https://youtu.be/HD9j0x8cEUY
طرشنا الولد يدرس لغة وقال لنا المعهد انه ما يحتاج تأشيرة، لكن في المطار قالوا للولد ان برنامجك اكثر من ثلاث شهور وتحتاج تأشيرة.
يعلمني الولد يقول جلسوني وجابوا لي قهوة وخذوا اوراق وجابوا اوراق وعبيتها و قالوا عطها المعهد يسوي التأشيرة.
خرج ولدنا من المطار و نسي بوكه في السيارة وصل البيت عند (اسره نيوزلندية) حصل ورقه على الباب ادخل يا فلان!
يقول دخلت ويوم وصلت غرفة النوم حصلت اسمي واسم المعهد ورقم تواصل.. لكن تذكرت اني نسيت بوكي في اللموزين؟
اهل البيت كان محد والظاهر عندهم عيد او شغلة جذي.
لكن اتصل برقم طواريء وعطاهم معلومات.. الولد رغم الهم ما قدر يرقد بسرعة لان البوك فيه حول الفين دولار كاش.. لكن تعب الرحلة خلاه يرقد غصب.
يقولي الولد يا بوي فتحت عيني بالليل مدري اش حزه الا بوكي محطوط على الطاولة حذا السرير، فتحته شفت الفلوس نفس وضعها ورديت رقدت.
هذا البوك لو طاح في الحرم المكي.. احتمال كبير ما تشووووووفه لا فاضي ولا مليان.
ولولا العبرة من هالسالفة ما ذكرتها هنا، ولان هالموضوع عن نيوزيلاندا..
رجل نسى جواله بمطار جده و لا فقده إلا وهو بمكه يقول بجي اخذه قلنا احنا اساسا جايين مكه و الوعد هناك بإذن الله و سلمناها لراعيها بالحرم المكي
ولو كانت أغرض ثانيه غير الجوال و مافي مجال للتواصل لكان لسلمناها لقسم المفقودات بالمطار.
مصر اللي أنا شخصيا انسرق من شنطتي بلمح البصر 700 جنيه أشوى ما كان فيها أكثر و اشوى ما كانت بالبوك..
بالمقابل أبوي طاح جوازه و بوسطه تقريبا 200-400 دولار و كنا بووقتها بمطعم على جلسات خارجيه و و مكان مفتوح و عام وكان مكتض لان كان فيه مباراة كأس العالم بالتسعينات
و مافقده الا يوم قدنا واقفين تحت العماره و رجعت معه للمكان الا اصحاب المكان طلعوها لأبوي لقها شخص و سلمها لهم بدون نقص الله يجزاه خير
و نيوزلاندا فييها أماان جدا عالي أعلى من جميع الدول العربيه يمكن يكون صحيح مع انها دولة قائمة على المهاجرين من كل هالعالم عرب وهنود و اوربيين الخ
بس تصير جرايم عندهم و أخرها الارهابي المسيحي اظن نيوزلاندي او استرالي الجنسيه اللي قتل المصلين في المسجد.
أرض الله واسعه و مايمنع أن الإنسان يسعى لمعيشه أفضل
و الله الموفق
الحين يا دانه الجوال او المحفظة ممكن تطيح بيد صالح او طالح بأي مكان في العالم، لكن يهمني الآلية اللي ابلغ فيها عن مفقوداتي وتعامل الجهة الرسمية معي. ردة فعل المجتمع هذي تعكس ثقافة المجتمع.. لكن المبدأ ان المجتمع هناك من يرعاه وينظمه ويشرف عليه وهي الجهات الرسمية، مجتمع يعرف جهاته الرسمية يتصرف وفق هالمعرفة.
مثلاََ في مصر يتصلون علي الحرامي يجيك قسم الشرطة يسلم لك جوالك.. طبعاََ بعدما تدفعين الذي منه.
الحين الحرمة اللي ردت على الولد بنيوزلندا يوم قالها فيه مبلغ كذا (قالت oh my God)..
لكن لو انا قلت لاي واحد عربي هالكلام، اطيبهم بيقول الله يخلف عليك، لو طاحت بيد بن حلال ان شاء الله تلقاها؟ أو المال الحلال ما يروح / دفع بلاء يا طيب :)
صرنا لو ضيعنا شيء ما نقول فيه فلوس حتى لو فيه، لاننا نرسل اشارة اننا ما نبغي الفلوس نبغي الاوراق الرسمية او البطاقات.
هذا واقعنا المؤسف
رزق حلال والله ما ضيعهاقتباس:
المشاركة الأصلية كتبت بواسطة سالم الزهران
أول مرة أعرف إن ولدك رايح نيوزلندا يدرس .. البلاد بعيدة وايد بس أكيد تجربة مثيرة
جزاك الله خير يبو عبد الله والله يصلح لنا ولكم النية والذرية.