السلام عليكم ورحمة الله وبركاته ،،
هلا اخوي راشد
" جزاك ربي كل خير دنيا وآخره "
عرض للطباعة
السلام عليكم ورحمة الله وبركاته ،،
هلا اخوي راشد
" جزاك ربي كل خير دنيا وآخره "
اخوي عندي سوالين
اذا عندي اسم ابي احجزه عشان محد ياخذه شلون الطريقة ؟؟
اذا ابي افتح محل للام والطفل بنشاط متعدده وشو المطلوب لازم شركة
شكرا لك معلومات قيمه
لكن لو كانت شركه صغيره ماعندها راس المال هذا كيف ؟
اولا للامانه
اخوي رحال من الاشخاص الي يحب الخير ويحب يساعد الكل وبصراحه ماقصر معاي في كذا شغله وخليته المرجع الاساسي لي هههه
بيض الله وجهك يا استاذي
وعسى الله يكتبها في ميزان حسناتك والله يوفقك
ثانيا
ان شاء الله بحول من مؤسسه الى شركه
بس لما تخلص المعامله الي عندك :shy:
عندي استفسار بخصوص الفرق بين ان الواحد يسجل بسم شركة او مؤسسة ؟
هل نوع النشاط يختلف من نشاط لآخر وهو اللي يحدد انها تتسجل كـ مؤسسة أو شركة ؟؟؟
مثلا : خياط - مطعم - مغسلة ملابس ...... الخ هل يمكنني استخرج سجل بسم مؤسسة ؟ أو شركة ؟
ياليت توضيح الفرق بينها وارتباطه بنوع النشاط
ما قصرت اخوي رحال
بغيت نصيحتك اخوي
اذا بفتح شركة استيراد وتصدير شالمطلوب بالضبط ؟
و هل ظروري احدد نوع الاستيراد والتصدير لان اريده يكون عام ، بمعنى ادخل مناقصات واستورد لهم المطلوب ؟
واذا ظروري التحديد اقدر احدد اكثر من شيء ؟
جزاك الله خير
السلام عليكم ورحمة الله وبركاته ،،
هلا اختي .. بخصوص حجز الاسم تقدرين عن طريق موقع وزارة الاقتصاد والتجاره
والرسوم تكون الف ريال لفتره معينه او تحددين الاسم والنشاط وتقدمين الطلب على طول
ويطلع السجل التجاري ...
اما عن نوع السجل ( مؤسسه او شركه ) انتي تحددين هالشئ وما يخص الانشطه في اغلب الحالات
يعني اذا ما يتعارض النشاط التجاري مع الاسم التجاري لمؤسسه او الشركه ..
انشطه الطفل والامومه بتكون محل وكل نشاط محدد برسوم معينه ، وتقدرين تختارين الانشطه عن
طريق موقع حكومي ( الموقـــــع )
اتمنى قدرت افيدج اختي بالمعلومات عسى ربي يوفقج ويوفق الجميع
السلام عليكم ورحمة الله وبركاته ،،
بخصوص استفسارك اخوي العزيز ، بخصوص الشركات ورأس المال فهذا قانون يلزم الجميع واقل شئ يكون راس المال
200,000 ( مائتين الف ريال قطري ) لتاسيس الشركه ان كانت ( بين الشركاء او شركة الشخص الواحد ) وتقدر تزيد
رأس المال ، وانت تحدد اذا بتشتغل وتسوي شركتك كبيره او صغيره على حسب امكانياتك .
أتمنى قدرت افيدك بالمعلومات ، واي استفسار حاضر لك وللجميع