المشاركة الأصلية كتبت بواسطة نفسي عزيزه
هلا بالحب
مسا النورررررر والسرور
الجنسيس سياره ناجحه اتابعها في اليوتيوب وردود السعوديين وايد زينه بس فيها كم عيب على كلامهم ومن ضمنه المكيف وهاي اكبر عيب شرعي عندهم وعندنا ههههههههههه والدخان مال الشكمان يصبغ بالصدام الخلفي سوالف ايام التسعينات فتيوتا الي تجاوزتها اليابان
كوريا لازم تشقى عشان توصل حق الشقى الي طلع الكوالتي مال تيوتا مش بالساهل تعال واصنع وبيع بدون خراب
فمن جذي اتوقع يبيلهم خمس سنوات بعد جدام وان شاء الله يظبطون امورهم
لحد الان عندهم الكوالتي نازل صدام الفورويل الهونداي بيدك بصبعك تحركه تخيل الكوالتي واذا تحط يدك على الباب فالكيا او الهونداي تسمع صوت الاثاث والتصرصر في كيا كادينزا والهونداي ازيرا
الزيده السيارات الكوريه تتسلق كتوف الناس الي على قد حالها لو كان المشتري يملك مال كافي ماراح ياخذ سيارات كوريه لكن الحاجه والكوري قايم سوقه فالسعوديه لان يتسلق على كتافهم رواتبهم بسيطه شيسوي لاتلومه عنده خط 300 كيلو وايح وراجع وراتب قليل فيدور سياره رخيصه للخطوط وماتصرف او يشتري سياره مواصفات مثل كادينزا تطلع له ب 100 الف ومايقدر على الافالون لانها ب 150. واكثر عقب الضريبه طبعا مب كلهم لكن اغلب الشعب ياخذ شي اقتصادي ورخيص
اما الدول الي رواتبها فوق تسوفه ياخذ بي ام صغيره او مرسيدس او افالون مواتر كوالتي واسم وبيني وبينك الصالون ماعاد ينشرى بقطر اهل قطر ياجموس وصوت وزعاج يارابترات يا كروزرات او نياسيين هاي جو الشباب والكبار الصالون صارت مب لنا الا اذا شركه قويه او سبورتات
الله يرحم ايام التسعينات نكشخ بكامري نروح سينما الخليج في كامري ليمتد 1997 قير عادي ههههههههه والحين صارت الكامري عند السواقين
معليش توني قاعد ماسولفت مع حد انت اول واحد في ويهي فياويلك من الثرثره ههههههههههههههاي ولك اكتلك لاتضحك :happy: