سؤال عن مكاتب الخدم

عندي سؤال عن مكاتب الخدم
مريت اول مكتب في سوق العلي وطلبت فلبينيه المفروض انها 5 سنين خبره في السعوديه وجابها لي من بعد انتظار 12000 وطبعا تخليص الاجراءات كان 500 .. المهم الخدامه كان اقل من المتوقع ولا كأنها مرت على خدمه من قبل .. ورجعتها عن تراضي للمكتب واستلمت فلوسي مخصوم منها فلوس الاجراءات ومشيت خطوتين لمكتب ثاني ولقيت خدامه مرجعه .. سألته عن سبب ترجيعها قال : مش عاوزه تطبخ .. المهم قلت له نزلها لي اكلمها ..طبعا ذكرت اسباب كثيره لترجيعها ولا واحد منهم الطبخ.. قلت ما علينا .. انا ارتحت لها .. المهم سالته بكم قال 14000 🙂🙂 قلت له ليش كل المكاتب 12000 قال هي موجوده في قطر من 3 اشهر .، قلت له طيب هاي معناه انه قلت مدة العقد اللي هي سنتين .. وحسيت مايبي يتنازل.. وخذتها منه اجربها ..
السؤال الحين هل فعلا الاجراءات تطير السعر من 12 الى 14 ؟ مع العلم انه مخلص لها الاقامه والفحص الطبي ..
وهل لي حق في تقليل السعر اذا اشتكيت عند حماية المستهلك او وزارة العمل ؟

باختصار
هذا المكتب يبي يستغل الفرصة كون الخدامة موجودة بقطر

للأسف وزارة التنمية الادارية والعمل والشؤون الاجتماعية العمل ما لها دخل بالموضوع
وزارة الاقتصاد والتجارة ممكن تدخل

كلم حماية المستهلك

اللي اعرفه مالك حق تشتكي على السعر حتى عند حماية المستلك
واللي اعرفة في مكاتب معتمدة في وزارة العمل والعمال تقدر تسال عن المكاتب اللي مالها مشاكل عن وزارة العمل والعمال نصيحة اللي يبي يتعامل مع مكاتب الاستقدام الخدم يسال قبل وزارة العمل والعمال
واللي اعرفه في مكاتب تجيب الخدم من الفلبين على 9800 تقريبا خبره او بدون خبره
واللي اعرفه بعد اذا كانت الخادمه مسترجعه لك ضمان 3 شهوراخرى ومدة الاقامه تكون سنتين اخرى بعقد جديد
تعلمنا من كثر ماتعاملنا مع بعض المكاتب الغير محترمه
واللي اعرفه بعد لك الحق انك قبل ماتجي قطر انت اللي تحط شروطك اللي تبيها مثلا ماتبي جوال تستخدمه اثناء العمل او تقول لها ممكن عندك اطفال او تبيه مدرسه للاطفال