استيراد اغذيه لصناعة الشوكلاته
السلام عليكم ورحمة الله وبركاته
يا جماعة الخير ابي اخذ رخصة منزليه للشوكلت.. رحت وزارة التجاره وكل شي تمام ولكن قالوا الرخصة المنزليه ما تاخذ سجل تجاري ولا تقتدر تستورد المواد الخام حق الجوكلت اللي هي زبدة الكاكو (cocoa butter) ولا خام الكاكو (cocoa mass or liquo).. كلمت الجمارك وكلمت الوزاره ان ماقدر ابدا شغل الا بالمواد . قالوا رتب مع احد عنده شركة مواد غذائيه او محل شوكلت ودخل باسمه !!
ممكن احد يدلني اذا في احد في قطر يورد مواد الخام للجوكلت !! او شركة استيراد مواد غذائيه، تخليص جمركي، او محل شوكلت يقدر توفر لي المواد الخام راح اكون شاكر له وطبعا مب بلاش هذا بزنس وعلى ما قالوا ما يخدم بخيل .
