفات الدولية ؟ لأن لدي الرغبة ان اسجل
ابني العام القادم في المدرسة واهو عمره اربع سنوات ؟؟
عرض للطباعة
سؤال لجميع الأخوان ؟ ماذا تعرفون عن مدرسة الشويفات الدولية ؟ لأن لدي الرغبة ان اسجل
ابني العام القادم في المدرسة واهو عمره اربع سنوات ؟؟
السيف جاب لج 0000 المختصر المفيد
ياجماعة الخير
لاحد يقول شيء الا متأكد منها
لانها اذا صحيح مصيبه واحنا خايفين على عيالنا
والله واحد جايب عياله لنا من كم يوم في مدرسة الشويفات
ولده توه داخل المدرسه
قلنا له تحمل من الداب (الحيه) قال يبه وشو داب طبعا احنا دارت عيونا قلنا واحد كبير مب صغير يعني توه داخل المدرسه له تجارب قلنا له حبيبي سنك هههه
يارجال الشرهه مب على المدرسه الشرهه على ابوه الي ماعلمه على الكلام
وبعدين الاساس في البيت مب في المدرسه وهذا شي راجعلك
في مدرسة المها يقولون انه فيها منهج اسلامي مادري ممكن تتأكد
والله ياخوي الفرقان والأندلس مايمدحونها
انا انصح اي واحد يدخل عياله في مدارس مستقله ممتازه احسن حتى من المدارس الخاصه بس اسال ماراح تضيع وبعدين التربيه في البيت مش في المدرسه التاثير الكبير بين الاب والام هم الي يعلمون العيال وشو العدل وشو الغلط والواحد يتحمل من الدلع
مدحها ناس ... وذمها آخرون ....
المدارس المستقلة ليست كلها خير ... وللأسف.
المدارس المستقلة أسس فكرتها أعداء الإسلام وذلك بإلغاء أكثر الشريعة طلبا لعلم الغرب... ولا أهضم حق بعض المدارس التي رفضت مناهج الغرب كأساس لهذه الفكرة... وكما نعلم فمؤسسة راند الصهيوامريكية (التي تمسك بالتعليم في قطر) هي التي طرحت فكرة المدارس المستقلة , المدارس التي فشلت فشلا كبيرا في الإمارات والكويت وستفشل في الدوحة ... فقد سمعنا أن هناك توجها ليس بقريب لذلك بإذن الله.
وهذا رأيي ان قبلتموه... واحترم رأيكم رافعا عقالي لكم .
وبالنسبه للشويفات .... للمره الثانية أؤكد ... ابعدوا عنها
هذا والعلم عند الله ...
صحيح التربية بالبيت مو بالمدرسة
بدليل الوزارة حذفت التربية وابقت التعليم والتعليم العالي
تحياتي لكم
سجله ومعليك من الحجي الزايد اخوي وتقدر تروح وتسأل عن مناهجهم وتشوف المدرسه من داخل ...
وبعدين انصحكـ تدخله مدارس امريكيه خاصه بتعلمه انجليزي بطلاقه وانت مرتاح ..الله يوفقه ان شاءالله
اي والله الانجليزي الي هام العالم كله
والقران ابدا ما حد نشاد عنه ابدا ولا الشريعه كلش
لاحول ولا قوه الا بالله
من يعلمه الوضوء واحكام الصلاه وغيرها من امور الشريعه المدارس الاجنبيه يخسون الا هم
ما يقدرون يعلمونهم بس ان التنصير وانت طبعا ما تقدر تشوف منهجهم للاسف
عفوا أخوي كل الكلام مردود عليه عندي زميل في العمل ويقول يدرسونهم عربي انجليزي + فرنسي
والله أعلم
انا اشوف مدرسة نيوتن ممتازة فيها شرعية وعربي وe وفرنسي بس اسعارهم نااااااااااااااار .
