السلام عليكم لو سمحتو بغيت عامل شاطر للحمام عندي مشكلة في الشاور عبارة عن رخام ومركب عليه أبواب زجاج ثلاث جهات والرخام بدى يتفتت ابي أشيله واسوي طوفة وأركب شاور جاهز حرف ال الي عنده رقم عامل شاطر بطرشلي
عرض للطباعة
السلام عليكم لو سمحتو بغيت عامل شاطر للحمام عندي مشكلة في الشاور عبارة عن رخام ومركب عليه أبواب زجاج ثلاث جهات والرخام بدى يتفتت ابي أشيله واسوي طوفة وأركب شاور جاهز حرف ال الي عنده رقم عامل شاطر بطرشلي
هلا
شوف الخاص
تركيب الرخام واختيار نوعية مناسبة شيء مهم وكذلك نسوي له حماية وطبقة تخشين كيميائي حتى ما يزحلق
يحتاج ناس مختصين ويطلع حلو ويعمر لكن يتفتت أكيد اللي نصحوك به عليمية أو غشاشين أو ما يعرفون لشغلة الرخام ولا لتركيبه في الشاور .. حتى التبليط يحتاج لاصق قوي والاسمنت الأبيض أو العادي ما يناسب للبلاط الحديث
من خبرتك أي أفضل رخام حق الحمامات ؟اقتباس:
المشاركة الأصلية كتبت بواسطة معماري قطري
يفضل في الغالب الابتعاد عن الرخام في الحمامات . الرخام يشرب المياة ويمكن بيقع وفي الحمامات
و بسبب سطحه الناعم ممكن يسبب انزلاق ( طيحه )
نصيحة ركب سراميك او بورسلان للحمامات .
الشورات فيه لها قطع جاهزة لشوربوكس او ركب بورسلان خشن خاص لشورات
واذا تبي مواد لاصقه قوية خاصة بالحمامات شوف نابينا او سدامكو
والله خبرتي في الرخام قليلة ولعدم تجانسه وكثرة الغش فيه ابتعد عنه وبعدين غالي .. البديل اللي هو السيراميك أو البورسلان وفيه بورسلان رخامي بأحجام كبيرة 2.5 متر في 3.5 للقطعةاقتباس:
المشاركة الأصلية كتبت بواسطة koketa
يعني لنفترض عندج حمام 4 في 2.5 .. أو 3.5 في 2.5 بتكون قطعة وحدة كافية للجهة الطولية وتخلين الارتفاع 2.5 بيكون لفوق الباب بشوي .. فوق هذي القطعة ركبي كورنيش جبس أو قطعة ستانلس ستيل فاصل وفوقها صبغ مقاوم للرطوبة وبعدين يجي سقف الجبس .. لو احتجتي قص أو وصلة تقدرين تخلين بيت الشاور مكان فاصله تكون الوصله وبيبين الحمام بدون وصلات كلش .. سعرها بحدود 120 الى 200 للمتر وأقوى بوايد من الرخام بس تركيبها يحتاج فنيين فاهمين ولاصق جيد
لو ما تبين تغامرين بقطع بهالحجم فيه شوي أصغر ولو خذتي مقاس بارتفاع 1.2 أو حتى 1 متر وأي عرض فيه اعتقد 1.5 و 2 متر تقدرين تركبينها 0 جوينت وتركبين بس لحد ارتفاع 1 متر وبعدها يجي الفاصل النحاس أو الستيل وبعدها يجي ورق جدران مقاوم للمياه وعليه تركب المراية ولإرتفاع متر ونص .. يعني في المترين ونص بيكون البلاط تحت وورق الجدران فوقه وبعدين فوق كورنيش جبس عليه انارة مخفية وتقدرين تحطين انارة مزاجية حمرا أو زرقاء أو مثل ما تحبين تنعكس على بقية الجدار العلوية حسب الإرتفاع بعدين يجي الجبس الأخير سيدة مع بعض السبوتات
حول مراية المغسلة من الجنب أحسن تحطين انارة .. يعني بتكون عندج 3 أنواع من الإنارة
مكان الشاور الوضع غير .. نخلي البورسلان طبقتين بارتفاع 2 متر أو 2.5 وبعدين يجي الكورنيش المتواصل وبعدين الصبغ والسقف الجبسي
لو مصرة على الرخام أي نوع بتركبينه لازم تختارين له مواد حماية من الرطوبة والكيماويات وتختارين مادة مانعة للانزلاق وأعتقد كل هذي المواد لها صلاحية حسب نوعها وتنتهي ولازم تجدد من وقت لوقت
اللي بيركب القطع اللي ارتفاعها 2.5 متر لازم يتأكد إن الباب مرتفع كفاية وتدخل منه القطعة .. انا حبيت القطع الكبيرة وحبيت فكرة تركيبها على بورد خشب أو جبس والتمديدات تكون على الطابوق خلفها وبدون بلاستر .. حتى الكسرات ممكن عملها بسهولة في الحائط لكن قص القطعة الكبيرة لازم في معمل رخام وقص بآلات حديثة ودقيقة