هذا عيبنا ما اخشوشنا ولا عرفنا إن النعم زوالة وتصان بالحمد وبتقديرها والمحافظة عليهااقتباس:
المشاركة الأصلية كتبت بواسطة سالم الزهران
عندنا في قطر اللي اشوفه خير وبركة والحمد لله تبقى المشاكل الأمنية حولنا .. مشاريعنا كلها ماشية وأسواقنا مزدحمة صيف وشتاء .. إستوت قطر قطعة كيك الكل يبغي يحصل نتفة منها سواء بالحق أو بالباطل
اسعار العقارات تاثرت كثير في 2008 اتذكر بعض المناطق نزل فيها الفوت من 350 الى 50 ريال فقط..!!اقتباس:
المشاركة الأصلية كتبت بواسطة saeed2005
السبب هو ان سعر العقار هو سعر الايجار..
دائما المستثمر العقاري يدرس الجدوى من شراء عقار مقابل قيمة الايجار..
النسبة العادلة في اوروبا وامريكا عشر سنوات..
النسبة العادلة هنا عشرين سنة ..
يعني ايجاره الشهري عشر الاف يجيب في السنة 120 الف يعني في العشرين سنة 2.400.000 وهكذا..
صار لي قتره اسمع عن ايجارات ب 10_12الف ريالاقتباس:
المشاركة الأصلية كتبت بواسطة qatarman8008
========
قصوا على الناس بمقولة العقار الابن البار
يا حبيبي العقار يكون بار اذا سعره معقول
ناس مساكين حطوا ورثهم كله بعقارات بين 2014_2016
والحين متوهقين
محد مستفيد من العقارات الا من اشترى قبل 2006
واثناء الازمه العالميه 2009_2010
غير جذي محد ربحان من اللي اشتروا بعد ذلك
الحين البيوت اصبحت شبه فاضيه والحكومه اثبتت انها ما تقدر تمنع التقسيم
لان شي بديهي شلون اطالب شخص بانه يسكن مع عياله في فيلا وراتبه يعادل نص سعر الايجار !!!
ولما بدا موضوع التقسيم وتحولت الفلل الى شقق !
اصبح الوضع معقول للمقيم ويقدر يعيش بشكل طبيعي
لذلك نجد حاليا العقارات الفاضيه في ازدياد والطلب شبه قليل
قبل اذا اتصلت بمالك عقار تفاوضه بسعر الايجار ممكن ييكر ف وجهك
حاليا تفاوضه وهو اللي يتمنى ما تسكر ف وجهه
هذا كله يعتبر تاثر فعلي في سوق العقار !
قبل اذا ما دفع المستؤجر تهدده بالطرد الحين ما يدفع ويهددك بانه بيطلع اذا ما صبرت عليه :con2:
المشكله الحاليه فالموضوع هذا
ان الوضع فعليا للمنطقه ككل وماله خص لا من قريب ولا بعيد ب حصار حلف الفجار
والكل فعلا يعاني كتجار في كل المنطقه
ولكن نحب دايما اظهار عكس الواقع
دبي تعيش وضع سيء نعم صحيح
ولكن ايضا في كل المنطقه الوضع اصبح سيء
الفرق وين !!
هذا غير منتج للنفط وهذا منتج للنفط كحكومات
ك تجار الجميع في كل المنطقه
يمر بمرحله صعبه خصوصا المباني الجديده والتكاليف وعزوووف الناس عن الكماليات لان الوضع فعليا لم يعد يسمح للموظف ان يكمل الشهر بيسر حتى ولو كان يرشّد انفاقه
التجار حاليا يكيشون باي طريقه .... انتظارا واستغلالا للفرص اللي ممكن تكون مثمره (البناء بقصد التجاره يكاد يكون قد انعدم او توقف عن الاكمال)
من سنتين تقريبا صارت هبه برغر وانواع ومدري ايش حاليا محلات البرغر اللي طلعت مع الهبه بدت تغلق واحده تلو الاخرى
من سنه صارت هبه الكوفي شوب والاسبيشاليست ومن هالكلام الفارغ
الحين بدت المحلات اللي فتحت مع هالهبه تغلق رويدا رويدا وممكن خلال فتره يتزايد الاغلاق عندهم
السنابيون الاعلانيون صاروا يدقون باسعارهم للارض الى درجة واحد يتحدث عن احد مشاهير الاعلانات صار ستوريه كله اعلانات بسبب انه خلى سعره 1000 ريال بعد ماكان 5000_4000
(هذي كلها اعتبرها مقاييس لقراءة وضع الاقتصاد ف احب اسال هنا وهناك لكي تتكون لي فكره عن الوضع فالمستقبل القريب)
ليش ؟
لان الوضع يحتاج تحفيز اقتصادي لمواجهته او انتظار الكره ان تكبر ومن ثم تزول كما حصل بين 2008_2010
الناس شوي شوي بدت تخف من الكماليات مثل تجديد سنوي للبيت او الاكل في مطاعم بو 700_1000
او شراء الماركات
او الاثاث
والى اخره
ولو في احصائيه عن سفر المواطنين ايضا سنجد ان النسبه انخفضت مقارنه باخر سنتين
(هالكلام من راسي بس حسيته جذي من عروض القطريه كل شوي يطرشون مسجات)
مع ان دايما كانت مثل المقصب الالي يستغل فترة الصيف لتقطيع جيب المواطن بسعر التذاكر :)
اقتباس:
المشاركة الأصلية كتبت بواسطة مضارب دوسري
اتفق معاك .... القطرية قبل رمضان كانت اسعارهم عالية لاجازة الصيف .... والحين العروض كل ما تنتهي يمددونها
واغلب الي اعرفها ما سفروا الى الان
مضارب دوسري
ضف ان الخطوط العمانية دخلت بقوة في منافستها
للقطرية..
و ضف ان الخطوط الكويتية في رحلاتها ما بين قطر
و دول حلف الفجار سحبت بعد ناس من القطرية
سواء عن طريق الاستفادة من الترانزيت في الكويت
و يشوف هله من دول حلف الفجار و يكمل طريقه
لوجهة سفره..
فالقطرية اسعارها ما زالت مرتفعة حتى عروضها
مب بذيك القوة..