يا اخوان وش تتكلمون تنصيرية وغيرها يا اخوان الدين ما تعلمناه من المدرسه والله ما عرفنا انصلي الا من خلال الاهل -- وبعدين هناك مسلمين يدرسون عيالهم في اوروبا وماشالله متمسكين بالدين اكثر منا-- والكثير من الشباب درس في الجامعات الاوربية والامريكية ولا شفناهم تنصروا
اقتبس لكم ما وجدت في الشبكة العنكبوتية
موقع عروس القطري
اقتباس:
السلام عليكم ورحمة الله وبركاته
هذه الحادثة صارت مع أخوي الصغير في مدرسة الشويفات
كانت تضع لهم الأكل على الطاولة وتطلب منه أن يغمضوا أعينهم
بعدها تأخذ الأكل وتقول لهم بأن محمد عليه الصلاة والسلام هو الذي أخذه
بعدها ترجع الأكل وتقول لهم بأن المسيح عليه السلام هو الذي رده لهم
نقلا عن موقع طريق الايمان
اقتباس:
ومن أهم مدارس التنصير في الخليج :
2- مدرسة "الشويفات": وبدأت أصلا في قرية الشويفات بلبنان , ثم فتحت أول فروعها في الشارقة , ومنذ سنوات فتحت فروعها في أبو ظبي، وتقيم هذه المدارس بالذات احتفالات في العديد من المناسبات مثل عيد الأم مثلا في الربيع ويحضرها كبار رجال الدولة وتقوم الصحف ووسائل الإعلام المختلفة بنشر صور المسؤولين في هذه الاحتفالات، وقد حصلت مدرسة الشويفات النصرانية اللبنانية علي دعم بمبلغ 22مليون درهم من بعض الجهات الحكومية في الإمارات.
منقول من مدونة اسامة التصويرية
اقتباس:
03 June 2008
ماشاء الله عقبال ما تفرح فيه وهو متحرج من الجامعة يارب
اجمل شيء براءة الاطفال وطفولتهم النقية
يوم تشوف بعيونهم تحس ان الدنيا بامان
والله انهم جنة ما يقدرها الا الي فاقدنها في اغلب الاحوال
وعلى طاري التبشيرية حتى انا سمعت وعرفت وتاكدت ان الافكار الي ينشرونها تبشيرية وبطريقة غير مباشرة ….ياليت تسال وتتاكد من المعلومة اكثر لصالح عامر ربي يحفظه
عاد لا تنزل موضوع وتقول ناس فاضية ما يخصني ترى بس تهمني المصلحة العامة ^_*
دمت بود^_^
منقول من شبكة طلبة الامارات
اقتباس:
أعزائي أعضاء المنتدى ...
انتبهوا الى ان مدرسة الشويفات مدرسة "تنصيرية "...و هذا الشيء قرأته في منتدى إماراتي ثاني ...و في المنتدى يشتكون من أن المدرسة تشجع على المسيحية ..و انها غبر مهتمة بتدريس منهج التربية الاسلامية أواللغة العربية ....
و لمعلوماتكم فان أغلبية الطلاب فيها مسلمين "بالاسم" فقط ..و ان المدرسة سميت بهذا الاسم على اسم منطقة في لبنان هي منطقة الشويفات ...و تم افتتاح افرع للمدرسة في الخليج و منها أفرع الامارات ...فالافضل لمن يخاف على اهله و اولاده الانحراف و الانغماس في الثقافة الغربية المنحلة .. ان يبتعد عن مثل هذه المؤسسات التخريبية لديننا و للغتنا
وهذا ما وجدته سريعا ..... ولكم القرار
فعلا نا اعرفه ان الفرع الاول كان في لبنان وكان الهدف تبشيري وتنصيري والله اعلم ..
في موضوع سابق في المنتدى ..
http://www.qatarshares.com/vb/showth...D%C7%CA&page=4اقتباس:
احذروا من مدرسة الشويفات العالمية.... بها جانب تنصيري .
الرجاء قراءة الموضوع اسفل توقيعي والدخول للرابط الداخلي تحت مسمى (تنصير اطفال الخليج) .
كلنا متوهقين مب محصلين مدارس زينه
وفي رد عليه في الموضوع نفسه
بقول لكم موقف حق بنت رفيجتي في نفس المدرسه تقول دخلت على بنتي لقيتها الصدمه تسوي علامه الصليب على الوجهه وجسمها
صرخت عليها شتسوين قالت انتي قلتي لي صلي انا جالسه اصلي
قالت شنو صلاته قالت اصلي على المسيح والعذراء معلمتي ماريا علمتني
وطلعت بنتها على طول وصار لها سنه وشوي تحاول تنسيها اللي تعلمته ولين يومكم والبنت مب قادرين يعلمنها ترجع تصلي صلاتنا
الساهرة ..اختي على اي اساس ما يمدحونها..وش العذاريب اللي فيها
انا جربت الحكومية وجربت المستقله والحين السنه هذي جربت الاندلس..
الصراحة كبدايه اعتبرها ممتازة جدا..
احنا وش اللي نبي عيالنا يتعلمونه من المدارس..؟
طبعا نبي لغة عربية سليمة..نبي يحفظون القرءان الكريم
نبي يحافظون على الصلاة..وهذا كله موجود في مدرسة الاندلس..
وحده من قرايبي تشتكي من مدرسة بنتها المستقله..تخيلوا لين الحين
ما تعرف من الحروف الا حرف الدال..ما فيه منهج للغة العربيه..!!!
كل شي بالانجليزي حتى المنشورات واللافتات اللي على الجدران تقول
بالانجليزي.. اول ما علموهم ..علموهم يقولون مس فلانه للمدرسه
وبليز باث روم.. في ذمتكم هذا تعليم..
انا عيالي اول ما دخلو مدارس كانت مدارس حكومية ، وبعدها كل مدارسهم صارت مستقله والحمد لله كل المدارس اللي تعلموا بها رهيبة والله ما في احسن منها
اتكلم عن المدارس التالية
مدرسة نسيبة بنت كعب حكومي ، مدرس خديجة مشتقلة
عمر بن الخطاب ابتائي
ابن سينا نموذجي ، اليرموك اعدادي ، الدوحة المستقلة
الصراحة ماشاء الله تبارك الله دين وعلم وانجليزي ولا احسن
اكيد فيه مدارس مستقلة سيئة ولله الحمد ما صدفت الا الزين وكل هذا بتوفيق من رب العالمين
هذا كلامي قلته في موضوووع ثاني وارد اكرره
التــــــــــــــــــــــــــربيه في البيت اهم شي
الصراحه الكلام اللي ينقال عن شويفات ماشفته ابدا ومناهجهم في الانجليزي والرياضيات والعلوم قوي ومناهج العربي والشرعيه والاجتماعيات نفس الوزاره بس عندهم كتاب تدريبات زياده للغه العربيه والاجتماعيات يعني تدريبات زياده عن منهج الوزاره المدرسه قويه وشديده يعني محد يقدر يكمل فيها بسبب كثره الامتحانات اليوميه والاسبوعيه والشهريه يعني بالعربي مدرسه منظمه نظام في نظام والتزام
انا بصراحه 3 من هلي تخرجوا منها واقبلتهم احسن الجامعات وتخرجوا الحمد لله وكانت الدراسه بالنسبه لهم في الجامعه سهله على كلامهم كله ماخذينه في المدرسه والحين مدخل 2 من خواني اشوفهم ماشيين...بس اللي متعبهم الامتحانات وكثرتها .
هذا رايي عن المدرسه من شي شفته بعيني وعشت معاهم
والكلام اللي انقال على ان المدرسه تنصيريه و انهم حاطين هدايا في طاولات الطلبه وانه بابا نويل هو اللي جايبها وان هالشي صار بالدوحه تراه كله كذب ماسمعنا بهالشي >>>بالعقل لو صار هالشي الطفل بنفسه بيجي من المدرسه بيتكلم بيقول صار كذا وكذا وسالت عن هالشي من اللي كانوا يدرسون في المدرسه(طلاب )قالوا هالكلام ماصاااار
مدرسه المها يمدحونها
وعيالنا يدرسون فيها
فعلا ممتازه من اداره ومدرسات
اخوي السيف اذا الاباء راضين..واهم شي عندهم ان الولد او البنت يتكلم انجليزي
وما يهمهم ما الثقافات وماهي الافكار اللي راح يجنيها الولد من هذي المدارس..
يا ناس عيالكم امانه في رقابكم وانتوا مسؤولين امام الله عن تربيتهم وتعليمهم
وما الذي غرستوه فيهم من قيم وفهم لعقيدتهم ..
هل تألم احد الاباء او الامهات عندما يرى ابنه او بنته ما يعرف يكتب حتى اسمه بالعربي..؟
اللي ابي افهمه ليش اذا الولد تكلم انجليزي اعتبروه مثقف وواعي وما شاءالله عليه..؟
وش فيها المدارس العاديه
كلنا درسنا فيها وتخرجنا منها
تخرجوا مهندسين ودكاتره ومدرسين
ماشوف ان انجليزيتنا ناقصها شي
يعني الاساس كان سليم
والا هي بس سالفه مفوشر عند الناس والله عيالي يدرسون في مدرسه اجنبيه؟؟
خلو عنكم هالحجي اللي له بارض دراسه بيدرس واللي يبي يلعب والله لو وين تحطونه مب فالح
اقتباس:
فعلا نا اعرفه ان الفرع الاول كان في لبنان وكان الهدف تبشيري وتنصيري والله اعلم ..
قال تعالي ( يا ايها الذين امنو قو انفسكم واهليكم نار وقودها الناس والحجارة )